Einkar ánægjulegt að Bjössi Bolla hafi snúið aftur.

Ég sá utan á blaði DV fyrir nokkru síðan mynd af Magnúsi Guðmundssyni leikara til hliðar við Bjössa Bollu sem er hann sjálfur snúinn aftur í gervi þessa landsþekktu og skemmtilegu persónu.  Fylgdi fyrirsögn þessari mynd sem var eitthvað á þá leið að Bjössi Bolla sé snúin aftur.  Á ég varla orð til að lýsa því hersu fyndin þessi mynd var af þeim Magnúsi og Bjössa.  Maggi stóð til hægri og benti með fingrinum á Bjössa sem sneri að Magnúsi, var hann í matrósafötunum eftirminnilegu og stóru rauðu húfunni, var eins og hann væri að ulla, eins og það heitir á gömlu íslensku máli að Magga.  Var eins og honum væri bumbult eða óglatt og var eins og ælan myndi þá þegar standa út úr honum.  Ég fór í DV.is til að fá þær fréttir á hreint að Bjössi hafi snúið aftur, því ég tímdi ekki að kaupa blaðið umrædda, og þar fékk ég staðfestingu á þessum góðu fréttum. 

Ég vil segja að það er mikið gleðiefni að Magnús hafi snúið aftur með Bjössi Bollu og sé farinn að skemmta með honum vítt um landið.  Sýnist mér eftir myndinni á DV blaðinu sem ég myntist á hér að ofan og í DV.is að Bjössi sé nú jafnvel fyndnari í útliti en áður.  Fannst mér myndin á forsíðu DV vera ein sú fyndnasta af Bjössa sem ég hef nokkru sinni séð, en ég hef verið mikill aðdáandi Bjössa alveg frá því hann kom fyrst fram fyrir ég veit ekki hvað löngu síðan.  Var bjössi með þann mesta eymdarsvip og með tunguna út úr sér á fyndnari hátt en ég hef nokkru sinni séð í myndum af honum.  Mynnist ég þess fyrir 20-25 árum að hann kom fram í þætti þar sem hann var á leið út á land þar sem einhver kona hugsanleg frænka hans tók á móti honum, og þegar hann kom niður landgöngubrúna, því hann fór á skipi, rak hann eins og út úr sér tunguna þegar konan kom til þess að taka á móti honum því hann hafði orðið sjóveikur í ferðinni.

Ég vona að Bjössi Bolla eigi ekki aðeins eftir að koma fram í ýmiskonar skemmtunum víða um landið heldur einnig í sjónvarpi og að hann gefi út stutta þætti á DVD.

Lýðræðinu ekki framfylgt í hinum nýja Borgarstjórnarmeirihluta.

Það kom fram í fjölmiðlum í dag að Dagur B Eggertsson var kjörinn borgarstjórin í dag og að vinstri- meirihlutinn  tók Sjálfstæðisflokkinn með í meirihlutasamstarf sitt en Framsóknarflokkurinn var skilinn fyrir utan.  Gerði hinn nýskipaði meirihluti borgarstjórnar Reykjavíkur Samfylkingin, Björt framtíð Vinstri Græn og Píratar, samkomulag við Sjálfstæðisflokkinn um skipan í helstu nefndir og ráð á vegum borgarinnar, en Framsóknarflokkurinn var algerlega skilinn fyrir utan Borgarstjórnarsamstarfið.  Var ástæðan sú að sögn nýkjörins borgarstjóra að Framsóknarflokkurinn væri "óstjórntækur" vegna ummæli oddvita listans varðandi  lóðaúthlutun fyrir mosku.  Þar með hafa Framsóknarflokkurinn og flugvallarvinir enga fulltrúa í Borgarstjórn.

Ég vil lýsa þeirri skoðun minni á þessari ákvörðun Borgarstjórnar Reykjavíkur að hér sé á ferðinni ljót atlaga að lýðræðinu og lýðræðislegum stjórnarháttum.   Ummæli oddvita Framsóknar, Sveinbjargar Birnu Sveinbjarnardóttur varðandi lóðaúthlutun fyrir moskvu er ekki byggð á útlendingahatri eða fordómum.  Sveinbjörg hefur sagt að lóðaúthlutun eigi að vera afturkölluð og að stofnað verði til íbúakosningar um hvort moska eigi að rísa í Sogamýrinni eða ekki.  Þá geti íbúar Reykjavíkur sjálfir ráðið hvort moska rísi á þessum stað.  Það er bæði óréttlætanlegt og mjög gróft af vinstrimeirihlutanum í borgarstjórn að úthrópa oddvita lista Framsóknar sem rasista og útllendingahatara.

Það er augljóst í mínum augum að þarna er meirihlutinn í Borgarstjórn Reykjavíkur ekki að framfylgja réttum og lýðræðislegum stjórnarháttum.  Listi Framsóknar og flugvallarvina var myndaður með áherslum eins og að; halda vörð um flugvöllinní Vatnsmýrinni, en fyrrverandi Borgarstjórn hafði það að markmiði að taka flugvallarsvæðið undir íbúðabyggð.  Einnig hafði listinn  áform í fjölmörgum málum sem efla áttu hag borgarbúa.  Moskumálið var aðeins eitt mál sem oddviti umrædds lista hafði áætlun um að  tekið yrði  til athugunar og það var ekki að ég tel, eitt af meginkosningamálunum.  Kjósendur Framsóknar og flugvallarvina eiga heimtingu á að lýðræðið fái framgang og þeirra rödd fái að heyrast í Borgarstjórn Reykjavíkur og að þau mál sem listinn setti á oddinn í aðdraganda Borgarstjórnarkosninga fái sína talsmenn í nefndum og ráðum Reykjavíkurborgar.

Varðandi moskumálið vil ég segja að lög þau sem sett voru um ókeypis úthlutun lóða til trúfélaga átti aðeins við kirkjur og þá kirkjubyggingar til handa þjóðkirkjunni.  Og því sé ókeypis úthlutun lóðar fyrir mosku í raun ekki samkvæmt lögum. Ég vil taka fram að ég hef ekkert á móti múslímum sem slíkum og útlendingahatur er fjarri mér.  Þar sem ég er kristinn maður, vil ég veg kristinnar trúar sem mestann hjá íslenskri þjóð og að sem flestir fái að kynnast Jesú Kristi.  Ég er ekki fylgjandi byggingu mosku í Reykjavík þar sem ég tel að slík bygging muni stuðla að aukinni útbreiðslu annarar trúar en kristinnar trúar á Íslandi.

Jesús Kristur sem Kristin trú okkar byggist á gaf líf sitt í lausnargjald svo að við sem trúum á hann myndum fá syndir okkar fyrirgefnar.  Það má segja að hann hafi gerst staðgengill fyrir okkur, að hann tók á sig refsingu þá sem við áttum skilda fyrir syndir okkar og misgörðir.  Trúum á hann og fylgjum honum sem líf sitt gaf fyrir okkur og reis upp frá dauðum á þriðja degi til að sýna fram á sigur sinn yfir dauðanum og að við sem á hann trúum munum lifa þótt við deyjum og munum dag einn rísa upp til fundar við Drottinn í loftinu.  Því Jesús mun koma aftur og hrífa þá upp til hans sem á hann trúa, og munu hinir sem "sofnaðir eru" ekki seinni verða en hinir sem eftir eru á lífi við komu hans.  Jesús mun koma aftur.  Þegar Jesus var burt hrifinn til himins og lærisveinarnir horfðu á eftir honum stóðu hjá þeim allt í einu tveir menn í hvítum klæðum og sögðu:  "Galíleumenn, hví standið þér og horfið til himins?  Þessi Jesús sem varð upp numinn frá yður til himins, mun koma á sama hátt og þér sáuð hann fara til himins."  Postulasagan 1:11

Gagnrýnir útilokun Framsóknar

Aðild að ESB samrýmist ekki stefnu Sjálfstæðisflokksins.

Frá því að mótmælin stóðu sem hæst varðandi áframhald aðildarviðræðna við ESB og þjóðaratkvæðagreiðslu þar að lútandi, hefur hópur aðildarsinna innan Sjálfstæðisflokksins orðið æ meira áberandi, með yfirlýsingum sínum um stofnun nýs stjórnmálaflokks.  En hann hefði það að meginmarkmiði að Ísland gerðist aðili að ESB og að áframhald aðildarviðræðna við ESB verði lagt í þjóðaratkvæði.  Síðastliðinn miðvikudag var undirbúningsfundur um stofnun þessa nýja stjórnmálaflokks sem hlotið hefur nafnið Viðreisn.  Á fundinn mættu um 200 manns.  Að sögn Benedikts Jóhannessonar, eins af talsmönnum flokksins hefur flokkur þessi ekki enn verið stofnaður  því "ekkert liggi á" og að "vanda þurfi undirbúninginn vel" og "fara þurfi yfir helstu málefnin og móta stefnuna."

Hópur sá innan Sjálfstæðisflokksins sem er fylgjandi inngöngu Íslands í ESB er aðeins tiltölulega lítill í samanburði við stærð flokksins í heild.  Að margra mati hafa ráðagerðir ESB sinna innan flokksins skemmt töluvert fyrir flokknum hvað fylgi varðar.  En það er eitt af sjónarmiðum Sjálfstæðisflokksins að innan hans rúmist fólk með nokkuð ólíkar skoðanir, en það er kannski hægt að segja að aðild að ESB samrýmist ekki gunnstefnu flokksins sem er; að staðið verði vörður um fullveldi landsins og sjálfstæði.  En stefna ESB- sinna er eins og kunnugt er að framselja fullveldi landsins og ákvarðanavald til Brussel.

Því er haldið fram af aðildarsinnum sem eru ma stjórnmálamenn og eigendur fyrirtækja, að ESB- aðild sé hagstæð almenningi á Íslandi sem og fyrirtækjum og þjóðarbúinu.  Málið er, eftir því sem margir halda fram að ESB- aðild hentar aðeins tiltölulega þröngum hóp fyrirtækja og innflutningsaðilum.  En almenningi í landinu hentar ESB aðild ekki og allra síst megin atvinnuvegum landsins eins og sjávarútveginum og landbúnaðinum.  Ég minnist þess þegar umræður stóðu sem hæst á Alþingi í tengslum við fyrirhugað slit á aðildarviðræðum við ESB að formaður Vinstri grænna, Katrín Jakobsdóttir tjáði sig í umræðu á Alþingi, að henni huggnaðist ekki innganga Íslands í ESB vegna þeirrar misskiptingar sem þar viðgengist.  

Það er ljóst að ríki innan ESB fóru ver út úr efnahagshruninu sem varð 2008 en ríka víðast hvar annars staðar.  Er ástæðan ma. annars sú að almannafé var notað til að bjarga bankastofnunum og evran sem er álitin af mörgum vera hagstæð í samanburði við krónuna vegna stöðugra gengis, er líka álitin af sérfróðum mönnum vera letjandi fyrir efnahag evruríkjanna og hafa valdið því að kreppan varð dýpri og varði lengur en ef ríkin hefðu haft sína eigin gjaldmiðla. Neyðarlögin svonefndu sem þáverandi forsætisráðherra setti 2008 voru eflaust það sem ollu því að afleiðingar bankahrunsins fyrir Íslenska ríkið urðu ekki verri en raunin var.   En Ísland hefði getað "sogast með bönkunum inn í brimrótið og afleiðingin orðið þjóðargjaldþrot." svo vitnað sé í ræðu Geirs Haarde. 

Krafa ESB- sinna um þjóðaratkvæði um áframhald aðildarviðræðna  við ESB hefur verið mjög áberandi síðustu misseri.  Voru vissir stjórnmálamenn sem ýttu undir mótmæli almennings á Austurvelli gegn fyrirhuguð slitum ríkisstjórnarinnar á aðildarviðræðum.  Snerust fjölmiðlarnir margir hverjir á sveif með aðildarsinnum með málflutningi sínum og áróðri.  Var gefið í skyn að þetta væri mikið þjóðþrifamál sem yrði að hrinda í framkvæmd.  En málið var að minnihlutinn vildi þarna þrýsta fram breitingu á ákvörðun ríkisstjórnarinnar sem kosin var af stórum hluta landsmanna einmitt vegna afstöðu viðkomandi flokka til evrópumálanna. En það er að aðild að ESB henti ekki hagsmunum Íslands. Það er rétt hvað lýðræðið landinu varðar að þjóðkjörnir fulltrúar á Alþingi fái að koma þeim málum í framkvæmd sem þeir eru kosnir til að gera. 

Þegar þing kemur saman í haust ætti að vera fyrsta verk núverandi ríkisstjórnar að koma þingsályktunartillögu háttvirts utanríkisráðherra Gunnars Braga Sveinssonar til framkvæmdar, varðandi slit á aðildarviðræðum við ESB.  Það er að mínu mati það eina rétta í stöðunni því það að viðræður séu í biðstöðu, setur Ísland áfram í stöðu aðildarríkis.  En það hefur margvísleg áhrif sem margir gera sér ekki grein fyrir eins og hvað varðar samningsstöðu vegna fiskveiðiheimilda, og óvissu um samningsstöðu vegna uppbyggingar á Norðurheimskautssvæðinu og margt fleira.

Ég vil árétta það enn og nú að aðild að ESB hentar engan veginn okkur Íslendingum.   En innganga Íslands í ESB myndi þýða að Íslenska þjóðin myndi:

 

1)  Missa yfirráðin yfir 200 mílna lögsögu sinni og fiskiskip annarra þjóða fá að veiða fisk í stórum stíl í Íslenskri lögsögu. 

2)  Íslendingar hafa ekki rétt til að gera fiskveiðisamninga eða viðskiptasmninga við önnur ríki. 

3)  Löggjafar og dómsvald færist yfir til Brussel sem útheimtir breytingu á stjórnarskrá Íslands.

4)  Að sjálfstæðið sem Íslendingar og þáverandi stjórnmálamenn áunnu með staðfastri sjálfstæðisbaráttu, sem síðan fullnaðist 17 júní 1944, verði að engu gjört.

Íslendingar - stöndum utan ESB!

 

Viðreisn undirbýr framboð

Engan veginn ! Neyðarflugbrautin ber að vera áfram ásamt Fluggörðum.

Í dag gaf að líta frétt á mbl.is sem var eitthvað á þessa leið að  Reykjavíkurborg hafi virt  samkomu­lag við inn­an­rík­is­ráðuneytið og Icelanda­ir um inn­an­lands­flug frá 25. októ­ber 2013 í einu og öllu.  Og að  nýtt deili­skipu­lag fyr­ir Reykja­vík­ur­flug­völl sé í fullu sam­ræmi við sam­komu­lagið og feli m.a. í sér; stækk­un flug­stjórn­ar­miðstöðvar, flug­stöðvar­inn­ar, niður­lagn­ingu þriðju flug­braut­ar­inn­ar ofl.  Þá er fullyrt að upp­bygg­ingaráform Vals­manna á Hlíðar­enda sé einnig í fullu sam­ræmi við sam­komu­lagið, þótt ekki sé talað sér­stak­lega um það í sam­komu­lag­inu.

Ég verð að segja að mér finnast þetta dapurleg orð sem koma fram í fréttinni; að leggja eigi niður neyðarflugbrautina sem skipað hefur flugvellinum í hágæðaflokk vegna öryggis og nýtingarhlutfalls.  Fréttin heldur áfram á eftirfarandi nótum að Borgarráð hafi gert bókun um mótun skipulags í Skerjafirði þar sem horft verði til niðurstöðu nefndar Rögnu Árnadóttur. Og ennfremur að Isavia hafi það verkefni að finna framtíðastaðsetningu fyrir æfinga- og kennsluflug.  Í samkomulaginu felst að Unnanríkisráðuneytið og Isavia hafi forgöngu um að kennslu- og einkaflugi verði fundinn nýr staður í nágrenni borgarinnar.  

Það er sorglegt að innanríkisráðuneytið hafi lagt samþykki sitt við að mikilvægur hluti flugvallarsvæðisins sem Fluggarðar eru verði teknir undir íbúðabyggð og að finna þurfi nýjan stað fyrir flugskólana og alla þá starfsemi sem fer fram á svæðinu.  Það var að ég held ákvörðun sem var tekin án þess að málið væri fyrst kannað í þaula.  Að sjálfsögðu var það ætlun innanríkisráðuneytisins að heimila ekki framkvæmdir á flugvallarsvæðinu fyrr en staður væri fundinn fyrir æfinga flugið.  En eins og kunnugt er hefur enginn staður fundist enn, sem hentar fyrir þessa starfsemi.  En til að kóróna allt saman þá hefur Borgarstjórn sú sem ríkt hefur undanfarin ár ákveðið að byrja framkvæmdir við enda neyðarflugbrautarinnar í haust og niðurrif fluggarða strax á næsta ári.

Það er von mín að komandi borgarstjórn dragi til baka samþykkt deiliskipulag í Vatnsmýrinni þar sem gert er ráð fyrir íbúðabyggð á svæði Fluggarða og þar sem neyðarflugbrautin er staðsett.  Þetta er mikið þjóðþrifamál að sú starfsemi sem þarna hefur þrifist um áratugaskeið fái að vera áfram.  Því Reykjavíkurflugvöllur með allri þeirri fjölbreyttu starfsemi sem þar er rekin eins og flugskólarnir, flugrekstraraðilarnir, flugverkstæðin og margt fleira ásamt einkafluginu hefur verið eins  og vagga flugsins á Íslandi.

Ég bind miklar vonir við oddvita lista Framsóknarflokksins og Flugvallarvina Sveinbjörgu Birnu Sveinbjarnadóttir sem kosin var í borgarstjórn ásamt flokksystur hennar; Guðfinnu Jóhönnu Guðmundsdóttur.  Tel ég að þær geti haft áhrif á komandi borgarstjórn í þá átt að mál flugvallarins verði skoðað upp á nýtt og að sjónarmið þeirra sem hagsmuna eiga að gæta á flugvallarsvæðinu verði ekki fyrir borð bornir.

 

Borgin hefur virt samkomulagið

Kjósum inn nýjan meirihluta í Borgarstjórn - XD og XB.

Ég horfði á kappræður oddvita framboðanna í Reykjavík til sveitarstjórnarkosninga, á Stöð 2 og Rúv í gærkvöldi.  Fannst mér aðdáunarvert að hlusta á málflutning Sveinbjargar Birnu oddvita Framsóknar þar sem hún kom stefnumálum sínum fram af einurð og festu þar sem hún benti á að óraunhhæft væri að bjóða upp á lóðir til íbúðabygginga í Vatnsmýrinni vegna óvissu um eignarhald og hás lóðaverðs sem ekki myndi henta þeim efnaminni.  Einnig fannst mér góður málflutningur Halldórs Halldórssonar oddvita lista Sjálfstæðismanna en hann benti á að auka þurfti lóðarframboð í borginni og að byggja þurfi litlar og meðalstórar íbúðir.  Var hann eini oddvitinn sem vill lækka útsvar.  Vildi hann skapa svigrúm til þess með bættum rekstri borgarinnar, en Sveinbjörg sagði um þetta mál "nei, ein markmiðið er já".  Fannst mér sú ákvörðun hennar og lista hennar varðandi að Reykjavíkurflugvöllur standi óhreifður og ekki verði skertur að neinu leiti ákaflega rétt og mikilvægt fyrir þessar atvinnugreinir sem þarna eru.  Fannst mér að þarna færi kona sem mun koma mörgu góðu til leiðar, komist hún í borgarstjórn, ákveðnin og dugnaðurinn eins og skein frá henni.  Halldór Halldórsson virkaði einnig á mig sem heiðarlegur maður með raunhæfar lausnir varðandi rekstur borgarinnar.  Sagði hann að flugvöllurinn skuli vera áfram í Vatnsmýrinni ef ekki finnst annar staður fyrir hann og að starfsemi flugvallarins verði ekki flutt til Keflavíkur.

Það er engin spurning í mínum huga:  Kjósum þá flokka sem hafa raunhæfar lausnir í skipulgs og íbúðamálum og öðrum hagsmunamálum íbúa í Reykjvík.  Krossum við XD eða XB í dag. 

Gengið til kosninga í dag

Styðjum ekki við framboð sem vinna að brottnámi flugvallarins.

Ég vil hvetja Reykvíkinga til að kjósa ekki Samfylkinguna eða Bjarta framtíð, þar sem stefna þeirra er að taka neyðarflugbraut Reykjavíkurflugvallar undir íbúðabyggð ásamt flugvallarsvæðinu Fluggörðum.  Þetta er það mikið þjóðþrifamál að Flugvöllurinn fái að standa áfram óbreyttur, því sé neyðarflugbrautin tekin undir íbúðabyggð  fellur Reykjavíkurflugvöllur niður í ruslflokk hvað öryggi og nýtingahlutfall varðar.  Er ekki ætlun mín að kasta rýrð á Það ágæta fólk sem í þessum framboðum er en staðreyndirnar tala.  Ennfremur er stefna þessara framboða að þétta byggð í og kringum miðborg Reykjavíkur, sem felur í sér þrengingu gatna, fækkun bílastæða og bílskúra.  Hefur verið talað um aðför að einkabílnum í því sambandi.

Mér finnst það mjög mikilvægt að styðja við framboð Framsóknarmanna og Flugvallarvina.  Þeir sem hagsmuna eiga  að gæta á flugvallarsvæðinu, og á ég þar við flugvallarvini, eiga að hafa sína fulltrúa í Borgarstjórn. það er algerlega fyrir neðan allar hellur að Borgaryfirvöld geti valtað yfir þá sem eignir eiga á flugvallarsvæðinu og eyðilagt fasteignir þeirra og starfsumhverfi.  En mikill fjöldi einkaflugmanna er með flugskýli í Fluggörðum og þar eru meðal annars flugskólar og aðrir flugrekstraraðilar.  Ég vona að framboð Framsóknar og Flugvallarvina fái aukið fylgi og nái inn 2 eða fleiri mönnum.

Kjósum XB vegna framtíðar Flugvallarins og til þess að ekki verði hrint í framkvæmd, deiliskipulagi sem felur í sér aðför að einkabílnum í Reykjavíkurborg. 

Framsókn með einn mann í borginni

Hvað er fólk að hugsa? Vilja Reykvíkingar ekki hafa flugvöllinn áfram í Vatnsmýrinni ?

Samkvæmt skoðanakönnun MMR um fylgi stjórnmálaflokka fyrir komandi borgarstjórnarkosningar í Reykjavík mældist samanlagt fylgi Samfylkingar og BF 53,5%.  Fylgi Framsóknarfokks og flugvallarvina mældist 5,3%, heldur hærra en í fyrri könnun en þá mældist fylgið 4,6%, fylgi Sjálfstæðisflokks sem hefur lýst yfir vilja sínum að flugvöllurinn verði áfram í Vatnsmýrini mælist með 21,1% fylgi. 

Eftir að hafa lesið þessa frétt á mbl.is er mér næst skapi að spyrja;  hvað er fólk að hugsa sem vill að flugvöllurinn verði áfram í Vatnsmýrinni ?  Er fólki ekki meira annt um Reykjavíkurflugvöll en þetta að það vill kjósa yfir sig svipaða Borgarstjórn og verið hefur, sem hefur það að markmiði að flugvöllurinn fara smátt og smátt undir íbúðabyggð næstu árin.  Og er ætlun núverandi Borgarstjórnar að hefja strax í haust framkvæmdir við einn brautarenda neyðarflugbrautarinnar og hefja niðurrif Fluggarða á næsta ári, eftir því sem ég best veit. Samkvæmt skoðanakönnunum vilja 71,2% Reykvíkinga og 80,% landsmanna að flugvöllurinn sé áfram í Vatnsmýrinni.

Ég vil hvetja Reykvíkinga til að kjósa X-D eða X-B í komandi kosningum  Þessir flokkar hafa það ekki aðeins á stefnuskrá sinni að Reykjavíkurflugvöllur fái að vera áfram á sínum stað heldur stendur vilji þeirra ekki til að fækka bílastæðum, bílskúrum og þrengja götur.  Sem er stefna núverandi Borgarstjórnar.

  http://xdreykjavik.is/uploads/Borgarstjrnarkosningar-2014-XD-stefna-02.pdf

 

Samfylking og BF með 53,5%

Mikið gleðiefni fyrir mig og aðra greiðendur verðtryggðra íbúðalána.

Það voru góðar fréttir sem ég las hérna á Mbl.is í morgun að Alþingi hefði samþykkt frumvarp ríkisstjórnarinnar um niðurfærslu höfuðstóls íbúðalána.  Greiðendur verðtryggðra lána hafa margir hverjir verið orðnir langþreyttir á að greiða af lánum sínum, og hafa verið að vonast eftir þessu síðustu 5 árin en ekkert hefur verið gert í málinu fyrr en nú í tíð núverandi ríkisstjórnar.  Þessi höfuðstóls- niðurfærsla mun koma sér mjög vel fyrir mig, sem og aðra sem hafa töluverða greiðslubyrði af ibúðalánum sínum og ekkert of háar tekjur.  Vil ég segja að ég er mjög þakklátur Sigmundi Davíð og fleiri úr ríkisstjórninni að hafa með fádæma hugrekki og þrjósku komið þessu máli í gegn.

Kær kveðja.

„Leiðréttingin“ samþykkt á Alþingi

Þurfa Íslendingar frekari sannanir þess að Íslandi hentar ekki innganga í ESB?

Samkvæmt skoðanakönnun sem Evróðusambandið gerði sjálft á afstöðu þeirri sem ríkisborgar aðildarríkjanna bera til sambandsins kom eftirfarandi fram:  59% treysta ekki Evrópusambandinu en 32% segjast bera traust til sambandsins.  Það er að mínu mati að koma betur og betur í ljós að innganga í ESB hentar ekki Íslendingum.  Við inngöngu í ESB mundu Íslendingar missa sína 200 mílna fiskveiðilögsögu en halda aðeins eftir 12 mílna landhelgi, varla mikið meira.  Það er gert ráð fyrir að við innlimun í ESB taki umsóknarríki upp reglur sambandsins varðandi sjávarútveginn eins og fleiri málaflokka og það er mjög óraunhæft að gera ráð fyrir að hægt sé að fá undanþágur í því efni. 

Er þetta það sem Íslendingar vilja ?  Ég held ekki.  Sjávarútvegurinn er Íslendingum afar mikilvægur, því við getum séð að aðrar atvinnugreinir eins og td ferðaþjónustan getur verið mjög viðkvæm og lítið má út af bera til að fjöldi ferðamanna dragist saman, eins og verkfall flugmanna hjá Icelandair hefur sýnt fram á og Náttúruhamfarir eins og eldgos geta líka sett strik í reikninginn.

Höfum við fleiri vísbendinga við ?  Við Íslensk þjóð höfum ekkert við inngöngu í ESB að gera.  Okkur ber að sjálfsögðu að viðhalda góðum tengslum við nágranna okkar í Evrópu bæði hvað varðar viðskipti og hvað varðar menningarleg tengsl.  Ríkisstjórninni ber að standa við stjórnarsáttmála sinn að stöðva viðræður við ESB.  Það er það eina rökrétta sem hægt er að gera í þessu máli.  Og ekki er ráðlegt að bíða með slit á aðildarviðræðum eða að setja viðræður á Ís, því að ríkisstjórnin ber að minnast þeirra hluta landsmanna sem kusu flokka þá sem eru nú eru í ríkisstjórn einmitt vegna þeirra afstöðu þeirra að Íslandi sem best borgið utan ESB.

Meirihlutinn ber ekki traust til ESB

Háttvirtur Forsætisráðherra er að vinna að bættum hag landsmanna.

Mig langar til þess að segja að ég er mjög ánægður með háttvirtan forsætisráðherra, Sigmund Davíð Gunnlaugsson og ríkisstjórn hans.  Mér finnst hann vera að vinna mjög gott verk í þágu þjóðar sinnar, með undirbúningi niðurfærslu höfuðstóls íbúðalána.  Hann og ríkisstjórn hans eru að vinna ötullega að þessu málefni, en ýmsir þingmenn bæði innan og utan  stjórnarandstöðu og aðrir aðilar eru að setja sig upp á móti þessum góðu áformum ríkisstjórnarinnar.

Viðskiptaráð Íslands tjáði sig um þetta mál fyrir stuttu og sagði að betra væri að nota þessa 80 milljarða í eitthvað annað, td að greiða niður skuldir ríkisins sem síðan gæti flýtt fyrir afnámi hafta.  En það er að mínu mati tími til kominn að illa staddir skuldarar fái smá leiðréttingu á sínum kjörum.  Það er augljóst mál að skuldaniðurfærslan gagnast illa stæðum heimilum mjög vel.  Það er vel skiljanlegat að Viðskiptaráð Íslands vilji að höftum verði aflétt sem fyrst, en það þarf að fara varlega í slíka framkvæmd, því hugsa ber um hag þjóðarinnar allrar og fólksins í landinu en ekki aðeins einstakra fyrirtækja.  Mig langar til að lýsa yfir þeim áhyggjum mínum; að bágt væri það ef þingsályktunartilllögu ríkisstjórnarinnar yrði hafnað á Alþingi og þetta þarfa þjóðþrífamál fengi ekki fram að ganga.  Það er nefnilega fólk í landinu með mjög lítiið fé yfir að ráða eins, og verkafólk og öryrkjar sem munar mjög mikið um þessa lækkun á útborgun húsnæðislána sem aðgerðir ríkisstjórnarinnar munu færa.

Annað sem ríkisstjórnin hefur gert er að lækka skattprósentu lítillega á miðþrep launa, sem er mjög jákvætt.  Ríkisstjórnin hefur dregið úr veiðigjöldum sem voru allt of há og voru hækkuð mjög á tíð fyrrverandi ríkisstjórnar.  Þessi gjöld hafa verið að sliga sum sjávarútvegsfyrirtæki, og er jafnvel þörf á að mínu mati að hagræða þessum gjöldum þannig að sjávarútvegsfyrirtæki sem eiga í rekstrarerfiðleikum fái haldið velli.  Það er af og frá aðlíta beri svo á að ríkisstjórnin sé að taka tekjur frá ríkissjóð heldur er verið að forða mörgum sjávarútvegsfyrirtækjum frá miklum rekstrarerfiðleikum og gjaldþroti, með fækkun starfa og fleiru sem því fylgir.

Ríkisstjórnin hefur líka stóraukið framlög til Landspítalans, miðað við tíð fyrverandi ríkisstjórnar.  Framlög til löggæslu hafa einnig verið aukin. Kjör öryrkja hafa einnig verið bætt nokkuð, en það er von mín að það sé aðeins byrjunin á þeirri vegferð að bæta kjör þessa fólks svo sómi sé að.

Ríkisstjórnin hefur líka boðað að aðildarviðræðum við ESB skuli slitið.  Er það gert með frumvarpi háttvirts utanríkisráðherra, en ekki hefur enn fengist tími til að ljúka umræðum um frumvarpið.  Og vil ég í leiðinni árétta að það er von mín að ríkisstjórnin komi þessu máli í gegn sem fyrst og slíti þessum viðræðum sem fyrrverandi ríkisstjórnarkom á, án samþykkis þjóðarinnar.  Það er að mínu mati alls ekki þjóðinni til hagsbóta að Ísland gangi í ESB.   Það hafa verið að koma fréttir í fjölmiðlum um skoðanir fólks úr ýmsum ríkjum innan ESB og er þar áberandi óánægja með evruna og í mörgum löndum er óánægja með evrópusambandið og yfirstjórn þess.

10 ástæður til að flytja til Kaliforníu