Hefði ekki verið betra að spyrja þjóðina þegar sótt var um ESB - aðild?

Það hefur verið mjög áberandi í þjóðmálaumræðunni upp á síðkastið, hvort efna eigi til þjóðaratkvæðagreiðslu um áframhaldandi aðildarviðræður við ESB.  Mótmæli hafa verið með stuttu millibili á Austurvelli þar sem ESB aðildarsinnar hafa boðað fólk til þáttöku til að krefjast atkvæðagreiðslu um áframhald viðræðna.  Það sem mér finnst skjóta skökku við er að þessi "pakki" sem fylgjendur aðildar hafa haldið fram að þurfi að opna og líta í er í raun og veru ekki til.  Það eru margir stjórnmálamenn sem eru vel inni í þessu máli, því þeir þekkja málið af eigin raun.  Einn þeirra er Brynjar Níelsson þingmaður Sjálfstæðisflokks, hann skrifar um þetta mál í pistli á bloggsvæði Pressunar.

"Það virðast margir trúa því enn að aðildarviðræður snúist um að "kíkja í pakkann".  Þessi "pakki" er regluverk ESB.  Hann er þekktur og undan honum semur sig enginn.  Aðildarviðræður, snúast í öllum meginatriðum um það hvernig regluverk ESB kemur til framkvæmda og á hvað löngum tíma.  Stjórnmálamenn eiga því að hætta að blekkja almenning í þessu efni.  Það eru engar vöruhillur í stórmarkaði ESB, sem Íslendingar velja úr af handahófi, eftir smekk og þörf.  Við vitum hverjir eru kostir og gallar við aðild að ESB.  Umræðan á að vera um hvert vegur þyngra, kostirnir eða gallarnir.  Og hvort það prinsipp um að vera fullvalda þjóð í eigin landi skipti einhverju máli í því hagsmunamati."

 Ég vil taka undir þessi orð Brynjars og ég vil benda á að skýrsla Hagfræðistofnunar Háskóla Ísland, sýnir ekki sé um að villast að Íslendingar verða að taka upp regluverk ESB óbreitt .  Á bls 25 í viðauka I - umsókn Íslands og stækkunarstefnu ESB stendur:

"Þær breytingar á aðildarferlinu sem urðu með umsókn Mið- og Astur-Evrópuríkjanna hafa sætt gagnrýni.  Með þeim hafi Evrópu-sambandið fengið yfirhöndina í aðildarviðræðum sem sé þróun sem hófst með fyrstu stækkuninni.  Ríkjunum sé ekki eingöngu gert að samþykkja löggjöf sambandsins á fyrstu stigum heldur einnig að laga sig að stefnu sambandsins og hrinda löggjöf þess í framkvæmd fyrir gerð aðildarsamnings og gildistöku hans."

Af þessu ætti ljóst að vera að Evrópusambandið veitir ekki undanþágu frá aðlögunarkröfu sinni sem felur í sér að umsóknarríki tekur upp laga- og regluverk ESB á meðan á aðildarferlinu stendur.  Það hefur margoft verið bent á að undanþágur eru almennt ekki í boði og þær undanþágur sem aðildarríki hafa fengið eru smávægilegar og hafa nánast alltaf átt sér stað áður en Esb breytti umsóknarferli sínu eftir að Mið- og Austur-Evrópuríkin hófu inngöngu í Sambandið.

Ég vil beina þeirri spurningu til þingflokks Samfylkingar og Vinstri Grænna:  Af hverju var þjóðin ekki spurð álits þegar sótt var um aðild að ESB 2009?  Skoðanakannanir á þeim tíma bentu til þess að um 75% þjóðarinnar var á móti aðild þá.  Ég held að svarið við þeirri spurningu sé að ráðherrar Samfylkingar vissu að Íslendingar myndu ekki samþykkja aðildarumsókn ef gengið yrði til kosninga þá.   Ég tel að ástæðan fyrir að ríkisstjórn Jóhönnu Sigurðardóttur, komst ekki lengra í aðildarferlinu er að meirihlutinn á Alþingi var ekki tilbúinn í þá aðlögun sem ESB krafðist.

Eftir síðustu Alþingiskosningar styrktist ESB-andstaðan á alþingi.  Ríkisstjórnarflokkarnir tveir  hafa það skýrt í flokksamþykktum sínum að Íslandi sé best borgið utan ESB.  Þeir sem aðhyllast inngöngu Íslands í ESB halda því fram að hægt sé að  gera hlé á viðræðum og bíða færis að ræsa aðlögunarferlið ef það skyldi eiga sér stað að ESB sinnar næðu meirihluta á alþingi.  Evrópusambandið vill ekki hálfvelgju í þessu máli; annað hvort er ríki umsóknarríki og á leiðinni inn í sambandið, eða ekki.  Ísland getur ekki verið umsóknarríki að ESB, þegar vilji ráðamanna í ríkisstjórn er ekki til staðar né heldur vilji landsmanna til inngöngu í ESB.

Ég vil ljúka þessu spjalli mínu á að vitna í orð Jóns Bjarnasonar, fyrverandi ráðherra Vinstri Grænna sem hann lét falla í baráttufundum sem haldnir voru víða á landinu af Heimssýn, Ísafold - félagi ungs fólks gegn aðild að ESB og Herjan.

"Á fundunum var áberandi einhugur um að staðið yrði við afturköllun umsóknar að ESB." "Það er mjög afdráttarlaus og einlægur vilji hjá fólki að fara ekki í ESB og leika sér að þeim eldi.  Fólk vill ekki framselja fullveldið, þrátt fyrir þúsundir blaðsíðna af skýrslum." "Það er í raun engin önnur heiðarleg leið heldur en að afturkalla umsóknina, hvorki gagnvart þjóðinni né öðrum þjóðum,"

Kær kveðja.

Mótmælt á Austurvelli

Sigmundur Davíð er að koma mörgu góðu til leiðar.

Háttvirtur Þingmaður vinstri Hreifingarinnar Græns Framboðs Bjarkey Gunnarsdóttir, lét þau orð falla um háttvirtan forsætisráðherra, Sigmund Davíð Gunnlaugsson að hann væri "eftirbátur forvera sinna".  Átti hún þá við að hann hafi tekið þátt í færri umræðum utan dagskrár en 2 fyrrverandi forsætisráðherrar gerðu á sama tímabili.  En þær voru 1 samanborið við 4 hjá Fyrrverandi forsætisráðherra Jóhönnu Sigurðardóttur og 9 hjá Geir Harde .  Reyndar kemur fram á frétt á mbl.is sem greinir frá þessu að Sigmundur hafi svarað 46 óundirbúnum fyrirspurnum samanborið við 54 hjá Jóhönnu og 28 hjá Geir Harde fyrrverandi forsætisráðherra.

Ég vil lýsa yfr þeirri skoðun minni að háttvirtur forsætisráðherra Sigmundur Davíð er að koma mörgu góðu í framkvæmd fyrir þjóð sína.  Eins og að undirbúa niðurfærslu höfuðstóls húsnæðislána sem á sér enga hliðsltæðu í íslenskri stjórnmálasögu, slíkt er umfang þessarar aðgerðar með jákvæðum áhrifum á lífskjör fólks.  Sigmundur og ríkisstjórn hans hafa líka í bígerð afnám verðtryggingar og það sem komið hefur fram í fjölmiðlum í dag að stokka eigi upp í húsnæðislánakerfinu og að sögn Háttvirts  félagsmálaráðherra Eygló Harðardóttur fólki verði gert auðveldara að kaupa sér húsnæði. Hagvöxtur hefur eflst á tíma núverandi ríkisstjórnar og vert er að horfa bjartsýn fram á veginn með núverandi ríkisstjórn við stjórnvölinn.  Allt annað á ekki við rök að styðjast, eins og fjaðrafokið vegna slita á aðildarviðræðum við ESB sem er ekki annað en ryk sem aðildarsinnar hafa þyrlað upp til að villa fólki sýn.  ESB aðild hentar ekki hagsmunum Íslands og er það ekki aðeins varðandi meginatvinnuvegina: Sjávarútveg og Landbúnað heldur einnig það sem skapat getur í framtíðinni, samstarf varðandi auknar skipaferðir um norður heimskautssvæðið.  Núverandi ríkisstjórn og háttvirtur forsætisráðherra eru að gera góð hluti fyrir þjóðina að mér finnst.

Enda eru formenn stjórnarflokkanna að fylgja samþykktum þingflokka sinna sem samþykktar voru lögformlega af hundruðum félagsmanna sem ályktuðu um þessi mál og kusu um niðurstöðuna.  Og í síðustu þingkosningum dæmdi þjóðin þingflokkumunum  í vil sem nú eru í stjórn landsins og samþykktu þar stefnumál þeirra.  Eitt þeirra var að aðildarviðræðum skyldi hætt og þeim skyldi ekki haldið áfram aftur nema að undangenginni þjóðaratkvæðagreiðslu.  Í þessari stefnu Stjórnarflokkana fólst alls ekki lokorð um þjóðaratkvæðagreiðslu.  Það er mín skoðun að ráðherrum ríkisstjórnarinnar beri að framfylgja þessari stefnu þingflokka þeirra og eins og öðrum megin- stefnumálum þeirra.

Kær kveðja.

Sigmundur eftirbátur forvera sinna

Háttvirt Ríkisstjórn - ekki samþykkja neina hjáleið Stjórnarandstöðunnar varðandi ESB málið.

Það er deginum ljósara nú eftir að umræður á Alþingi hófust á ný um þingsályktunartillögu háttvirts utanríkisráðherra, að stjórnarandstaðan hefur stundað málþóf og mikið er um neikvæðar athugasemdir í garð ráðherra ríkisstjórnarinnar.  Ég fylgdist með umræðum á Alþingi í gær í sjónvarpinu og sá að þingmenn stjórnarandstöðunnar voru margir hverjir óvægnir í ummælum sínum um háttvirtan Forsætisráðherra, Fjármálaráðherra og fleiri ráðherra ríkisstjórnarinnar.  Fannst mér það jaðra við persónulegt níð.   Ég var ánægður með að Háttvirtur Forsætisráðherra var fastur fyrir í málflutningi sínum og lét í engu bifast af ásökunum stjórnarandstöðunnar þegar afturköllun ESB umsóknar bar á góma.

Ég vil hvetja forsætisráðherra, Sigmund Davíð og fleiri ráðherra sem með þetta mál fara að falla ekki frá ákvörðun sinni um að slíta aðildarviðræðum við ESB.  Ríkisstjórnin hefur fullt umboð til að koma þingsályktunartillögu sinni um viðræðuslit í framkvæmd.   Þar sem þetta mál var samþykkt á landsfundum beggja stjórnarflokkana og er eitt af stefnumálum ríkisstjórnarinnar sem skráð er í stjórnarsáttmálanum.

Mig langar til að segja:  Hjáleið hefur verið boðin af hálfu Vinstri Grænna sem hljóðar upp á að aðildarviðræðum verði ekki slitið heldur verði aðildarumsóknin áfram á ís þangað til rétt fyrir enda þessa kjörtímabils en þá verði kosið um áframhald aðildarviðræðna.   Er ætlun Vinstri Grænna að ríkisstjórnin setji aðeins út þetta kjörtímabil, og að því loknu taki vinstri stjórn aftur við sem leiða mun þjóðina aftur í átt að inngöngu í ESB ?  Ég vil vara Háttvirta Ríkisstjórn við að samþykkja þessa tillögu Vinstri Grænna, sem er málamiðlun sem felur ma. í sér að Ísland verði áfram lagalega séð umsóknarríki að ESB.  Þessari ESB umsókn sem fyrrverandi ríkisstjórn Samfylkingar og Vinstri Grænna þröngvaði upp á þjóðina, án atvæðagreiðslu, ætti að vera dregin til baka af núverandi ríkisstjórn á lögformlegan hátt með samþykkt Alþingis.  Því þessi umsókn var fullkomlega ólögmæt þar sem hún var í andstöðu við vilja þjóðarinnar, þar sem skoðanakannanir þá og ætíð síðar hafa leitt í ljós að þjóðin vill ekki aðild að ESB.

Það er skoðun mín að stjórnarandstaðan og ESB sinnar séu að reyna að koma styggð á hjörðina sem er fólkið í landinu, sem hún - fyrrverandi ríkisstjórn eitt sinn hafði yfirráð yfir og hafði sett á hana hlekki ESB umsóknarinnar.  Nú eru ESB sinnar og Stjórnarandstaðan að hlaupa til hliðar við vagninn sem hjörðin er nýlega komin upp í og er stjórnað af Sigmundi, Bjarna og fleirum ráðherrum.  Þeir hafa tekið hana upp á sinn verndarvæng - þjóðina, og bjóða henni lausn frá ánauð ESB aðildar og laganetsins sem aðildarumsóknarferlinu fylgir og eru þeir að koma á umbótum hjá hjörðinni - í landinu, bæði efnahagslega og á öðrum sviðum.  Stjórnarandstaðan og ESB aðdáendur gera nú allt hvað þeir geta til að koma styggð á hjörðina með hrópum og köllum sem þeir beina til þeirra Bjarna og Sigmundar og reyna að fá sauðina til að stökkva út af vagninum, og í átt til þeirra sem bjóða þeim áframhaldandi tryggð við ESB umsókn og hlekki ESB aðildar. 

Kær kveðja.

 

Engin niðurstaða af fundi formanna

Það er slæmt ef þvinga á áframhaldandi ESB aðildarviðræðum upp á ríkisstjórnina..

Ríkisstjórnarflokkarnar unnu hérna yfirburða sigur í síðustu alÞingiskosningum 27 apríl 2013.  Var það eitt af aðalstefnumálum þeirra að ekki skildi gengið lengra í aðildarviðræðum við ESB, enda báðir flokkar  á móti aðild.  Ríkisstjórnin hefur á þessum tíma sem hún hefur verið við völd í hartnær 1 ár komið til vegar nokkuð betri efnahag en verið hefur undanfarin ár.  Ríkisstjórnin hefur, ákveðið að auka framlög til Landspítalans um 3 milljarða og aukið framlög til ýmissa málaflokka sem eiga að létta líf og greiðslubyrði almennings, um 460 milljarða ofl.  Nú er umræðan í fjölmiðlum og á meðal margra landsmanna að ríkisstjórnin sé að standa sig illa og er ástæðan sú að ráðherrar ríkisstjórnarinnar ætli að stöðva aðildarviðræður við ESB og láta tímann leiða í ljós hvort áhugi skapast fyrir inngöngu í ESB sem síðan mundi kalla á þjóðaratkvæðagreiðslu.  Óttast ESB aðildarsinnar að ESB muni ekki samþykkja Ísland sem umsóknarríki ef viðræðum hefur verið slitið. 

Mig langar til að segja að  ríkisstjórnin er að standa sig vel, það er gott að ríkisstjórnin stefni að hallalausum ríkisrekstri og að atvinnuleysi fer minnkandi.  Það er leitt að stofnað sé til mótmæla gegn ríkisstjórninni og ákvörðun hennar að slíta aðildarviðræðum.  Það er ein af áætlunum ríkisstjórnarinnar sem er vel ígrunduð, að stefna að því að Ísland standi utan ESB, enda er það skoðun ríkisstjórnarinnar að það sé þjóðinni heillavænlegast.  Háttvirtur forsætisráðherra sat fyrir svörum í úundirbúnum fyrirspurnum á Alþingi áðan, og sagði hann eitthvað á þá leið: að atvinnuleysi væri nú mjög lítið á Íslandi sem væri ekki raunin í ríkjum ESB þar sem  væri jafnvel 50% atvinnuleysi á meðal ungs fólks.  Sagði hann að það væri ekki hægt að ríkisstjórn sem er á móti inngöngu í ESB skuli standa i aðildarviðræðum.  Hefur ríkisstjórnin myndað sér fastmótaða skoðun á því að landi okkar er best borgið utan við ESB.  Sagði Sigmundur að ef vilji Alþingis og landsmanna skapaðist fyrir aðild þá yrði stofnað til þjóðaratkvæðagreiðslu.

Mér finnst leitt að aðildarviðræðunum sem var þvingað upp á þjóðina af fyrrverandi ríkisstjórn 2009, eigi nú að þvinga upp á land okkar og ríkisstjórn.  Stjórnarandstaðan og velunnarar ESB hafa æst fólk upp í móti ríkisstjórninni svo nú er mótmælt nánast daglega á Austurvelli.  Helstu fjölmiðlarnir eru mjög hliðhollir Samfylkingunni í fréttaflutningi sínum og á ég þar við Stöð 2, Rúv og Fréttablaðið.  Finnst mér að verið sé að kaffæra boðskap þeirra sem standa vilja vörð um fullveldi landsins.  Sjónarmið þeirra sem finnst þjóðaratkvæðagreiðsla ekki tímabær núna og að aðildarviðræður sem enginn vilji sé fyrir séu ekki til góðs, fær sjaldnast að koma fram í fjölmiðlum.  Má segja að þessar raddir hrópi hjáróma einhverstaðar í skúmaskotum, á vefmiðlum og bloggsíðum.  Er ekki annars von þar sem flestir fjölmiðlarnir eru fylgjandi ESB aðild (að ég tel).

Ég vil árétta með núverandi ríkisstjórn og þeim sem vilja að Ísland sé áfram sjálfstætt ríki og án erlendra yfirráða að:  Höfum við eitthvað við það að gera að afsala okkur fyllveldi okkar og framselja ákvarðanavaldi íslenskra stjórnvalda til Brussel.  Að afsala okkur 200 mílna landhelgi sem ríkisstjórnir fyrr á tímum komu í gegn með samtakamætti, kjarki og frumkvæði.  Viljum við eins og sumar þjóðir sem ESB tilheyra láta nægja 12, eða í mesta lagi 24 eða 30 mílna landhelgi ?  Og láta fiskveiðiskip annarra aðildarþjóða fá að veiða þar sem við eitt sinn höfðum 200 mílna landhelgi ?  Innganga í ESB myndi valda því að okkur væri meinað að gera af eigin forsendum viðskiptasamninga og fiskveiðisamninga við önnur lönd og ef ég tala nú ekki um að ákveða fiskveiðikvóta okkar.

Reisa girðingar vegna mótmæla

Háttvirt ríkisstjórn - standið fast á stefnu ykkar !

Samkvæmt frétt á Mbl.is söfnuðust saman milli fimm og sex þúsun manns á Austurvelli á samstöðufundi þar sem mótmælt var að stjórnvöld hyggjast draga til baka umsókn Íslands að Evrópusambandinu.  Langar mig til að hvetja ríkisstjórnina að hvika ekki frá tillögu sinni um slit á viðræðum við ESB.  Er það, að ég tel aðgerðir ríkistjórnar sem ber hag Íslands fyrir brjósti og borgurum þess, og hér er ríkisstjórnin líka að fylgja yfirlýstri stefnu sinni sem kemur fram í Stjórnarsáttmálanum. 

Kæru Landsmenn !  ESB aðildarviðræður eru ekki þess eðlis að samningsaðilar Íslands og samningsaðilar ESB koma saman og ræða málin, heldur felast í þessari umræðu sem réttu nafni nefnast aðildarferli, lagabreytingar Íslensks stjórnkerfis, aðlögun að ESB og ýmislegt annað sem á sér stað á viðræðutímanum.  ESB aðild er ekki Landi og þjóð til góðs, því hún bindur hendur Íslenskra ráðamanna þar sem ákvarðanavald færist yfir til Brussel !

Mér finnst svo mikilvægt að fram komi meiri fagleg umræða í fjölmiðlum um eðli og afleiðingar ESB aðildarviðræðna.  Hvað þær raunverulega eru og hvað í þeim felst.  Ég skora á stjórnendur sjónvarpsstöðvanna að koma með þátt í sjónvarpinu þar sem útskýrt er á hreinskiptan og faglegan hátt í hverju aðildarviðræður felast.

Kæra ríkisstjórn, mér finnst þið vera að standa ykkur vel.    Haldið ótrauð áfram verki ykkar !

Kær kveðja.

Fjöldi fólks á samstöðufundi

Gott og faglegt mat á ESB umsókn hjá Björg Thorarensen Lagaprófessor

Björg Thorarenssen lagaprófessor við Háskóla Íslands tjáði sig í útvarpsþættinum vikulokin í gærmorgun, eitthvað á þá leið að þjóðaratkvæðagreiðsla um áframhald aðildarviðræðna við ESB væri ekki heillavænlegur kostur.  Átti  hún þá við að það sé ekki skynsamlegt að ríkisstjórnarflokkarnir, sem báðir eru andvígir aðild haldi áfram aðildarviðræðum.  Finnst mér það vera fullkomlega rökrétt  skoðun.  Reyndar er Björg andvíg þeirrri stefnu ríkisstjórnarinnar að slíta aðildarviðræðum heldur að umsókninni verði haldið opinni svo að önnur ríkisstjórn geti ef áhugi er fyrir hendi staðið fyrir þjóðaratkvæðagreiðslu.  Hún sagði ennfremur að slík þjóðaratkvæðagreiðsla væri aðeins ráðgefandi en ekki lagalega bindandi. 

Er ég reyndar sammála ríkisstjórninni að aðildarviðræðum beri að slíta til að koma hreint fram við stækkunarnefnd ESB, og að ef vilji skapist í framtíðinni eða aðstæður innan ESB breytist verði stofnað til þjóðraratkvæðagreiðslu.  Mér finnst gleðilegt þegar ég sé í fjólmiðlunum faglega umræðu um ESB aðild. 

Mig langar til að biðja þá sem um þetta mál fjalla í fjölmiðlum og hvort sem það er í sjónvarpi, fréttablöðum eða á netmiðlum að útskýra á faglegan og hreinskiptan hátt hvað aðildarviðræður við Evrópusambandið séu og í hverju þær felast.  Eru þetta aðeins viðræður þar sem Íslenskir samningaaðilar koma og ræða við samningsaðila ESB?  Eða er eitthvað meira innifalið í þessum umræðum, eins og lagabreytingar Íslensks stjórnkerfis, aðlögun að ESB eða eitthvað í þá áttina?

Þjóðaratkvæði ekki heillavænlegt

Ávinningur af blómstrandi landbúnaði og matvælaframleiðslu er mikill.

Þau orð Sigurðar Inga Jóhannssonar að Íslendingar ættu ekki vera upp á aðrar þjóðir komnar með matvælaframleiðslu eru orð að sönnu.  Innlendur Landbúnaður kallar á fjöldamörg störf fyrir landsmenn og mörg fyrirtæki, verslanir og þjónustufyrirtæki sem njóta góðs af.  Það er ekki gott að auka innflutning á matvælum því það kemur fljótt niður á þjóðarbúinu og samfélagi okkar  með fækkandi störfum og minnkandi umsvifum matvælafyrirtækja og öðrum fyrirtækjum.  En það veldur því að innviðir efnahagslífsins rýrna smátt og smátt.  Og fyrir vikið verður Ísland í meiri hættu hvað varðar framboð á matvælum ef eitthvað óvænt skeður,  eins og stríð eða náttúruhamfarir.

Kæra ríkisstjórn mér finnst þið vera að standa ykkur vel.  Haldið ótrauð áfram verki ykkar!

Kær kveðja.

Verði ekki upp á aðrar þjóðir komnar

Gott er að leggja ástandið hjá þjóð okkar í hendur Guðs.

Árið 2009 lét þáverandi ríkisstjórn Sjálfstæðisflokks og Samfylkingar vinstri öflin hrinda sér af stalli. Samfylkingunni tókst með hjálp Vinstri Grænna að troða ESB umsókn upp á þjóðina, sem var á móti aðild.  Samfylkingin kaffærði þarna meirihluta landsmanna sem ekki vildi aðild að Evrópusambandinu.  Nú virðist það sama vera í farvatninu hjá stjórnarandstöðuflokkunum og ESB sinnum.  Látið er í veðri vaka að ríkisstjórnin sé óhæf og sé að svíkja gefin fyrirheit, og að best sé að hún dragi til baka ákvörun sína að slíta aðildarviðræðunum sem fyrrverandi ríkistjórn stofnaði til.  Að sjálfsögðu er ríkisstjórnin aðeins að framfylgja Stjórnarsáttmálnum sem gerður var 2013.

Við kjósendur sem viljum ekki aðild að ESB og kusum Ríkisstjórnarflokkana ma. vegna þessa, eigum líka rétt á að okkar málstaður nái fram að ganga.  Núverandi ríkisstjórn ætti nú ekki að láta Stjórnarandstöðuna og ESB sinna neyða sig til að samþykkja áframhaldandi viðræður við ESB.

Ég sem tel mig trúaðan mann vil hvetja fólk til þess að biðja fyrir Landi og Þjóð og fyrir Ríkisstjórninni sem hlýtur að hafa erfiða daga á þessum tímum ólgu og mótmæla.  Það þarf enginn að skammast sín fyrir að trúa á Jesúm Krist.  Stjórnmálamönnum þessa lands vil ég benda á að farsælast er að koma með málefni líðandi stundar til Guðs sem skapað hefur alla hluti og sem getur breytt hlutum fyrir bæn.  Það eru mörg vandamál í þjóðfélaginu sem þarfnast úrlausna.  Og gott er að koma með vandamálin til hans sem valdið hefur, og fær er um að leysa úr málum.  Í Biblíunni, Guðs orði stendur þetta um bæn:   "Fyrst af öllu áminni ég um að bera fram ákall, bænir, fyrirbænir og þakkargjörðir fyrir öllum mönnum, fyrir konungum og öllum þeim, sem hátt eru settir , til þess að vér fáum lifað friðsamlegu og rólegu lífi í allri guðhræðslu og siðprýði.  Þetta er gott og þóknanlegt fyrir frelsara vorum Guði, sem vill að allir menn verði hólpnir og komist til þekkingar á sannleikanum."  1 Tímóteusarbréf 2:1-4  Og ég vil bæta við öðrum góðu ritningarstað:  "Gjaldið engum illt fyrir illt.  Stundið það sem er fagurt er fyrir sjónum allra manna.  Hafið frið við alla menn að því leyti sem sem það er unnt og á yðar valdi."  Rómverjabréfið 12:17-18

„Við eigum að vera hér fyrir fólkið“

Vald fjölmiðlanna er mikið.

Undanfarna viku eða þar um bil hefur verið mikið fjallað um fyrirhuguð slit ríkisstjórnarinnar á aðildarviðræðum við ESB.  Finnst mér að umræðan sé oft neikvæð í garð Ríkisstjórnarinnar og einhliða.  Stjórnarandstaðan leitast eftir því af alefli að koma í veg fyrir að þessi tillaga ríkisstjórnarinnar komist í framkvæmd.  Um helgina var td. að margra mati, stundað málþóf að hálfu stjórnarandstöðuflokkana til að koma í veg fyrir að háttvirtur Utanríkisráðherra Gunnar Bragi Sveinsson gæti mælt fyrir tillögu sinni um viðræðuslit við ESB.  Var það að ég hygg til þess að vinna tíma að seinka áframhaldi viðræðna um þetta mál til 10 mars þegar Alþingi kemur aftur saman.  Og skapa þannig betra færi fyrir stjórnarandstöðuna og ESB sinna að vinna gegn Ríkisstjórninni og tillögu hennar um Viðræðuslit við ESB.  Mér finnst Stjórnarflokkarnir og formenn þeirra einkum Háttvirtur Fjármála- og Efnahagsráðherra, Bjarni Benediktsson, hafa verið ataðir aur af hálfu fjölmiðlanna Stöð 2, og RÚV sem er ekkert betri.  Finnst mér ranglega vegið að þessum vönduðu stjórnmálamönnum sem mér finnst aðeins vera að uppfylla það sem stjórnarsáttmálinn kveður á um. 

Ég vil minna á að þjóðin valdi Sjálfstæðis- og Framsóknarflokk einmitt vegna andstöðu þeirra við ESB aðild og margra annarra atriða sem snertu hag lands og þjóðar.  Nú er staðan sú að fólk hefur verið að mótmæla á Austurvelli að krefjast þess að stjórnarflokkarnir standi fyrir þjóðaratkvæðagreiðslu um áframhald aðildarviðræðna við ESB.  Hvílík fásinna!  Veit fólk ekki að þessar viðræður eru ekki annað en undirbúningur fyrir aðild og inntaka fjölmargra breytinga og lagasetninga ESB sem ekki verður lokið fyrr en Íslenska samninganefndin hefur samþykkt að ákvarðanavald Íslenskrar stjórnsýslu verði alfarið framselt til ESB!  Þetta snýst ekki um að málin séu rædd og komist að hvað sé í boði og síðan komist að ásættanlegum samningum, td hvað sjávarútveg og landbúnað varðar - Slíkt er aðeins tilbúningur sumra ESB sinna sem á ekki við rök að styðjast. 

Ég vil hvetja Háttvirta Ráðherra Ríkisstjórnarinnar að standa þolgóðir vaktina um velferð þjóðarinnar.  Það er ekki rétt að óánægjuraddir fólks hverju sinni og ranghugmyndir hverju sinni fái að stjórna stjórnmálamönnum sem eru settir til að gæta réttar og hags landsins.  Það á að fylgja stjórnarsáttmála viðkomandi ríkisstjórnar.  Ríkisstjórnin á að fylgja sáttmálanum sem formenn Stjórnarflokkanna gerðu eftir bestu vitund síðasta ár, en fyrir alla muni ekki láta rekast fram og aftur eftir hugmynda-vindum þeim sem fjúka um þjóðfélagið þá stundina og eru tilkomnir vegna neikvæðs fréttaflutnings og rangra hugmynda um eðli svonefndra aðildarviðræðna.  Íslendingar vilja ekki aðild að ESB og það er því óvirðing við ESB að hefja aðildarviðræður sem við meinum ekkert með!

Fylgi stjórnarflokkanna undir 40%

Stjórnarandstaðan reynir að spyrna við fótunum til að hindra slit á aðildarviðræðum.

Eins og alþjóð veit snúast umræður á Alþingi nú mjög um tillögur ríkisstjórnarinnar að slíta aðildarviðræðum við ESB.  Er óhætt að segja að rætt sé af miklum hugmóð og kappi.  Báðir aðilar hyggjast koma sínum markmiðum fram, sem er að hálfu stjórnarandstöðuflokkana að halda aðildarumsókn opinni og að hálfu ríkisstjórnarflokkanna að slíta viðræðum.

Staðreynd málsins er sú að aðildarumsóknin að ESB var lögð fram án þess að vilji þjóðarinnar væri fyrir aðild, Samfylkingin fékk Vinstri græna með sér til að hefja aðildarviðræður við ESB.  En Vinstri græn vildu ekki aðild heldur vildu aðeins fá að "kíkja í pokann" að viðræðum loknum.

Aðildarviðræðurnar voru ekki viðræður heldur aðlögunarferli að regluverki ESB.  Á vissum tímapunkti í viðræðunum varð ekki lengra komist því breytingar þær sem ESB kröfðust í aðlöguninni voru farnar að ganga lengra en Íslensk löggjöf og og stjórnarskrá Íslands leyfði.  Jón Bjarnason fyrrverandi sjávarútvegs- og landbúnaðarráðherra lýsir því yfir á bloggsíðu sinni að sjávarútvegskaflinn hafi enn ekki verið opnaður því hann kallar á að ákvarðanavald yfir Íslenskum sjávarútveg, þar á meðal leyfilegt hámark veiða, tæknilegar varúðarráðstafanir, markaðsmál, skipting kvóta á milli aðildarríkja og fleiri atriði, verði alfarið framseld til Brussel.  það er að hans sögn ekki hægt að ljúka viðkomandi kafla nema Íslenska samninganefndin samþykkji að framselja yfirráðarétti viðkomandi atvinnuvegs til ESB.  Það er ekki þannig að kaflar séu opnaðir og farið sé yfir málin og síðan komist að ásættanlegum samningum eins og margir halda fram.

Að sögn Jóns Bjarnasonar voru aldrei um að ræða einhverjar sér undanþágur fyrir Íslendinga og að ef undanþágur voru veittar umsóknarríki voru þær aðeins tímabundnar.

ESB vinnur á þann hátt að rýniskýrsla er lögð fram bæði af hálfu ESB og umsóknarríkis þar sem sambandið metur mismun á regluverki ESB og umsóknarríkis. ESB metur síðan hvort umsóknarríki sé hæft eða tilbúið til aðildar. Þeir kaflar sem eftir voru í aðildarferlinu voru þeir sem snertu undirstöðuatriði Íslensks atvinnulífs sjávarútvegs- og landbúnaðarmál.  En ESB leggur það til grundvallar að þegar þessir kaflar eru opnaðir að umsóknarríki ákveði að framselja ákvörðunarvald viðkomandi málaflokks til ESB.  Á það stig voru viðræðurnar komnar 2012 og ekki varð lengra komist því til að ganga frá viðkomandi köflum varð breyting á Stjórnarskrá Lýðveldisins að koma til.  Rýniskýrsla ESB varðandi Sjávarútveg var ekki komin fram þegar viðræður voru settar á ís. Það varð ljóst að þær forsendur sem gengið var út frá 2009 voru brostnar, aðlögunin myndi kosta meira en hugmyndir fyrrverandi ríkisstjórnar voru þegar umsóknin var send inn.  Í grundvallaratriðum var hugmynd fyrverandi ríkisstjórnar að senda inn umsókn, hefja aðildarviðræður og síðan að kíkja í pokann til að sjá hvað væri í boði, en raunin var önnur.

Eins og aðildarumsóknin var send inn á borð ESB 2009 án þess að þjóðin fengi að tjá sig, og ljóst var í skoðanakönnunum að vilji þjóðar lægi ekki fyrir aðild.  Er það að ég tel ekki skilyrði að núverandi ríkisstjórn stofni til atkvæðagreiðslu um áframhald viðræðna, viðræðna sem voru gerðar í óþökk þjóðar.   

Ekki er rétt að stofna til sýndarviðræðna þar sem vilji ráðamanna og reyndar vilji þjóðarinnar fylgir ekki máli.  

„Minnihlutinn ræður ekki dagskrá“