Betra væri að verja fjármunum í uppbyggingu vegakerfisins en í Borgarlínu

Ragn­ar Árna­son hag­fræðipró­fess­or segir ný­lega skýrsla Mann­vits og danska ráðgjaf­ar­fyr­ir­tæk­is­ins COWI um hagkvæmni borg­ar­lín­unar vera ranga túlkun. Væri hún kynnt þannig að fram­kvæmd­in væri þjóðhags­lega hag­kvæm.
Er höfundur þessa bloggs honum hjartanlega sammála en ég hef undanfarin ár skrifað nokkur blogg um þetta efni án þess að telja mig vera einhvern sérfræðing á þessu sviði.
Það er skoðun mín að ef fjármunum sem annars færu í borgarlínu væri varið í að endurbæta vegakerfið á Stór-Reykjavíkursvæðinu og að koma sem víðast fyrir tölvustýrðum umferðarljósum mundi umferð við það verða mun greiðari en nú er og strætósamgöngur líka. Það mætti byggja fleiri mislæg vegamót sem ekki taka mikið pláss eins og vegamótin frá Reykjanesbraut að Costco. Það mætti reisa hringtorg á sumum stöðum eins og á Miklubraut þar sem umferðarteppur myndast oft. Væru þessi hringtorg uppbyggð á þar til gerðri brú. Mundi þetta auka umferðaflæði umtalsvert.
Ekki þyrfti að gera Borgarlínu þar sem slíkt mannvirki nær ekki út í útverfin nema að litlu leiti og gert er ráð fyrir að fólk komi sér þaðan sjálft með strætó eða með öðrum hætti. Með Borgarlínu er líka ætlunin að þrengja að umferð einkabílsins sem er mikil öfugþróun því umferðarteppur skapa meiri mengun og ekki er ástæða til að minnka notkun einkabílsins því rafbílum fer sífellt fjölgandi á Íslandi. Kostnaður við þessa fyrirætluðu framkvæmd er mjóg óljós og er við hæfi að kalla hana óútfylltan tékka. Mikið betra væri að nota peningana í uppbyggingu á vegakerfinu á höfuðborgarsvæðinu og annars staðar á landinu. Ef það er vilji til að bæta ennfremum almenningssamgöngur í Reykjavík þá mætti nota aðeins brot af þeirri upphæð sem annars færi í Borgarlínu til að þétta leiðakerfi strætó og fjölga stoppistöðvum.

Kær kveðja.

Borgarlínan ekki þjóðhagslega hagkvæm

Aukið aðgengi að áfengi eykur drykkju

Í framvarpi til breytinga á áfengislögum sem Áslaug Arnu Sigurðardóttir dómsmála-ráðherra hyggst leggja fram er lagt til að rekst­ur inn­lendra vef­versl­ana með áfengi í smá­sölu til neyt­enda verði heim­ilaður og að smærri brugg­hús­um verði gert kleift að selja áfengt öl í smá­sölu á framleiðslu­stað.

Frestur til að senda inn umsögn til Alþingis um frumvarp þetta lýkur á morgun mánudag. Margir hafa sterkar skoðanir á frumvarpi þessu. Sendi undirritaður inn umsögn nú í dag og er hún á þessa leið:

"Það er augljóst mál að samþykkt frumvarps háttvirts dómsmálaráðherra sem heimilar sölu áfengis á netinu til Íslendinga og áfengisframleiðendum að selja beint til neytenda, bæti rekstrargrundvöll þessara fyrirtækja og auki hagnað.

En hvað með unga fólkið og samfélagið allt? Mun þetta bæta hag unga fólksins okkar og annarra?

Það leikur enginn vafi á því að aukið aðgengi að áfengi eykur drykkju. Neysla áfengis veldur aukinni tíðni ótímabærra dauðsfalla, fjölgar umferðarslysum, eykur ofbeldi utan heimilis og innan, þar á meðal kynferðismisnotkun. Áfengi er skaðlegt heilsu fólks rétt eins og tóbak, sem mikið forvarnarstarf hefur verið unnið á meðal ungs fólks undanfarna áratugi. En áfengi er að því leiti hættulegra en tóbak þar sem það slævir dómgreind, minnkar athyglisgáfu og í sumum tilfellum siðferðisvitund.

Sú röksemd að leifa eigi sölu áfengis á netinu til íslenskra neytenda vegna þess að það sé heimilt utanlands frá, er haldslítil. Það hefði aldrei átt að heimila slíka sölu af netinu utanlands frá. Framleiðendur áfengra drykkja ættu að gera sér grein fyrir að áfengi er óholl vara þeim sem neytir hennar og er mikið þjóðfélagsböl þar sem það veldur þjóðfélaginu miklu tjóni og eykur kostnað fyrir heilbrigðiskerfið."

Hérna má sjá innsendar umsagnir á samradsgatt.island.is

Sjá einnig þessa grein á heimasíðu Kristinna stjórnmálasamtaka.

Dóri DNA á meðal umsagnaraðila áfengisfrumvarps