Hvaða atburði mun blóðmáni þessi bera í skauti sér?

Hérna er bréf sem vinur minn sendi mér 12 mars á þessu ári, og á hann við blóðtungl það sem greint er frá á Mbl.is síðastliðinn miðvikudag.  Þetta er svo merkilegt efni að mér finnst það tilvalið að birta það hér á bloggsíðu minni.  Byrjar hér bréfið:

Í nokkur ár hafa menn verið að taka eftir því að svo kölluð blóð tungl, það er þegar tunglið birtist rautt á fullum tunglmyrkva hafa skarast á hátíðir Gyðinga í fortíðinni og svo í náinni framtíð. en það verður á þessu ári  2014 og á næsta ári 2015. En þá hafa í sögunni alltaf orðið erfiðleikar og oft stríð En í sköpunar sögunni í Biblíunni er sagt frá því að Guð setti Sólinna Tunglið og stjörnurnar til að greina nót frá degi og til að marka tíðir, daga og ár og til tákns. 

Í Biblíunni er texti í Jóel 3:4. Sólin verður myrk og tunglið sem blóð áður en dagur Drottins kemur, hinn mikli og ógurlegi.  En þessi blóð tungl hafa alltaf birst 4 í röð, á 2 árum þar sem þau hafa skarast inn í hátíðir gyðinga

á 1 árinu á Páskum og síðan á laufskálahátíð,

á 2 árinu á Páskum og síðan á laufskálahátíð.

8 skiptið sem þau hafa birst 4 í röð á 2 þúsund árum er núna á þessu ári 2014 og svo 2015. 

Þekkt blóð tungl í sögunni voru, 4 í röð.

1493 - 1494. en 1492 var öllum gyðingum á Spáni boðið að taka kaþólska trú annars yrðu þeir reknir frá Spáni.

Kólumbus fór líka sínu fyrstu ferð til Ameríku sama ár 1492 og sína síðustu ferð 1498 og nokkrar inn á milli.

Síðan voru 4 í röð 1949 - 1950.   En frelsistríðið í Ísrael var 1948 - 1949

Síðan voru 4 í röð 1967 - 1968.  En sex daga stríð Ísraelsmanna var 1967

Og svo verða 4 í röð 2014 - 2015.   Þeir verða 15. Apríl og 8. Október 2014

Sólmyrkvi er 20. Mars 2015.   Og svo 4. Apríl, og 28. September 2015

Hérna er síða um Blóð tungl með ártölum hvenær þau voru í sögunni og hvenær þau verða.

 http://watch.org/showart.php3?idx=104119

 

Og líka síða sem nær lengra aftur í tímann þar sem þessi blóð tungl birtust, atburðir og stríð þá sem höfðu áhrif á mannkyns söguna.   Og hvernig fólk trúir að þetta séu tákn frá Guði um og hvernig þessi blóð tungl komi inn í síðustu tíma og merki endur komu Jesú.   En Biblían segir frá því að Jesús komi aftur til Jarðarinnar á sama hátt og hann fór til Himna.

 http://www.pray4zion.org/TheComingBloodMoons.html

 Og líka vídeó um 4 næstu blóð tungl með perry stone.

 http://www.youtube.com/watch?v=uiZo6p5v0Uc

En hvað er það sem fólk hefur kallað blóð tungl, það er þegar tunglið birtist rautt.   Það gerist í fullum tunglmyrkva þegar Jörðin varpar skugga sínum á tunglið og geislar Sólarinnar skína í kringum jörðinna inn í andrúmsloftið, en þá myndast þessi rauða birta og endurvarpast á tunglið sem verður þá rauð litað.

 http://earthsky.org/space/why-does-the-moon-look-red-during-a-total-lunar-eclipse

 http://scienceblogs.com/startswithabang/2011/02/01/why-the-moon-turns-red-during/

Hérna er síða frá Nasa hvenær það eru tunglmyrkvar.   Það er hægt að bera saman dagatalið um tunglmyrkvana og dagatalið um hátíðir Gyðinga saman.   þá sér maður að tímasetningin passar saman, en þá falla blóð tunglin inn í hátíðir Gyðinga fyrir árin 2014 - 2015.

 http://eclipse.gsfc.nasa.gov/lunar.html

 Hérna er síða frá Nasa hvenær það eru sólmyrkvar

 http://eclipse.gsfc.nasa.gov/SEdecade/SEdecade2011.html

 hér er síða með dagatali þar sem allir tunglmyrkvar og sólmyrkvar eru sýndir

 http://www.seasky.org/astronomy/astronomy-calendar-2014.html

 Og líka síða með dagatali um hvenær Hátíðir gyðinga eru.

 http://www.chabad.org/holidays/default_cdo/year/2014/jewish/2014-Holidays.htm

 https://www.jewishvirtuallibrary.org/jsource/Judaism/festivals.html

Hérna eru síður um Biblíuleg brúðkaup Gyðinga til forna og það er síðan tengt við Jesú að hann er okkar brúðgumi eins og Biblían talar um.

En í síðunni er sagt frá því hvernig brúðkaupið fór fram frá upphafi þess og til enda.   þar er margt skemtilegt eins og það að fyrst var giftingar sáttmálinn Gerður, síðan yfirgaf brúðguminn brúðina til þess að gera handa henni sérstakt herbergi í húsi föður hans þar sem þau yrðu 2 saman, síðan gátu liðið allt að 12 mánuðum þar til brúðguminn kæmi að sækja brúðina sína, en hann kom venjulega þegar líða tók að miðnætti og þá var blásið í lúður og fólk dansaði og hrópaði á götunum, En þá tók brúðguminn brúðina og fór með hana í hús föður síns til þess að þau gætu verið 2 saman í 7 daga í þessu herbergi sem hann útbjó handa þeim.

Jesús kom til Jarðarinnar til þess að borga okkar gjald, til þess að við gætum þá verið hans börn, synir og dætur.   En hver er brúðurinn nema þeir sem hann borgaði gjaldið fyrir.  Hann borgaði þetta gjald sem Biblían segir frá að sé hinn nýi sáttmál milli Guðs og manna, sem hann undiritaði með blóði sínu sem rann á Golgata þegar hann var negldur á Kross.

Í Biblíunni er talað um 7 ára þrengingar tíma þar sem andkristur mun ríkja. 

Kemur Jesús núna á okkar dögum til þess að taka brúði sína til þess að vera með henni  í 7 ár á meðan að þrengingar tímar eru á Jörðinni sem Biblían talar um?

 http://www.opendoorministrieswv.org/ancientjewishwedding.html

 http://www.returntogod.com/hebrew/wedding.htm

 það er vitnað í síðunni fyrir ofan frá Jesia 26:20-21.  

 20 Gakk þú, þjóð mín, inn í herbergi þitt og lyk aftur dyrunum á eftir þér. Fel þig skamma hríð, uns reiðin er liðin hjá.

21 Því sjá, Drottinn gengur út frá aðseturstað sínum til þess að hegna íbúum jarðarinnar fyrir misgjörðir þeirra. Jörðin mun birtast láta blóðið, sem á henni hefir verið úthellt, og hún mun ekki lengur hylja þá, sem á henni hafa myrtir verið.

 http://www.wordplanet.org/is/23/26.htm

Hérna er merkilegt Vídeó um draumsýn sem maður sá, um blóð tungl og endurkomu Jesú, en Jesús kom í draum sýninni þegar engin átti von á.  Biblían segir frá því að Jesús komi aftur þegar engin á von á því, hann segir látið mig ekki Finna ykkur sofandi, Það segi ég ykkur vakið því engin veit dagin eða stundinna.

 http://www.youtube.com/watch?v=_t3nKgSPXMI

Og líka síður um friðarviðræður Ísraels og Palestínu, en þeir setja tímapunkt til 29 Apríl (þetta bréf er ritað 12 mars 2014) en þá er reyndar deildar sólmyrkvi sama dag, það er hægt að lesa um hann á síðunni fyrir ofan.  og þá á að vera búið að ganga frá einhverju í þessum friðar viðræðum til þess að hefja nýja ramma áætlun um frið og öryggi á þessu svæði skilst mér.  Kemur Jesús aftur eftir að þessi friðar samningur milli Ísraelsmanna og palestínumanna verður undiritaður, kannski í kringum þessi blóð tungl?  Engin veit það nema Guð.

En hvað átti brúðurinn að gera áður fyrr í Ísrael þegar hún var að bíða eftir brúðgumanum?

hún átti að vera viðbúin komu hans, vera tilbúin í brúðar fötunum.

En Jesús segir okkur að vaka allar stundir og biðja, lifa í honum, vera viðbúin komu hans.

http://nyulocal.com/national/2014/02/20/john-kerrys-plan-for-israel-palestine-peace-talks-going-as-smoothly-as-expected/

http://www.usatoday.com/story/news/world/2014/02/03/israel-palestine-troops-jewish-state-peace/5189139/

http://www.jpost.com/Diplomacy-and-Politics/US-expects-delay-on-Israeli-Palestinian-peace-talks-Kerry-framework-rollout-340229

Kær kveðja.

Steindór.

 

Blóðmáninn sést ekki frá Íslandi

Útreikningar Hagstofunar sýna fram á að fyrirhugaðar aðgerðir ríkisstjórnarinnar hækki kaupmátt um hálft prósent.

Ég hef verið fylgjast með Kastljósi í kvöld þar sem Háttvirtur forsætisráðherra situr fyrir svörum varðandi fjármálafrumvarp fyrir árið 2015.  Þar er gott að sjá hversu formenn stjórnarflokkana tveggja eru samsíða í málflutningi sínum varðandi fjárlagafrumvarpið og hvað sé heillavænlegast fyrir þjóðina, fólkið í landinu.  Hefur Sigmundur sömu sýn á breytingu virðisaukaskattskerfinu, sem sé breyting á skattþrepunum tveimur og einnig niðurfellingu vörugjalda.  Að sjálfsögðu virðist við fyrstu sýn að með hækkun lægra þreps virðisaukaskatts á matvæli úr 7% í 12% sé verið að vega að láglaunafólki, öryrkjum og öðrum sem ekki hafa mikið á milli handanna.  En samkvæmt rannsókn Hagstofunnar þá er heilldarútkoma þessara aðgerða sú að þegar litið er á heildarmyndina eykst kaupmáttur heimilanna um hálft prósent.  Ég geri mér ekki grein fyrir hvernig Hagstofan reiknar þetta út, en ég treysti Hagstofunni nokkuð vel að komast að nokkuð raunhæfri niðurstöðu.  Fannst mér gott að sjá hversu einarður Sigmundur var í málflutningi sínum, mátti sjá og heyra að hann hafi hlotið þá réttu yfirsýn yfir þetta mál, sem Sjálfstæðisflokkurinn og þeir sem eru á hægri væng stjórnmálana eru.  Minnist ég þess að hafa heyrt Bjarna Benediktsson segja á Alþingi í dag eitthvað á þá leið að Vinstri menn sjái ekki hvað skattalækkun er.  Finnst mér gott að Sigmundur og Bjarni hafi þarna mótað sér skoðun og gerst sammála um hvað þeir telja þjóðinni fyrir bestu og landsmönnum.  Þarna er á ferðinni hugmyndir sem ég býst við að eigi uppruna sinn í tjaldbúðum Sjálfstæðismanna, þeim flokki sem sá sem þetta skrifar aðhyllist og telur að sé sá besti í safni Íslenskra stjórnmálaflokka.

Mesta skattahækkun Íslandssögunnar?

Gott að fólk í Stjórnstöð Almannavarna kunni gott að meta.

Það er gott að vita að starfsfólk samhæfingarmiðstöðvar Almannavarna kunni gott að meta.  Sigmundur Davíð Gunnlaugsson tjáði sig á Facebooksíðu sinni varðandi heimsókn sína í Stjórnstöð Almannavarna;

„Ég leit við í stjórn­stöðinni í Skóg­ar­hlíð. Þar voru menn ró­leg­ir en við öllu bún­ir. Ekki skemmdi fyr­ir að sjá að fólkið var að borða Hraun og drekka gos."

Íslenska sælgætið er það besta að mínu mati. Hvað er betra en Hraun eða Prins súkkulaði með gosi, Pepsi Max eða Diet Coke. Mér fannst gott að sjá að forsætisráðherra og fjármálaráðherra komu í gær í stjórnstöð almannavarna til þess að kynna sér hvað þar færi fram. Þeir láta sér hag landsmanna sér fyrir brjósti bera. Sigmundur og Bjarni eru að mínu mati réttir menn á réttum stað í ríkisstjórn. 

Þrátt fyrir að töluvert pólitískt moldviðri hafa ríkt í starfstíma núverandi ríkisstjórnar, og sumir bent á eitthvað sem þeim fannst að betur mætti fara þá er ríkisstjórnin að standa sig vel að mínu mati.  Níðurfærsla höfuðstóls íbúðalána er það mesta sem ég hef nokkra ríkisstjórn koma í verk og ég bíð spenntur eftir að sjá hversu mikið það skilar sér í lækkun afborgana á íbúðaláni mínu.  Annað sem má nefna sem er jákvætt eftir að núverandi ríkisstjórn tók við að fjárhagur ríkisins er allur á uppleið og að ekki er lengur rekstrarhalli og atvinnuleysi er að minnka eftir því sem ég best veit.

Borða Hraun og drekka gos

Gott að útvarpsstjóri sá sig um hönd, en best væri að Orð Kvöldsins fengi að vera áfram.

Ég vil lýsa yfir þakklæti mínu að útvarpsstjóri Magnús Geir Þórðarson hafi séð sig um hönd og ekki tekið alfarið af dagskrá þætti sem innihalda bæn og stutta hugvekju hvern morgun.  Þættirnir sem til stóð að leggja niður voru Morgunbæn, Morgunandakt og Orð Kvöldsins.  Útvarðsstjóri ákvað vegna margra óánægjuradda sem komu fram hjá þjónum kirkjunnar og öðru fólki að leggja bæna og hugvekjuþættina ekki niður heldur auka vægi þessara dagskrárliða og eiga þeir að heita; Morgunbæn og Hugvekja.  Það er að sjálfsögðu aðdáunarvert að útvarpsstjóri hafi hlustað á raddir þeirra sem alls ekki vildu missa þessa dagskrárliði, eins og aldraðir, sjúklingar og einstæðingar. 

Skilst mér að áfram eigi að útvarpa messum á sunnudagsmorgnum og sem fyrr ætlar RÚV að bjóða upp á veglega dagskrá um hátíðir sem tengist trúariðkun og bænahaldi landsmanna. Útvarpsstjóri hefur ennfremur ákveðið að hleypa af stokkunum þætti þar sem prest­ar þjóðkirkj­unn­ar, guðfræðing­ar og aðrir flytja hug­leiðing­ar um trú, menn­ingu og sam­fé­lag. Þátt­ur­inn verður á besta út­send­ing­ar­tíma strax eft­ir kvöld­frétt­ir á sunnu­dög­um.

Það eina sem mér finnst vanta upp á er að Orð Kvöldsins fái að vera áfram á dagskrá. Það væri leitt ef þessi þáttur yrði lagður niður því margir hafa vanist á að hafa þessa friðar og helgistund á kvöldin með lestri úr Orði Guðs.  Það eru margur sjúklingurinn eða þeir sem aldraðir eru sem njóta þessa þáttar á kvöldin því þeim er útvarpað í útsendingarkerfum sjúkrahúsa og elliheimila.  Leyfum öldruðum og sjúklingum að ganga til náðar með Orð Guðs í huga.

Kær kveðja.

 

Biskup fagnar ákvörðun útvarpsstjóra

Halda ber áfram útsendingu þessara góðu áratuga gömlu þátta á Rás 1.

Það er leitt til þess að vita að hætta eigi útsendingu Orðs Kvöldsins og Morgunbænar.  Dagskrárstjóri Rásar 1 hefur lýst yfir þeirri ákvörðun sinni að hætta útsendingu þessara þátta sem hafa verið samofin dagskrá RÚV um margra áratuga skeið.  Það eru margir sem munu sakna þessara þátta sárt verði þeim hætt, þar á meðal aldraðir og sjúklingar sem hlusta á þessa þætti í hlustunarkerfum spítala og elliheimila.  Samkvæmt könnun á vef Útvarps Sögu eru tæpl. 88% ósammála ákvörðun dagskrárstjóra um að leggja niður þessa þætti, en um 10,4% sammála.  Dagskrárstjóri ætti að leggja það undir álit almennings hvort hætta eigi útsendingu þessara þátta, en ekki láta eigin geðþáttaákvörðun ráða för.  Kristin trú hefur verið samofin menningu þjóðarinnar um aldaraðir og hefur fært mörgum manninum styrk til að takast á við málefni líðandi dags og visku til að haga lífi sínu á þann hátt að það sé til sóma og eftirbreytni og komið sé vel fram við náungann.  

"Því að náð Guðs hefur opinberast til sáluhjálpar öllum mönnum.  Hún kennir oss að afneita óguðleik og veraldlegum girndum og lifa hóglátlega, réttvíslega og guðrækilega í heimi þessum, í eftirvæntingu vorrar sælu vonar, að hinn mikli Guð og frelsari vor Jesús Kristur opinberist í dýrð sinni.
Hann gaf sjálfan sig fyrir oss, til þess að hann leysti oss frá öllu ranglæti og hreinsaði sjálfum sér til handa eignarlýð, kostgæfinn til góðra verka."  Títusarbréf 4:11-14

Ég vil hvetja útvarpstjóra til að halda útsendingu þessara mannbætandi og trúarstyrkjandi þáttum áfram.

Kær kveðja.

 

 

Rúmlega 3.200 vilja Morgunbæn áfram

Kristin trú ætti að vera í hávegum höfð í Ríkisútvarpi allra landsmanna.

Um áratugaskeið hafa þættirnir Orð Kvöldsins, Morgunbæn og Morgunandakt haft sinn fasta sess í dagskrá Rásar 1.  En þar hefur Guðs orð fengið að hljóma ásamt bæn sem færir þeim sem á það hlusta styrk og uppörvun.  Nýverið hefur dagsrárstjóri Rásar 1 Þröstur Helgason lýst yfir þeirri ákvörðun sinni að leggja þessa 3 dagskráliði niður alfarið og útvarpa í þess stað þátt sem á að fjalla um hin ýmsu trúarbrögð.  Það er mikil hneysa að leggja eigi þessa dagskráliði niður því þessir þættir taka aðeins nokkrar mínútur i útsendingu og það er viss hópur fólks sem hlustar á þessa þætti eins og aldraðir og einstæðir og þessum þáttum er útvarpað í útsendingarkerfi sjúkrahúsa.  Kristinni trú og gildum ber að sýna tilhlýðlega virðingu í þessum ríkisrekna fjölmiðli landsins sem kallaður er útvarp allra landsmanna.   Löggjöf landsins ásamt grunnsiðferðisgildi þjóðarinnar eru byggð á Kristnum gildum og meirihluti landsmanna tilheyrir Kirstinni kirkju.  Því ætti ekki að sópa kristinni trú eins og undir teppið í Ríkisútvarpi þjóðarinnar.  Kristin trú er trú á almáttugan Guð, skapara himins og jarðar og son hans Jesúm Krist sem gaf líf sitt fyrir okkur svo við mættum í trúnni á hann öðlast eilíft líf.  Við eigum ekki að blygðast okkar fyrir Kristna trú.  Ég hvet dagsrárstjóra Rásar 1 til að eindurskoða þessa ákvörðun sína.

Vilja hafa hin kristnu gildi í heiðri

Engan má úrskurða sekan nema að sekt sé sönnuð.

Lekamálið svokallaða hefur hlotið afar mikla umfjöllun í fjölmiðlum upp á síðkastið.  Segja sumir að þetta mál hafi verið blásið upp af andstæðingum utanríkisráðherra, Hönnu Birnu Kristjánsdóttur til þess að koma henni út úr stjórnmálum.  Hún á sér líka marga fylgismenn sem styðja málstað hennar og trúa því að hún sé saklaus af þeim ásökunum sem bornar eru á ráðuneyti hennar.  En það er eins og kunnugt er að minnisblað er sagt hafa verið fært fjölmiðlum varðandi málefni viss innflytjanda.  Í frétt á mbl.is sagði Hanna Birna meðal annars að sú samantekt sem fjölmiðlar hafa greint frá að hafi verið á umræddu minnisblaði komi ekki heim og sama við þá samantekt sem ráðuneyti hannar hafi varðandi umræddan inflytjanda.  Vísar hún öllum ásökunum á bug að hún hafi látið umrætt minnisblað af hendi né hafi haft vitneskju um að einhver innan hennar ráðuneytis hafi látið það af hendi. 

Ég vil ekki leggja dóm á hvað fram fór varðandi þetta mál en ég vil segja að ég ber fullt traust til Hönnu Birnu, mér finnst hún virka sem mjög heiðarleg og samviskusöm manneskja.  Það er alveg ljóst að engin ástæða er til að leggja neinn áfellisdóm á háttvirtan innanríkisráðherra, því málið er í rannsókn og engann er hægt að dæma sekan nema að sekt sé sönnuð.  Þau orð Hönnu Birnu að 'sú samantekt sem birtist í fjölmiðlum sé ekki eins og sú samantekt sem innanríkisráðuneytið hafi undir höndum' skapar vissar spurningar.  Var það raunverulega minnisblað frá innanríkisráðuneytinu sem fært var fjölmiðlum?

Það að innanríkisráðherra hafi borist morðhótanir er mjög alvarlegt mál.  Mér finnst öll umræða um stjórnmálamenn hafa færst mjög til verri vegar síðustu ár, bæði á meðal almennings og fjölmiðla.  Þörf er á hugarfarsbreytingu hjá fólki hvað þetta varðar.  Við eigum að blessa fólk ekki að dæma eða tala illa um aðra. 

Ég vil hvetja Kristið fólk til að biðja fyrir landi og þjóð.  Í 2. tímóteusarbréfi stendur:  "Biðjum fyrir konungum og öllum þeim sem hátt eru settir til þess að við fáum lifað friðsamlega og rólegu lífi í Guðsótta og siðprýði.  Þetta er gott og þóknanlegt Guði, frelsara vorum, sem vill að allir menn verði hólpnir og komist til þekkingar á sannleikanum."  Biðjum fyrir Forseta, Ríkisstjórn, Alþingi, embættismönnum og starfsfólki ráðuneyta og stofnana ríkisins, borgar- og sveitastjórnum, dómstólum. lögreglu og Tollstjóraembættinu.  Biðjum um vernd og varðveislu yfir þau sem gegna þessum erfiðu og krefjandi störfum.  Biðjum um blessun fyrir fjölskyldur þeirra og heimili.  Biðjum Guð að stöðva neikvætt umtal um þau sem þurfa að koma fram í fjölmiðlum.  Tölum jákvætt og Blessum.

Kær kveðja.

 

 

„Vantraust á ráðuneytið moldviðri“

Ekki er gott að Ríkisstjórnin fríhjóli í ESB málinu.

Yfirlýsingar Jean-Clau­de Junckers, verðandi for­seta fram­kvæmda­stjórn­ar ESB, um fimm ára hlé á stækk­un ESB hefur vakið upp margar spurningar hjá landsmönnum.  Hvað mun ríkisstjórnin gera varðandi aðildarumsókn Íslands að ESB og verður tillaga að slitum aðildarviðræðna við ESB lögð fram á komandi Haustþingi.  Háttvirtur Utanríkisráðherra, Gunnar Bragi Sveinsson tjáði sig í kjölfar ummæla Junkers;  „Menn þurfa að meta hvort það sé ein­hver þörf á að flytja slíka til­lögu, hvort þetta út­spil Junckers sé það svar sem við þurft­um. Sé tal­in þörf á því að leggja til­lög­una fyr­ir þingið er ég í sjálfu sér til­bú­inn að gera það."

Varðandi ummæli Gunnars Braga vil ég segja þetta; er nokkur spurning um hvort flytja eigi fram tillöguna að viðræðuslitunum á næsta haustþingi?  Mér finnst ríkisstjórnin hafi látið draga sig til og frá í máli því er snertir fyrirhugaða ákvörðun að slíta aðildarviðræðunum, þar sem hlustað hafi verið um of á úrtöluraddir og upphrópandir úr hópi ESB- aðildarsinna.  Gunnar sagði að meta þurfi hvort þörf sé á að  flytja tillöguna að viðræðuslitum.  Mér er spurn hvað veldur því að utanríkisráðherra er  tvístígandi í þessu máli. Er hann hræddur við mótmæli aðildarsinna og sumra ESB sinnaðra fjölmiðla?  Eða sér hann ekki mikilvægi þess að best sé fyrir land og þjóð að Ísland sé ekki lengur umsóknarríki að ESB?  Þar sem fréttir hafa borist af auknum erfiðleikum í Evrusamstarfinu og viðvarandi atvinnuleysi hefur lengi verið vandamál í mörgum Evruríkjunum.  Er ríkisstjórnin ef til vill að gæla við þá hugmynd að best sé að fresta viðræðuslitum um óákveðinn tíma, jafnvel þangað til kjörtímabil hennar er á enda ?  Það er ekki gott að Ísland hafi stöðu aðildarríkis, þar sem það að mínu mati setur Ísland í óvissu varðandi samninga við önnur lönd og heimsálfur og getur snert gerð fiskveiðisamninga.

Ég vil segja að það kann ekki góðri lukku að stýra að fríhjóla í þessu máli.  Að Ríkisstjórnin láti dragast að taka afstöðu um hvort aðildarviðræðunum verði slitið.   Það er ekki gott að fríhjóla lengi í málum sem þessum sem snerta svo mjög hag þjóðarinnar, sem er sjálfstæði og afkoma undirstöðuatvinnuvega landsins.  Því þá geta veður og vindar borið menn af leið.

Háttvirt Ríkisstjórn; látið ekki áróður og ummæli ESB- sinna hræða ykkur frá því að taka rétta ákvörðun í ESB málinu.  Slítum ESB viðræðum strax á næsta haustþingi.

Afturköllun til skoðunar

Slit aðildarviðræðna mundi auka álit þorra landsmanna á Ríkisstjórninni.

Oft er því haldið fram af fylgjendum ESB umsóknar að Ríkisstjórninni beri að efna til þjóðaratkvæðagreiðslu um áframhald aðildarviðræðna við ESB.  Undir það tekur Styrmir Gunnarsson fyrrverandi ritstjóri Morgunblaðsins á vef sínum Evrópivaktin.  Þar lætur hann þau ummæli falla um Ríkisstjórnina að hann spái henni fylgishruni í Þingkosningunum 2017 ef ekki verður stefnt til þjóðaratkvæðagreiðslu um afstöðu landsmanna til ESB.  Líkti hann málinu við tap Brasilíska knattspyrnuliðsins á HM við hugsanlegt fylgishrun ríkisstjórnarinnar, þar sem Brasilíska liðið gjörtapaði fyrir þjóðverjum 1:7.  Það er ekkert nýtt að þeir sem hugsa sér vel til glóðarinnar varðandi hugsanlega ESB aðild reyni að gera ríkisstjórnina tortryggilega með ýmsum aðferðum.  Er látið í veðri vaka að rRkisstjórninni beri að stofna til fyrrgreindrar atkvæðagreiðslu og að landsmenn verði að fá að segja hug sinn varðandi áframhald ESB viðræðna. 

Ég vil benda á að Ríkisstjórnarflokkarnir hafa það á stefnuskrá sinni að ESB aðild henti ekki Íslenskri þjóð.  og að í Stjórnarsáttmálanum segir eitthvað á þessa leið; að ekki ekki verði gengið lengra í aðildarviðræðum við ESB nema að undangenginni þjóðaratkvæðagreiðslu.  Það er ekkert fyrirheit þarna um þjóðaratkvæðagreiðslu.  Það má vera að einhverjir sem tjáðu sig fyrir hönd Stjórnarflokkana í aðdragandi síðustu Alþingiskosninga hafi látið einhver orð falla um hugsanlega atkvæðagreiðslu varðandi ESB aðildarviðræður á kjörtímabilinu.  En slík ummæli eru persónulegar skoðanir viðkomandi stjórnmálamanna og endurspegla að mínu mati á engan hátt yfirlýsta stefnu flokks þeirra.  Má segja að þetta hafi verið vanhugsað af viðkomandi að láta þessi ummæli falla.

Á hinn bóginn er tihæfulaust að stofna til þjóðaratkvæðis um mál sem byrjað var á í óþökk þjóðar, með raunverulega einn flokk að baki, það er.  Samfylkingin og Vinstir Græn sem eru andsnúin aðild en ákváðu að fylgja með Samfylkingunni inn í Stjórnarsamstarf 2009 og gerast eins og fylgissveinar hennar og hlýða henni í einu og öllu.  En þar á ég við umsókn um aðild Íslands að ESB og aðildarferlið sem átti sér stað í tíð fyrri ríkisstjórnar sem var ranglega kynnt sem aðildarviðræður.  Eins og alþjóð veit þá var ekki stofnað til þjóðaratkvæðagreiðslu um umsókn að aðild þá og siglt var í gegnum þessar viðræður með tilheyrandi lagabreytingum sem ESB krafðist af Íslendingum sem umsóknarríkis, stofnuð var Evrópustofa sem sá um að útbreiða áróðri fyrir ESB aðild, IPA styrkir komu til.  Allt til að liðka fyrir aðild og til að auka áhuga landsmanna á ESB.  En viðræðurnar sigldu í strand á tíma fyrri ríkisstjórnar, þær voru settar á ís eins og það var kallað.  Var margt ályktað um orsakir þess en sennilegasta skýringin var eflaust sú að áframhaldandi innleiðing á lögum ESB og hugsanlegt framsal yfirráða yfir mikilvægum auðlindum þjóðarinnar var ekki lengur möguleg án breytingar á Stjórnarskrá Lýðveldisins.  Ekki var að undra að  fyrrverandi ríkisstjórn var svo umhugað um að koma fram breytingum á Stjórnarskrá Íslands.

Aðildarviðræðum sem stofnað var til, án vilja þjóðarinnar á að binda enda á, af núverandi Ríkisstjórn og með samþykkt  Alþingis.  Þessum svonefndu aðildarviðræðum var komið á af þáverandi ríkisstjórn á algerlega ólýðræðislegan hátt, ætti að binda enda á, á lýðræðislegan hátt.  Með því að ríkisstjórnin sem hefur á bak við sig atkvæði meirihluta landsmanna sem samþykkti ályktanir hennar varðandi ýmis mál. þar á meðal; afneitun á framsali fullveldis Íslands til ESB, slíti þessum viðræðum.  Og hætti að  láta berast eftir veðri og vindum, með því að láta orð og áróður ESB sinna hræða sig og draga úr sér kjarkinn.  Og ekki má fyrir neinn mun fresta að taka ákvörðun varðandi málið fram yfir næstu kosningar.  Meginþorri landsmanna mundu að ég tel, meta ríkisstjórnina mun meira ef hún hún stígi fram þegar Alþingi kemur saman í haust og slíti þessum viðræðum.

Spáir ríkisstjórninni fylgishruni

Veljum Íslenskt.

Það er skoðun mín að íslenskar matvörur séu í sérflokki hvað gæði og bragð snertir og á ég þá við sem breiðasta flóru matar bæði kjöts og bökunarvöru, sælgætis og drykkja.  Íslenska kjötið er í heimsmælikvarða hvað hreinleika varðar, engir hormónar eru notaðir við ræktun.  Íslenskt grænmeti er ekki erfðabætt eins og tíðkast víða erlendis.  Gosdrykkir framleiddir hér á landi eru þeir bestu í heimi þar sem notast er við hreint íslenskt vatn, og íslenskt sælgæti er með því besta sem til er í heiminum.  En sælgætið er það sem ég vil gera að umtalsefni mínu hér.

Ég fór fyrir nokkru síðan í eina af lágvöruverslunum sem eru á suðurlandsundirlendinu.  Þar fylgdist ég með hvar fólk var að byrgja sig upp af sælgæti fyrir helgina.  Sá ég þar að Íslenska sælgætið var þar oftast fyrir valinu.  Ég leit í eina körfuna og sá að viðkomandi kaupandi hafði valið sér kassa með íslenskum súkkulaðibitum, hvart það var Hraun eða Conga man ég ekki.  Ég leit í næstu körfu og þar var samskonar kassi ekki með því alveg sama en ein af gömlu góðu súkkulaðistykkjunum sem seld eru í 200 g öskjum.  Ég leit framar í röðina og mér til mikillar gleði sá ég að manneskjan þar hafði valið Góu rúsínur í 375 g öskju, eitt af Íslensku eðalsælgætistegundunum, ekkert innflutt erlent sælgæti þar.  Ég fór og tók út sælgætisúrvalið í verslun þessari og sá að sælgætisúrvalið var blómlegt einn langur rekki með ekkert nema sælgæti og það vakti aðdáun mína að aðeins lítill hluti af rekkanum var fyrir erlent sælgæti.  Gott mál það.  Mér finnst íslenskur sælgætis- iðnaður standa í miklum blóma þessa stundina.  Mikið er af tegundum og sælgæti yfirleitt ljúffengt, ég smakkaði td Pipp um daginn með karmellufyllingu og það var eins og besta konfekt, svona eins og maður borðar á Jólunum.  Sælgætisframleiðendurnir Íslensku Nói Síríus, Góa, Lindu og fleiri hafa aukið sælgætisúrval sitt með því að bjóða hið hefðbundna sælgæti sitt eins og súkkulaðistykkin í öskjum.  Eru súkkulaði- stykkin þar lítil og gott er að hafa kassa á borðinu og gæða sér á því á laugardagskvöldum við sjónvarpið.

Svo ég haldi áfram með þráðinn eins og frá var horfið, þá fór ég líka í aðra verslun  við hliðina.  Var þar stór bás fyrir bland í poka, Ég fór að básnum því ég gerði þar smá innkaup og sá ég þar það sem síst skyldi vera, en þar var mestmegnis erlent sælgæti, eins og súkkulaði, brjóstsykur, hlaup og lakkrís.  En um lakkrísinn vil ég segja að ég hef aldrei fundið erlendan lakkrís sem stenst þeim íslenska samanburð.  Er nánast alltaf um mikið þurrari vöru að ræða og bragðið beiskara en af þeim Íslenska.

Ég vil segja hvað höfum við með erlenda matvöru að gera?  Styðjum  Íslensk matvælafyrirtæki og Íslenska bændur.  

Kafað ofan í Costco-málið