Við ættum ekki að vera hrædd við að börn okkar fái að heyra um Jesú Krist.

Það hefur mikið verið rætt um heimsóknir grunnskóla í kirkjur nú rétt fyrir jólin.  Hafa spunnist miklar deilur manna á meðal um réttmæti þess að skólar séu með þessu að hafa milligöngu um trúarinnrætingu Kristinnar trúar fyrir skólabörn.  Hafa kennarar og skólastjórnendur skóla sem hafa farið í þessar heimsóknir haldið fram að þetta sé ekki trúarinnræting heldur kennsla undir handleiðslu og fylgd kennara.  Tiltölulega lítið hlutfall landsmanna er andvígur þessum heimsóknum í kirkjur, og er málflutningur þeirra að skólar eigi ekki að innræta börnum kristna trú og að ekki eigi að gera einum trúarbrögðum hærra undir höfði en öðrum.  Hefur þetta verið baráttumál samtaka eins og vantrúar, siðmenntar ofl. Hefur mannréttindaráð Reykjavíkurborgar sem er eins og armur þessara samtaka inn í borgarstjórn, stuðlað að því að lagabjálkur var innleiddur sem hindrar mjög eða bannar afskipti þjóðkirkju eða trúfélaga innan grunnskóla Reykjavíkursvæðisins.

Ég hef það á tilfinningunni að meirihluti landsmanna hafi ekkert á móti heimsóknum skóla í kirkjur tengdar jólum og öðrum stórhátíðum tengd kristinni trú, og gildir það engu hvort að svonefnd trúarinnræting eigi sér þar stað eða ekki.  Á vefsíðu Menntamálaráðuneytinu eru birtar tillögur frá 2012 þar sem kemur fram að grunnskólar skuli halda uppi góðri og vandaðri trúarbragðafræðslu og að heimsóknir í kirkjur í tengslum við stórhátíðir kristninnar teljst hluti af fræðslu um trúarhátíðir og menningarlega arfleifð þjóðarinnar. 

Ég vil segja sambandi við hvort trúarleg innræting egi sér stað í þessum heimsóknum eða ekki, að við Íslendingar eigum að vera stollt af Kristinni trú okkar sem kom hingað til lands árið 1000 og hefur fylgt okkur með uppbyggilegri fræðslu og áhrifum sem henni fylgir.  Það er ekkert að því að boða börnunum Kristna trú með öllu því sem hún kennir;  náungakærleik og umburðarlyndi, virðingu fyrir yfirvöldum og mikilvægi góðra verka bæði fyrir þjóðfélagið, fjölskylduna og náungann og þá sem hafa það bágt.  Samtök eins og Hjálparstarf Þjóðkirkjunnar, Hjálpræðisherinn, Samhjálp, ABC ofl. hafa unnið mikilvægt og þarft starf áratugum saman og hafa verið eins og græðandi armur Krists fyrir skjólstæðinga sína og alla landsmenn og fólk utan landssteinana.  Það er engin ástæða að hindra að börnin fái að heyra boðskap trúarinnar um að "Því svo elskaði Guð heiminn að hann sendi son sinn eingetinn til þess að hver sem á hann trúir glatist ekki heldur hafi eilíft líf" (Jóhannes 3:16).  Og "þú skalt elska Drottin, Guð þinn af öllu hjarta þínu, allri sálu þinni,öllum huga þínum og öllum mætti þínum.  Annað er þetta þú skalt elska náunga þinn eins og sjálfan þig. 'ekkert boðorð annað er þessum meira'. (Markús 12:30-31)

Kær kveðja.

 

 

Sæl er sú þjóð sem á Drottin að Guði.

Í fyrradag skrifaði Hr. Sigmundur Davíð Gunnlaugsson forsætisráðherra eftirfarandi færslu á Facebooksíðu sína:

„Fór á jóla­ball þar sem mik­ill fjöldi leik­skóla­barna skemmti sér inni­lega við söng og dans. Glugga­gæg­ir og Stúf­ur mættu gal­vask­ir til að leiða söng­inn en þegar kom að því að syngja Heims um ból urðu þeir bræður smeyk­ir og glugga­gæg­ir bað fólk að vakta glugg­ana og láta vita ef sæ­ist til út­send­ara frá mann­rétt­indaráði Reykja­vík­ur­borg­ar,“ seg­ir hann.

Það er aðdáunarvert að háttvirtur forsætisráðherra skuli taka afstöðu með kristinni trú. Að leik- og grunnskólabörn fái að njóta þess að fagna komu jólanna hvort sem það er með heimsókn í kirkju eða með því að fara á jólaball. Mættu fleiri skólar stíga í skref Langholtsskóla og bjóða nemendum sínum upp á heimsókn í kirkju þar sem þau fá að fræðast um boðskap jólanna. Við eru kristin þjóð og eigum að varðveita þann menningararf sem fylgt hefur okkur síðustu 1000 árin, og við ættum að vera stolt af. Að síðustu er hér tilvitnun í Biblíuna: "Sæl er sú þjóð er á Drottin að Guði, sá lýður er hann hefir kjörið sér til eignar". Sálmur 33:12

Kær kveðja.

Sigmundur hnýtir í mannréttindaráð

Heimsóknir í kirkjur er aðeins eðlilegur hlutur í lífi flestra Íslendinga.

Samkvæmt frétt á Mbl.is vakti Líf Magneudóttir, varaborgarfulltrúi VInstri Grænna, formaður Mannréttindaráðs athygli á fyrirhugaðri heimsókn nemenda og starfsmanna Langholtsskóla í Langholtskirkju í næstu viku í Facebokk-síðu sinni.  Sagði hún það algerlega ólíðandi að skólar hafi milligöngu um trúarinnrætingu barna.  Að skólar séu fræðslu og menntastofnanir og hafi ekkert með trúboð að gera.

Ég vil segja í þessu sambandi að það að fara í kirkju er fullkomlega eðlilegur hlutur í lífi Íslensku þjóðarinnar og hefur verið það síðustu 1000 árin frá kristnitöku. Það er á engann hátt réttlætanlegt að þessum þætti í Íslensku mannlífi sé haldið frá börnum í leik og grunnskólum.  Það þykir sjálfsagt í skólum að nemendur kynnist sem flestum þáttum í Íslensku samfélagi, farið er í leikhús og jafnvel farið í bíó, farið á íþróttaviðburði tónleikar og söngkeppnir eru haldnir innan grunnskólanna.  Þjóðkirkjan og aðrir kristnir söfnuðir hafa haldið uppi góðu og uppbyggilegu starfi fyrrir fullorðna sem börn og unglinga.  Það eru engin haldbær rök fyrir því að þessu góða starfi sem börnum bjóðast sé haldið frá börnum í leik- og grunnskólum.

Það er slæmt að samtök fólks sem ekki líkar við Kristna trú hafi getað með áhrifum sínum í borgarstjórn og í hinum pólitíska armi, komið því til leiðar hin síðari ár að trúarlegri innrætingu og góðri kristnifræðslu hafa verið nánast útrýmt innan grunnskóla í Reykjavík.  Margir skólar hafa eftir því sem ég best veit fetað í veg skóla á höfuðborgarsvæðinu. 

Það að Langholtsskóli hafi tekið ákvörðun um að fara með nemendur sína ásamt starfsmönnum í Langholtskirkju til þess að hlýða á það sem þar er á boðstólunum er mikið gleðiefni og fleiri skólar ættu að feta í fótspor þeirra.  Í guðsþjónustunni mun prestur kirkjunnar flytja hugvekju, nemendur þriðja bekkjar munu flytja helgileik og sungin verða jólalög.  Er til eitthvað eðlilegra og sjálfsagðara en að hlusta á Guðs orð og njóta fallegrar jólatónlistar.  Kristin trú er ekkert sem á ekki við í grunnskólum landsins, trúin kennir okkur að elska Guð og náungann eins og sjálfa okkur og að koma vel fram við aðra.  Sú kennsla á svo sannarlega við í grunsskólum landsins og í þjóðfélagi okkar.

Kær kveðja.

Líf gagnrýnir heimsókn í kirkju

Sorglegt að á Íslandi sé fólk sem vill vinna kirkjunni tjón.

Um klukkan fimm aðfaranótt skírdags var eldur lagður að kirkjuhurð Akureyrarkirkju og er hún hugsanlega ónýt.  Er leitt til þess að vita að hér á landi sé fólk sem valda vill tjóni á kirkjubyggingum.  Er þetta því leiðinlegra í ljósi þess að þetta var nóttina fyrir byrjun páskahátíðarinnar þegar Kirkjan heldur upp á, og heiðrar þjáningu Frelsarans og dauða hans á krossi.

Núna á föstudeginum langa þegar páskar eru í hönd er vert að minnast þess sem Jesús Kristur gerði fyrir okkur.  Hann hafði verið svikinn af einum lærisveina sinna, Júdasi Ískaríot.  Vinir hans, hinir lærisveinarnir höfðu yfirgefið hann vegna hræðslu, að þeir kynnu líka að verða handteknir og þeim refsað ef þeir reyndu að koma honum til hjálpar.  Hann hafði verið yfirheyrður af öldungaráði lýðsins, æðstu prestunum og fræðimönnunum sem dæmdu hann dauða sekann.  Þeir fengu lýðinn til að samþykkja að hann yrði krossfestur þegar Pontíus Pílatus vildi bjóða þeim að hann yrði settur laus í stað Barnabasar sem var ræningi.  En það var hefð fyrir því hjá Pílatusi að frelsa einn bandingja á páskunum. 

Við þekkjum flest frásögnina hvað gerðist eftir það.  Hann var hýddur með gaddasvipu höggin 40, þyrnikóróna var sett á höfuð hans.  hann var látinn bera kross sinn til Golgatahæðar en hann kiknaði undan byrðinni og maður að nafni Símon var látinn bera kross Jesú síðasta spölinn til aftökustaðarins.  Þar á Golgatahæð var hann krossfestur, Rómverskir hermenn ráku nagla í gegn um hendur hans og fætur og síðan var hann látinn hanga á krossinum.  Eftir nokkurn tíma, um nón gaf hann upp andann.

Jesú Kristur gerði þetta allt fyrir okkur.  Hann vildi að við fengjum í gegnum fórnardauða hans,  eilíft líf og fyrirgefningu synda okkar.  Hann gerðist staðgengill fyrir okkur.  Við áttum skilda refsingu fyrir það illa sem við höfðum gert, en hann tók á sig refsingu okkar.  Hann býður okkur öllum að koma til sín og trúa á hann og fá hjá honum fyrirgefningu syndanna og eilíft líf.  Jóhannes postuli segir svo fallega í guðspjalli sínu:  "Því að svo elskaði Guð heiminn að hann gaf son sinn eingetinn til þess að hver sem á hann trúir, glatist ekki heldur hafi eilíft líf."  Jóh 3:16.  

Hugleiðum það sem Jesús Kristur hefur gert fyrir okkur, núna um páskahátíðina.

Kirkjuhurðin líklega ónýt

Hanna Birna á heiður skilið fyrir gott ávarp á Kirkjuþingi varðandi trú og skóla.

Eins og kunnugt er hefur háttvirtur Innanríkisráðherra Hanna Birna Kristjánsdóttir tekið þátt í Kirkjuþingi þjóðkirkjunnar.  Ég var að kynna mér hvað hún hafði að segja í ávarpi sínu sem hún flutti á kirkjuþinginu.  Það hreif mig mjög að hún skyldi taka hlut hinna trúuðu varðandi hvort börn í grunnskólum landsins eigi að fá að heyra kristna trú boðaða í skólum.  Um það sagði hún að hún harmaði að sum sveitarfélög og sumir stjórnmálamenn hafi gert  það að forgangsverkefni að færa trúna sem lengst í burtu frá skólabörnum þessa lands.  Ég afritaði hluta ávarps hennar og birti það hér í bloggfærslu minni.  Því þetta er eins og talað út frá mínu eigin hjarta, því börnin þurfa svo sannarlega á Kristi að halda eins og við öll.  Hérna kemur hluti úr ávarpinu:

"Nokkur umræða hefur verið í samfélaginu á liðnum misserum um gildi og hlutverk kristinnar trúar.

Það er ekkert nema eðlilegt að við sem samfélag skiptumst á skoðunum um slík grunngildi

en sum sveitarfélög og sumir stjórnmálamenn hafa talið það forgangsverkefni á þeim tímum sem við nú lifum að finna leiðir til að færa trúna, boðskap hennar og áherslur eins langt frá æsku þessa lands og mögulegt er. Á tímum þar sem eðlilega er mikið rætt um víðsýni, umburðarlyndi og fjölbreytni er þannig markvisst unnið að því að halda öllu sem skilgreina má sem trúarlegt frá skólabörnum.

Ég er ekki sammála þeirri stefnu og það segi ég ekki bara sem stjórnmálamaður -

heldur miklu frekar sem móðir tveggja barna á grunnskólaaldri. Á sama tíma og börnin okkar kynnast flestu ef ekki öllu sem gerist í samfélaginu; heimsækja reglulega á vegum skólans fyrirtæki, stofnanir og félagasamtök, fá í heimsókn boðbera ólíkra sjónarmiða í skólana sína, að því ógleymdu að dvelja flest óáreitt langdvölum í netheimum er Gídeonfélagið hins vegar sett á bannlista samhliða því sem af alvöru er rætt um að heimsóknir barna í kirkjur landsins, einstaka Faðir vor eða jólasálmar geti skaðað æsku þessa lands.

Á ögurstundum í lífi þessarar þjóðar getur það varla verið forgangsmál að forða börnunum okkar frá boðskap um kristni og kærleika enda hlýtur skólastarf nútímans að eiga að einkennast af fjölbreytni, vali og trú á því að einstaklingarnir sjálfir fái með fræðslu og upplýsingu tækifæri til að móta sínar lífsskoðanir, trú og sannfæringu."

kirkjuthing.is/kerfi//skraarsofn/kirkjuthing/2013/11/setning-avarp-radherra.pdf

 

 

 

Kirkjuþing fái aukin völd

Hugleiðing um Kristna trú og stjórnmál.

Núna þegar styttist í kosningar er gott að leiða hugann að því hvað það er sem helst fær eflt hag Íslensku þjóðarinnar og fólksins í landinu.  Stjórnmálaflokkar og framboð hafa margar góðar lausnir sem fært geta okkur margskonar umbætur á ýmsum sviðum lífs okkar og afkomu.   Það er eitt sem ekki má gleymast í öllu sem við tökum okkur fyrir hendur í dagsins önnum, í vinnu og leik og núna í aðdraganda kosninga, en það er: Guð almáttugur skapari himins og jarðar sem vill og er fær um að hjálpa okkur.  Hann sendi okkur son sinn Jesú Krist, til að koma sem lítið barn, lifa á meðal manna, kenna okkur veginn til hjálpræðis og hvernig við eigum að haga lífum okkar og síðan að vera deyddur, krossfestur fyrir syndir okkar og að síðustu að rísa upp á þriðja degi.  Í trúnni á hann höfum við öruggan aðgang að Guði og getum komið til hans með það sem okkur liggur á hjarta, getum beðið til hans og ef við biðjum samkvæmt hans vilja bænheyrir hann okkur.

Ég tel að Kristin  trú og Kristin gildi séu eins og meira óljós í hugum margra landsmanna en fyrir nokkrum árum og áratugum.  Kristinni trú í þjóðfélaginu hefur verið, eins og ýtt til hliðar í sumum þáttum mannlífsins.  Kristilegri kennslu og Kristilegum áhrifum hefur veið eins og meira og meira ýtt út úr skólakerfinu.  Kristnifræðikennsla í Grunnskólum er ekki eins góð og ýtarleg og þegar sá er þetta ritar var í skóla, og það má segja að Kristin trú sé núna aðeins kynnt lítillega ásamt öðrum trúarbrögðum í skólum landsins.  Heimsóknir Presta og Gídeonmanna og annara sem boða fagnaðarerindið eru ekki leyfðar í mörgum grunnskólum landsins. 

Mér finnst að þar sem Kristin trú hafi að einhverju leiti verið á undanhaldi á Íslandi þá hafi almennu siðferði hnignað í samfélagi okkar á síðustu árum og áratugum.  Ég sé það í mörgum þáttum mannlífsins, eins og framkomu fólks manna á milli, maður heyrir það í fréttum að fólk eigi í útistöðum hvert við annað meira en áður var.  Hegðun fólks á netinu er líka oft á tíðum mjög slæm, tíðni glæpa þar á meðal nauðgana og ofbeldis, hefur aldrei verið eins mikil og undanfarin ár, fólk ber minni virðingu fyrir valdhöfum og hegðun fólks á Alþingi Íslendinga er ekki eins og við áttum að venjast fyrir nokkrum árum.

Mér finnst að Kristin trú sé eins og meðalið við þessu öllu.  Að hún sé eins og saltið sem Jesús Kristur talaði um, sem kemur í veg fyrir siðspillinguna og hnignunina í þjóðfélaginu.  Í Biblíunni, Guðs orði stendur:

"Þér eruð salt jarðar.  Ef saltið dofnar, með hverju á að selta það?  það er þá til einskis nýtt, menn fleygja því og troða undir fótum."  Matteus 5:13  Guðs orðið kennir okkur að greina gott frá illu og feta hinn rétta veg, og að lifa hvern dag öðrum til blessunar.

Ég vil hvetja alla sem starfa að stjórnmálum og alla þá sem þetta lesa, að koma með málefni og vandamál líðandi stundar til Guðs, og treysta á hann sem skapað hefur alla hluti og allt vald hefur á himni og jörðu.  Það mundi verða þeim og þjóðinni til mikillar gæfu og blessunar.  Mættu Kristin trú og Kristin gildi ráða í gjörðum þeirra sem að stjórn Íslensku þóðarinnar koma eftir næstu kosningar og mættu Kristin gildi ráða við gerð laga í stjórnkerfinu.  Mig langar til að segja að Jesús Kristur og trúin á hann er besta lausnin fyrir Íslendinga og allan heiminn.

Jesús Kristur, Guðs sonur dó á krossi fyrir þig til að borga gjaldið fyrir syndir þínar. 

Þegar hann var í Getsemanegarðinum, áður en hann var krossfestur, vissi hann hvað yfir hann mundi koma, og hugsunin um að mega sleppa frá þessu öllu, þar meina ég krossfestingunni, kom upp í huga hans.  Hann bað til föður síns:  "Ef verða má, þá fari þessi kaleikur frá mér, þó ekki sem ég vil, heldur sem þú vilt".  Matteus 26:39b

En hann harkaði af sér og lét þessa hugsun hverfa sér úr huga.  Hann var handtekinn og dæmdur til dauða, húðstrýktur og þyrnikóróna sett á höfuð hans, og hann bar kross sinn upp á Golgatahæð, þar sem  hann var krossfestur.  Hann gerði þetta allt vegna þín til þess að þú mættir eignast eilíft líf í gegnum trú á hann.

Skuldabréfið varð að greiða.  Guð varð að láta son sinn koma og deyja fyrir þig, til að greiða skuldabréfið vegna synda þinna.  Þannig varð að fullnægja öllu réttlæti.  En þú þarft að taka á móti þessari gjöf.  Í Biblíunni, Guðs orði stendur:  "því að svo elskaði Guð heiminn, að hann gaf son sinn eingetinn, til þess að hver sem á hann trúir, glatist ekki heldur hafi eilíft líf."  Jóhannesarguðspjall 3:16

Tak á móti Jesú Kristi.

Brottfall tillögu um að lög skulu taka mið af kristnum gildum er óæskilegt.

Ég verð að segja að mér finnst það miður að tillögu um að lög sem sett eru á Íslandi skuli taka mið af kristnum gildum, skyldi vera hafnað á Landsfundi Sjálfstæðisflokksins.  Ég tel að þeir Sjálfstæðismenn sem höfnuðu tillögunni hafi ekki rétta mynd af Kristinni trú, að hún sé eitthvað sem á við í öllum sviðum lífs okkar þar á meðal í stjórnmálum og því sem snýr að gerð laga.  Ég tel að Kristin trú sé þeim sem hana aðhyllast, hafa gefið Jesú Kristi líf sitt eins og það er kallað, eitthvað sem umbreytir lífum þeirra og kennir þeim að greina gott frá illu og að lifa dag hvern öðrum til blessunar.  Ég tel að kristin gildi séu meira óljós hjá meginþora landsmanna sérstaklega hjá ungu fólki en var fyrir nokkrum árum eða áratugum.  Kristinni kennslu og kristilegum áhrifum hefur verið eins og meira og meira ýtt út úr skólakerfinu.  Ég tel að það að kristin gildi og hefðir séu hafðar til hliðsjónar við gerð laga sé ekki eins og sumir vilja meina óviðeigandi eða óljós, heldur sé það einfaldlega að það réttlæti sem Kristin trú boðar fái að vera grundvöllurinn í lögum lands okkar. Kristin trú er í eðli sínu sáraeinföld, það er að trúa á Guð og þann sem hann sendi Jesúm Krist og elska Guð og elska náunga sinn eins og sjálfan sig.  Í Rómverjabréfinu 13:10 stendur "Kærleikurinn gjörir ekki náunganum mein, þess vegna er kærleikurinn fylling lögmálsins".  Ég tel að það sé ekki snúið eða óljóst að gera lög sem samræmast kristilegum viðmiðum. Í Filippíbréfinu 4:8 stendur "...allt sem er göfugt, rétt og hreint, allt sem er elskuvert og og gott afspurnar, hvað sem er dyggð og hvað sem er lofsvert, hugfestið það".  Á göngunni með Kristi öðlast maðurinn glögga mynd af hvað er rétt og rangt og með þekkingu á kristinni trú á að vera auðvelt að gera lög sem samræmast Kristilegri hugsun, lög sem verða öllum til góðs.  Það er augljóst að lög eins og réttur til fóstureyðinga samræmist ekki kristilegri trú og mér finnst slæmt að gerð hafi verið lög á Stór Reykjavíkursvæðinu þar sem Kristilegri iðkun og heimsókn presta og Gídeonmanna séu ekki leyfð í grunnskólunum.  Þetta eru ekki lög byggð á mannréttindum eins og haldið var fram heldur var minnihlutinn að traðka á rétti meirihlutans þarna.  Vísindin eins og við köllum þau hafa á engann hátt afsannað Kristnina eða orð Guðs Biblíuna, heldur  hefur tíminn leitt í ljós að Biblían er meira og meira að sanna sig sjálf.  Borgir og ýmis svæði og hlutir sem Biblían skrifar um hafa verið að finnast.  Ég er þeirrar skoðunar að allur umheimurinn, þar á meðal við mannfólkið, dýrin og plönturnar hafa ekki getað orðið til af sjálfu sér.  Það er augljóst hversu gífurlega flókin og undursamleg sköpun Guðs er, að hún gat ekki hafa orðið til vegna einhverrar mikillar sprengingar í upphafi.  Ég vona svo sannarlega að þeir flokkar sem ráða í næstu ríkisstjórn beri gæfu til að hafa Kristin viðmið að leiðarljósi í gjörðum sínum og ákvörðunartöku og þegar ný lög eru gerð.

Tillaga um kristin gildi felld út

Ályktun Sjálfstæðisflokksins gleðiefni

Ég tel að það sé þjóðinni til heilla að þau lög sem sett eru á Íslandi miðist við það sem kallað er Kristin gildi og hefðir.  Kristin gildi eru það sem kristin trú kennir okkur og líka það sem þjóðin hefur numið og tileinkað sér úr Kristinni trú þessi rúmlega 1000 ár sem Kristin trú hefur verið kennd á íslandi.  Kristin trú kennir okkur að lifa í sátt og samlyndi við aðra menn og að bera haga annarra fyrir brjósti.  Kristnar hefðir eins og þær eru á Íslandi eru líka til góðs.  Það að Íslenska þjóðin skuli hafa þjóðkirkju er eins og ytri yfirlýsing að Íslendingar virði kristna trú og að stjórnskipunin öll vilji styðja kristna trú. Kristin trú hefur sannað gildi sitt hér á landi og um allan heim, þar sem fylgjendur Krists hafa komið mörgu góðu til leiðar, stofnað mörg góðgerðarsamtök eins og ABC ,Samhjálp, Hjálparstofnun Kirkjunnar og hafa stofnað skóla og hjálpað heilu löndunum til betra lífs.  Ég vona að Sjálfstæðisflokkurinn haldi áfram á þessari braut og kynni sér betur hvað kristin trú þýðir og hefur upp á að bjóða.  Mér finnst leitt að ungt Sjálfstæðisfólk skuli ekki hafa sömu skoðanir varðandi þetta mál.  Kristin trú og kristilegar hefðir hafa í gegnum árin verið á undanhaldi í íslenskum skólum og er það miður.  Unga fólkinu er núna ekki kennd eiginleg Kristnifræði í skólum eins og var þegar ég var í skóla, heldur er aðeins leyfilegt að kynna kristna trú lítillega ásamt öðrum trúarbrögðum.  Það tel ég vera mikla afturför og hnignun. Kristin trú er ekki aðeins lífsskoðun, heldur er hún eftirfylgd við son Guðs Jesú Krist og trú á Almáttugan Guð sem skapað hefur alla hluti.  Ritningin og margar aðrar heimildir greina frá á með óyggjandi hætti að Jesúm Kristur gekk um á meðal manna og var sagður hafa gert mörg kraftaverk og reis upp frá dauðum á þriðja degi.  Fræðimenn eru almennt sammála um að Jesú hafi verið til og að fólk hafi sagt það um hann sem greint er frá í Guðspjöllunum og að það sé alls ekki uppspuni að Jesú hafi verið til.  Ég vil enda þetta á versi sem kallað er litla Biblían ,Jóhannesarguðspjall 3:16 "Því svo elskaði Guð heiminn að hann gaf son sinn eingetin, til þess að hver sem á hann trúir, glatist ekki, heldur hafi eilíft líf."

Kristin gildi ráði við lagasetningu