Óskiljanlegt skeytingarleysi gangvart blómlegri atvinnugrein og eignarrétti fólks.

Það er ljóst orðið að borgarstjórn Reykjavíkur hefur fastráðið að hefja niðurrif á svæði svonefndra Fluggarða á Reykjavíkurflugvelli á næsta ári og byggja þar íbúðabyggð.  Var það mál ákveðið með samþykkt deiliskipulags sem samþykkt var síðustu viku.  Vilji borgaryfirvalda stendur til að Reykjavíkurflugvöllur víki alfarið úr Vatnsmýrinni í framtíðinni og að þetta verði fyrsta skrefið í þá átt.

Mér finnst þessi ákvörðun Borgaryfirvalda alveg óskiljanlegt skeytingarleysi gagnvart þessari starfsemi sem þarna fer fram og skilningsleysi viðkomandi á þeim skaða sem þetta mun valda, á þessari blómlegu og vaxandi atvinnugrein sem Flugskólarnir eru.  Í flugskóla þá sem eru á Reykjavíkurflugvelli sækjast að jafnaði töluverður fjöldi erlendra flugnema.  Er það vegna þess að kostnaður við flugnám er tiltölulega lágur hér á landi í samanburði við það sem gerist í öðrum löndum.  Í Íslensku flugskólunum er rekin metnaðarfull kennsla með góðu starfsliði og tækjakostur hefur farið vaxandi eins og með tilkomu flugherma, er það til að gera Íslenska flugkennslu fyllilega samkeppnishæfa við það sem best þekkist.  Einn flugskólinn hefur starfað í yfir 50 ár með góðum orðstýr.   Á svæðinu eru líka rekin nokkur minni flugfélög og fjöldi einkaflugmanna hefur þar aðstöðu fyrir vélar sínar í flugskýlum sem eru á svæðinu.

Má nú segja að starfsemi þessi sé í hættu vegna skammsýni Borgaryfirvalda og eiginhagsmunastefnu að hugsa aðeins um að skapa rými fyrir íbúðabyggð, sem vel mætti vera staðsett annars staðar.  En á sama tíma að leggja eigur viss hóps manna og hagsmuni tveggja atvinnustétta sem þarna starfa í rúst.    Á ég varla orð til að lýsa vanþóknun minni á fyrirhuguðum aðgerðum Reykjavíkurborgar og trega minn vegna þessa fólks sem hefur rekið þessa mikilvægu flugstarfsemi á svæðinu, með góðum efnahagslegum áhrifum á landsvísu.  Er það vegna starfsemi, minni flugfélaga með bættum samgöngum við landsbyggðina og vegna ýmsrar tengdrar þjónustu eins og skoðanir og viðhald á flugvélum, sala á varahlutum ofl.

Það þarf ekki að fjölyrða um það hversu mikill skaði það yrði fyrir flugskólana og verðandi flugmenn ef flugkennsla leggst af á Reykjavíkurflugvelli.  Reykjavíkurflugvöllur er alveg kjörinn fyrir flugnám, stærð hans og umferð sem um hann fer, er alveg kjörin fyrir einka- og atvinnuflugs nám.  Það væri alvarlegra en orð fá lýst ef flugnám leggist að mestu leiti niður á Íslandi og verðandi flugnemar yrðu að leita fyrir sér erlendis með flugnám.  Það mundi leiða til þess að verðandi flugmönnum mundi stór fækka, því er nefnilega þannig farið að nærvera við flugvöll, Flugdagar þeir sem haldnir eru á Reykjavíkurflugvelli og starfsemi flugskóla hafa laðað að sér margan manninn til að leggja í flugnám.  Og margir menn og konur hafa smitast af flugbakteríunni, einmitt við það að fara í kynningarflug hjá einhverjum flugskólanna.  Er nokkuð yndislegra og meira spennandi en að svífa um loftin blá í flugvél? 

Ég vil hvetja Borgaryfirvöld í Reykjavík að endurskoða þessa ákvörðun sína með hagsmuni þessara starfstétta sem hafa lifibrauð sitt á svæðinu í huga og með þá blessun sem starfsemi flugskóla hafa á flugið í landinu.

Með kærri kveðju.

Reykjavík besti kennsluvöllurinn

Óréttlætanleg eignaupptaka á aðstöðu einkaflugmanna, flugskóla og minni flugfélaga.

Það hefur varla farið fram hjá neinum að Reykjavíkurborg hefur ráðgert að taka yfir landrými það á Reykjavíkurflugvelli, sem nefnast "Fluggarðar".  Er það svæði þar sem einkaflugmenn, Flugskólar og nokkur minni flugfélög hafa aðstöðu og flugskýli fyrir flugvélar sínar.  Í síðustu viku samþykkti Reykjavíkurborg deiliskipulag, þar sem gert er ráð fyrir að Fluggarðar víki fyrir annarri byggð strax á næsta ári.

Ég á varla orð til að lýsa vanþóknun minni á fyrirhugaðri aðgerð Reykjavíkurborgar að flæma burt þeirri starfsemi sem þarna þrífst, með eignaupptöku og niðurrifi á flugskýlum og öðrum fasteignum einkaflugmanna, flugskóla og flugfélaga.  Er þetta niðurrif að ég tel algjörlega ólöglegt þar sem Reykjavíkurborg hefur lítið sem ekkert samráð haft við þinglýsta eigendur mannvirkja á svæðinu og hyggst ekki greiða þeim bætur. Hér er verið að ýta þeim flugrekstraraðilum sem hlut eiga að máli og einkaflugmönnum út á kaldan klakann.  Á svæðinu eru að jafnaði 85 flugvélar vistaðar í flugskýlum sem telja alls um 8000 fermetra, og að starfsemi þeirri sem fer fram á svæðinu koma nokkur hundruð manns.  Enginn flugvöllur kemur til greina fyrir starfsemi þessa, Keflavíkurflugvöllur getur ekki tekið við flugnáminu og einkafluginu, þar sem flug lítilla flugvéla og stórra þotna passar ekki saman.  Þar sem mikil hætta skapast á árekstrum milli kennsluvéla og farþegavéla að maður tali ekki um öfluga hvirfla sem stórar flugvélar skapa sem geta skapað mikla hættu fyrir einkaflugvélar.

Reykjavíkurflugvöllur er eins og kjörlendi fyrir flugskóla, því hér er  um að ræða flugvöll mjög vel tækjum búinn og með hæfilegri umferð flugvéla sem gera flugnámið meira krefjandi.  Að setja starfsemi flugskóla á lítinn flugvöll eins og á Selfoss eða á Hellu mundi gera námið mjög einhæft og takmarkað hvað varðar þjálfun í talstöðvarsamskiptum og maður talar nú ekki um vöntun á ýmiskonar aðflugs- og flugleiðsögu tækjum sem fyrirfinnast á stærri flugvöllum ásamt flugturni með flugumferðarstjórn.  En það er nauðsynlegt fyrir flugnema sem hyggja á áframhaldandi nám með atvinnuréttindum.

Ég vil hvetja borgarstjórn Reykjavíkur til að hætta við fyrirhugað niðurrif á Fluggörðum.  Sú starfsemi sem þarna fer fram er mikið þjóðhagsmuna-mál með hundruðum starfsfólks sem þarna hefur lifibrauð sitt.  Þetta er ekki aðeins niðurrif á einhverjum byggingum til þess að hægt sé að reisa þar íbúðabyggð heldur er hér um stærra og víðfeðmara mál að ræða.  Það er hætta á að starfsemi flestra flugskóla á Íslandi hreinlega þurrkist út.  Það er á engan annan stað að venda fyrir þá flugrekstraraðila sem þarna eru og einkaflugmenn í Reykjavík.  Á þessi sjónarmið ber Reykjavíkurborg að líta.  Ef Reykjavíkurborg hættir ekki við fyrirhugaðar aðgerðir á þessu svæði er það skoðun mín að Ríkisstjórninni beri að leggja lögbann á þessar aðgerðir.  Því hér eru hagsmunir á ferðinni sem snerta hag allrar þjóðarinnar.

Kær kveðja.

 

Enginn vill einka- og kennsluflugið

Skýrsla Alþjóðamálastofnunar tilgreinir ekki heimildarmenn og er án heimildarskrá.

Í fréttatímum Stöðvar 2 og Rúv var fjallað um skýrslu Alþjóðamálastofnunar Háskóla Íslands.  Var þar fullyrt að Íslendingar mundu sennilega komast hjá því að fiskveiðiskip ESB myndu veiða í Íslenskri lögsögu þrátt fyrir inngöngu Íslands í ESB og að Íslendingar kæmust hjá því að erlendir aðilar fjárfestu í Íslenskum sjávarútvegsfyrirtækjum.  Var sagt að upptaka Evru myndi stórauka hag landsmanna og að kostirnir við upptöku Evru vægju þyngra en ókostirnir.

Vigdís Hauksdóttir þingmaður og formaður Heimssýnar gagnrýndi skýrslu Alþjóðastofnunar HÍ.  Sagði hún hálfsannleik koma þar fram og að í raun sé þetta "skýrsla óþekkta embættismannsins" þar sem vitnað er í nafnlausa embættismenn ESB og tveggja manna tal.  Sagði Vigdís að í skýrslunni komi fram að ósamstaða hafi verið í fyrri ríkisstjórn og ekki hafi verið hægt að opna ýmsa viðræðukafla vegana fyrrverandi sjávarútvegsráðherra, Jóns Bjarnasonar.

Ég vil segja að þessi skýrsla virðist ekki vera mikið mark á takandi vegna þeirra annmarka sem á henni eru;  að ekki er vitnað í hverjir innan ESB hafi tjáð sig og að sögn Vigdísar var engin heimildaskrá sem fylgdi skýrslunni sem fylgja þarf ef skýrsla á að vera vel og faglega unnin.  Vigdís sagði líka að komið hafi fram í skýrslunni að ástæðan fyrir því að ekki var hægt að opna ýmsa viðræðukafla væri vegna fyrrverandi Sjávarútvegsráðherra Jóns Bjarnasonar og sagði  hún það fjarstæðu að ætla núverandi ríkisstjórn sem er á móti inngöngu í ESB að halda viðræðunum áfram. 

Vil ég taka undir með Vigdísi að skýrsla þessi virðist ekki faglega unnin þar sem vitnað er í ónafngreinda embættismenn innan ESB og að tilvitnanaskrá vantar.  Skýrsla Hagfræðistofnunar Hí var hins vegar mjög fræðilega og vel unnin, þar kom fram að engar varanlegar undanþágur eða undanþágur sem máli gætu skipt fyrir Ísland væru í boði.

Kær kveðja.

Skýrsla óþekkta embættismannsins

Sköpun jarðar og sannleiksgildi Biblíunnar.

Þessir vídeó þættir mynda hluta úr sögu Ísraels frá upphafi sköpunar, til daga Ísraels, til daga Jesú og síðan til okkar daga þar sem Jesús starfar á meðal okkar í dag.

1. Sköpun Jarðar. Í upphafi skapaði Guð Himin og Jörð. Í þessum vídeó þætti rekur Kent Hovind Ph.D. sannanir fyrir því að Jörðin sé ung nokkur þúsund ára gömul, sem styður það að Guð skapaði Jörðina eins og Biblían segir frá og að Jörðin sé þá ekki miljóna ára gömul eins og kennt er í skólunum og í sjónvarpsþáttum. Hvaðan komum við og hvert förum við, skiptir það máli?

Vídeó þættirnir heita: The Age of the Earth - Dr. Kent Hovind - Part 1 of Creation Science

Extraordinary Evidence that Dinosaurs Lived with Man - Dr. Don

Living Dinosaurs in Africa (Full Documentary)

The Demon Flyer Creature of Papua New Guinea (Documentary).

 

 

 

 2. Sódóma og Gómorra. Í þessum vídeó þáttum eru leifar af þessum borgum sýndar þar sem Biblían talar um að þær séu við Dauðahafið í Ísrael. Biblían segir frá því að Lot flýði úr Sódómu með konu sína og tvær dætur áður en Guð eyddi Sódómu, en þarna eru hólar og hæðir sem minna á byggingar, margar með 90 gráðu hornum sem kallast rétt horn, en þau eru að finna á manngerðum byggingum, og á sumum eru greinilega ferkantaðar glugga myndanir og þar eru líka op sem líkjast inngöngum í hús. Á þessu svæði er Jarðvegurinn aska og brennisteinn, en Biblían segir frá því að Guð hafi látið eld og brennistein rigna frá himnum þegar hann eyddi Sódómu og Gómorru.

Ron Wyatt lét efnagreina þennan brennistein og var hann 98% hreinn brennisteinn, en hann finnst í leifunum af öllum þessum borgum kringum Dauða hafið sem Guð eyddi og er þetta eini staðurinn á Jörðinni þar sem þessi 98% hreini brennisteinn finnst, en hann brann við 5000 - 6000 gráður á Fahrenheit sem er um 2700 - 3300 gráðu hiti á Celsius. Hann brann við þennan mikla hita vegna þess að hann inniheldur örlítið af Magnesíum málmi.

En hvað fundu fornleifafræðingar þegar þeir fóru að grafa í Sódómu ???  þeir fundu mannabein ofan í öskunni dreifð yfir allt vestur svæði Sódómu.Einnig hafa fundist um 1.000.000 grafir Kananíta á þessu svæði, en þeir voru íbúar þessa lands.                                                                                                                                                    

Vídeó þættirnir heita:  Revealing God's Treasure - Sodom & Gomorrah og

Sodom & Gomorrah Documentary. TRUE STORY.                                                                                                        

http://vimeo.com/69213153

 

 

3. Í gegnum Rauða hafið. Í þessum vídeó þáttum er eru sýndar leifar af vagnhjólum í á botni Rauðahafsins en Biblían segir frá því að Móses leiddi Ísraelsmenn sem voru þá kallaðir Hebrear út úr Egyptalandi en Faraó elti þá að Rauðahafinu með hermenn hervagna og Guð opnaði Rauðahafið fyrir Ísraelsmönnum þannig að þeir komust  þurrum fótum yfir í Súr-eyðimörk.

En hermenn Faraós fóru á eftir þeim og hafið steyptist yfir þá og þeir fórust allir, en eftir sitja leifar af vagnhjólum jafnvel úr gulli og einnig hafa fundist manna bein og hesthófar.

Vídeó þættirnir heita:  Revealing God's Treasure - The Red Sea Crossing

The Exodus Revealed og The Exodus 

http://vimeo.com/69234784

 

 

4. Sínaí fjall. Í þessum vídeó þætti er sagt frá dvöl Ísraelsmanna hjá Sínaí-fjalli sem er í

Sínaí-eyðimörk eins og Biblían segir frá. Ísraelsmenn gengu í gegnum Rauðahafið inn í Súr-eyðimörk og síðan til Elím þar sem voru 12 vatnslindir (Brunnar) og 70 pálmar en brunnarnir standa ennþá í dag og ennþá fleiri pálmar eru þar í dag. Þeir komu síðan að Sínaí-eyðimörk en fólkið möglaði gegn Móse. Móse sló þá staf sínum á klett einn, eftir boði Drottins, og spratt þá fram vatn úr klettinum. Í dag er að finna á þessum slóðum klett sem er klofin niður. Þar eru ummerki um að vatn hafi runnið niður frá klettinum.

Móses gekk upp á fjallið og fékk boðorðin 10 úr hendi Guðs, en þegar þá fór að lengja eftir Móse gerði Aron bróðir Móse þeim gullkálf og altari fyrir framan hann og Ísraelsmenn færðu Gullkálfinum fórnir. Í dag, við Sínaí fjall, er að finna steinahrúgu með myndum af kálfum sem þeir hafa teiknað, þar sem þeir hafa sennilega sett gull kálfinn á.  Engu er líkara en að toppurinn á Sínaí-fjalli sé í dag, sviðin eftir eldi og reyk, en Biblían segir frá því að Drottinn hafi stigið þar niður í eldi og að reykur hafi stigið upp frá því eins og úr ofni.

 Vídeó þátturinn heitir:  Revealing God's Treasure - Mt. Sinai

http://vimeo.com/69442209

 

5. Fornleifafræðingar grafa eftir sannleika Biblíunnar. Í þessum vídeó þætti sýnir

Dr. Don Patton frá fornleifafundum í Ísrael og í kringum Ísrael frá þeim tíma þegar Jósúa leiddi Ísraelsmenn inn í Kanansland eftir andlát Móse. En Móses leiddi Ísraelsmenn frá Egyptalandi, gegnum Rauða-hafið, yfir eyðimerkur og að Sínaí fjalli og áfram að Nebófjalli, þar sem hann lést eftir 40 ára veru í eyðimörkinni með Ísraelsmönnum. En Móses skipaði Jósúa eftir mann sinn sem síðan leiddi Ísraelsmenn inn í fyrirheitna landið Kanansland, sem síðan hét Ísrael. Í þættinum segir Dr. Don Patton frá því að sannanirnar fyrir því að Ísraelsmenn hafi verið í Egyptalandi fyrir 3400 árum og hafi farið yfir eyðimerkur, yfir ána Jórdan og inn í Ísrael, séu mjög miklar.

Þættirnir heita:   Archaeology: Digging for the Truth of the Bible og

Amazing Archaeological Discoveries Recently Made in Jerusalem

 

6. Sannanir fyrir tilvist Jesú. í  þessum vídeó þætti er fjallað um tilvist Jesú fyrir rúmum 2000 árum, að hann var dæmdur af Pílatusi og negldur á kross. Þeir sem skrifuðu um það voru Matteus og Jóhannes sem skrifuðu Mattheusar og Jóhannesar guðspjöll. Þeir voru sjónarvottar að lífi Jesú. Einnig Markús og Lúkas sem skrifuðu Markúsar og Lúkasar Guðspjöll, en þeir skrifuðu þau eftir vitnisburðum annarra samtímamanna Jesú. Einnig er fjallað um aðra menn utan Biblíunnar sem skrifuðu um krossfestingu Jesú. Þeir voru rómverskir og grískir sagnaritarar þeir minnast jafnvel á jarðskjálfta og myrkur sem var í Galíleu á þeim tíma sem Jesú var krossfestur. En Biblían segir frá því að það kom Jarðskjálfti og myrkur þegar Jesús var krossfestur um það er fjallað í kafla 2 í þessum þætti.   

 Vídeó þættirnir heita:   Historical Evidence for Christ and His Resurrection og

The evidence for the existence of Jesus-full length

http://vimeo.com/29511020

  

                                            .

7. Í þessum vídeó þætti er sýnt frá lækningum sem eiga sér stað í dag, að það eru lagðar hendur yfir fólk og beðið bænar í Jesú nafni til lækninga ýmissa sjúkdóma og meina sem fólk er að glíma við. Sumar af þessum lækningum eiga sér stað úti á götum eða inni í stórmörkuðum.

Í þessum þáttum kemur greinilega fram að Jesús læknar í dag ýmsa sjúkdóma sem fólk er að glíma við og fólk fær frið í sálina og frið í hugann.

 Vídeó þátturinn heitir:  Street healing with Tom Fischer Classic reactions to healing

  

 

                              Nokkur atriði sem styðja biblíulega sköpun.

8. Milliliðir eða Týndir hlekkir. Ekki hefur fundist einn einasti milli liður milli manna og dýra eða á milli dýra sem áttu að sanna þróunarkenningu Charles Darwin´s, um uppruna tegundanna, í þau 150 ár sem grafnir hafa verið upp steingervingar. Svo að þetta eru þá sannkallaðir tíndir hlekkir. Hversvegna eru þessir týndu hlekkir þá milliliðir í kennslubókum þar sem þróunarkenningin er kennd sem staðreynd ?" Charles Darwin skrifaði í bók sinni: Uppruni tegundanna, að ef það fyndust ekki neinir milliliðir milli manna og dýra eða á milli dýra þá væri kenning hans fallin.  

það er vídeó þáttur hérna fyrir neðan um þetta efni: There are no Missing Links! - Kent Hovind

 

9. Apamenn. Þessir svo kölluðu apamenn sem hafa fundist voru annaðhvort veikt fólk, sumir með hryggskekkju eða þá að falsaðar beinagrindur voru settar saman, jafnvel úr tveimur beinagrindum. Gott dæmi um þetta er Lucy sem átti að hafa verið með blendingseinkenni apa og manna, af tegund apa er kölluðust Sunnapar, þeir áttu að hafa veri uppi fyrir 2,7 til 4 milljónum ára. En beinagrindin úr henni var sett saman úr tveimur pörtum sem fundust með 1 1/2 kílómetra millibili.

Síðar var hún rannsökuð betur, þá kom í ljós að þetta var bara beinagrind úr apa.

það eru vídeó þættir hérna fyrir neðan um þetta efni:  

Dr. David Menton: Lucy--She's No Lady -- Clip  og  Dr. David Menton - Lucy she's no lady.

 

 

10. Steingervingar. Steingervingar af sjávar lífverum hafa fundist yfir alla Jörðina, í öllum löndum og uppi á hæstu fjöllum. En Biblían segir frá því að Guð hafa látið koma flóð sem náði yfir alla Jörðina, upp á hæstu fjöll, á dögum Nóa. Það má nefna að flestir steingervingar sem hafa fundist á liðnum 150 árum hafa fundist á lífi í dag, sjávar lífverur og landdýr fyrir utan útdauð dýr.

Það er vídeó þáttur á YouTube um þetta efni,

Það eru vídeó þættir hérna fyrir neðan um þetta efni: 

living fossils - dr. Carl werner, part 1 of 2 origins  og  Fossil Man - Dr. Don Patton.  

 

                                                                                                 

11. Jörðin. Jörðin hægir á sér, það er ekki mikið, en það er nóg til þess að ef við förum nokkur milljón ár aftur í tímann þá hefði Jörðin snúist hraðar, það hratt að hún hefði þeytt öllu frá sér út í geyminn þá hefði ekkert líf þrifist á Jörðinni. En þróunarkenningin á að hafa náð 3500 - 4000 milljón ár aftur í tímann.

Tunglið. Tunglið færist smátt og smátt frá Jörðinni, það er aðeins um 3 1/2 sm. á ári, en það er nógu mikið til þess að ef við förum 1 1/2 milljón ára aftur í tímann, þá hefði tunglið snert jörðina. En þróunarkenningin á að hafa náð 3500 - 4000 milljón ár aftur í tímann.

Sólin. Sólin minnkar um 5 fet á klukkutíma. Það er ekki mikið fyrir svo stóra stjörnu sem er um1.392.000 km (um 109 sinnum þvermál Jarðarinnar). En ef við förum 20 milljón ára aftur í tímann þá hefði Sólin verið svo mikill massi að hún hefði snert Jörðina.

En hvað haldið þið? þróunarkenningin á að hafa náð 3500 - 4000 milljón ár aftur í tímann.

það eru vídeó þættir hérna fyrir neðan um þetta efni: 

Our Created Solar System  og  Our Created Universe.

 

 Spurning ?" Ef til vill gleymist að hafa þessi 3 ofangreindu atriði með í útreikningum í sambandi við Þróunarkenninguna, en fyrstu bakteríurnar áttu að hafa myndast fyrir um 4000 milljónum ára, sem áttu síðan að hafa þróast í frumstæðar sjávar lífverur síðan í lindýr og fiska sem áttu síðan að hafa gengið á land og breyst í skriðdýr, síðan í önnur dýr, apamenn og síðan í menn.

12. Ernst Haeckel (1834-1919) var áhrifamikill þýskur vísindamaður. Árið 1866 birti hann kenningu um fósturvísa þar sem hann hélt því fram að fósturvísar dýra og manna væru nánast eins á frumstigum þeirra. Hugsunin á bakvið þessa kenningu var sú að fyrstu bakteríurnar og einfrumungar hefðu verið nánast eins fyrir 3500 - 4000 miljónum ára og fósturvísar dýra og manna hefðu haldist eins fram á daginn í dag. Þetta hljómaði vel í eyrum þeirra manna sem héldu því fram að allt líf hefði þróast frá bakteríum sem áttu síðan að hafa þróast í frumstæðar sjávar lífverur, síðan í fiska sem áttu síðan að hafa gengið á land og breyst í skriðdýr, síðan í önnur dýr, apamenn og síðan í menn. Gallinn við þessa kenningu Ernst Haeckel var að hann laug, hann falsaði þessar teikningar sem hann birti árið 1874. Það er óskiljanlegt að þessi kenning hans er enn í dag skólabókum.

það er vídeó þáttur hérna fyrir neðan um þetta efni:  Ernst Haeckel: 'An Embryonic Liar'  

Ég sýni hérna að neðan skýringarmyndir frá honum af fósturvísum sem hann teiknaði.

Til vinstri er upprunaleg skýringarmynd Haeckel og til hægri efst er skýringarmynd Haeckels

Til hægri eru myndir af fóstrum nokkura dýrategunda og mannsfóstri eins og þau raunverulega líta út.

Margir hafa spurt sig þeirar spurningar ef að Guð er til sem stjórnar öllu, af hverju er þá svona mikil illska á Jörðinni, þar sem stríð eru, þar sem þeir venjulega verða undir sem minna mega sín börn og konur, þar sem milljónir deyja í stríðsátökum sjúkdómum drepsóttum og hungri. 

Biblían segir frá því þegar Guð skapaði Jörðina í upphafi þá hafi allt verið fullkomið á Jörðinni, engin illska hafi verið, engin stríð, sjúkdómar, drepsóttir eða hungur. Biblían segir frá því að höggormurinn, sem var satan, hafi fellt Jörðina þegar hann freistaði Evu og ginnti hana til þess að borða af skilningstré góðs og ills og hún gaf manni sínum að borða með sér, og að Guð hafi bannað henni að taka af því og borða, ella mundi hún deyja. Eftir að þau borðuðu af skilningstré góðs og ills þá höfðu þau skin góðs og ills.

Biblían segir frá því að Guð bölvaði Jörðinni út af því sem þau gerðu, og satan fékk yfirráð yfir Jörðinni, og illska hans komst að þar sem stríð, sjúkdómar, drepsóttir og hungur komust að,

Biblían segir frá því að satan komi til þess að stela slátra og eyða lífi hvers mans.

Biblían segir frá því að Jesús kom í heiminn til þess að frelsa fólk undan yfiráðum satans í lífi hvers mans.

Þess vegna dó Jesú á krossi fyrir þig svo að þú megir öðlast frið í hjartað, svo að hann geti verið með þér á góðum stundum og slæmum, svo að hann geti leitt þig í gegnum erfiðleika og gefið þér eilíft líf með honum á himnum.

Spurning?" Villtu trúa því að lífið á Jörðinni hafi þróast og að maður lifi þessu lífi og deyi og verði grafinn og líf hvers og eins mans endi þá.

Eða villtu trúa því að Guð sá er Biblían talar um hafi skapað allt, Jörðina, himingeiminn og mannfólkið, að maður deyi og verði grafinn, og fari þá til himinsins þar sem Guð ríkir og maður verði með honum um eilífð ef maður hefur tekið við Jesú sem frelsara sínum.                                                

13. Hvað með fegurð, er það eitthvað sem Guð skapaði ? Eða hefur hugtakið fegurð þróast með manninum í milljónir ára ? Hér fyrir neðan er mynd af landslagi með fjöllum, trjám, firði, og í forgrunninum eru allskonar tegundir af blómum. Er þetta skapað af elskandi umhyggjusömum Guði Biblíunnar ? Eða hafa þessi fjöll, fjörður, tré og blóm á þessari mynd orðið til á milljónum ára ? Ég bið þá sem lesa þennan texta, að hugsa málið.

Það er síða á internetinnu um fegurð hérna fyrir neðan:  Friday sunset.

fridaysunset.net/creation/beauty.html

Kannski léstu ferma þig og fórst með Trúarjátninguna og ef tilvill hefurðu gleymt því sem þú lofaðir, að fylgja Jesú Kristi og gera hann að leiðtoga lífs þíns.

Ef svo er farðu þá með Trúarjátninguna Upphátt eða í hljóði. 

TRÚARJÁTNINGIN

Ég trúi á Guð föður, almáttugan skapara himins og jarðar. Ég trúi á Jesú Krist, hans einkason, Drottin vorn, sem getinn er af heilögum anda, fæddur af Maríu mey, píndur á dögum Pontíusar Pílatusar, krossfestur, dáinn og grafinn, steig niður til heljar, reis á þriðja degi aftur upp frá dauðum, steig upp til himna, situr við hægri hönd Guðs föður almáttugs, og mun þaðan koma, að dæma lifendur og dauða. Ég trúi á heilagan anda, heilaga almenna kirkju, samfélag heilagra, fyrirgefningu syndanna, upprisu mannsins og eilíft líf, amen.

Biddu síðan Jesús að fyrirgefa þér það sem þú hefur ranglega gert (syndirnar), því að Biblían segir að allir menn hafi syndgað og skorti Guð dýrð.

Lestu Biblíuna og byrjaðu á Jóhannesar Guðspjalli síðan Postulasögunni og gakktu á Guðs vegum.

 

Háttvirtur Fjármála- og Efnahagsráðherra sýnir ábyrgð í fjársýslu ríkisins.

Í frétt á Mbl. is er greint frá að Fjármálar-og Efnahagsráðherra, Bjarni Benediktsson geri ráð fyrir að sett verði 45% skuldaþak á skuldir ríkisins sem hluti af vergri landsframleiðslu.  En við núverandi aðstæður er skuldahlutfall ríkisins um tveir þriðju af landsframleiðslu.

Þarna er Bjarni Benediktsson að sýna fyrirhyggju og ábyrgð í fjármálum ríkisins, eins og honum einum er lagið.  Það er gott að gæta hófs þegar ákvarðanir eru teknar um fjárveitingar til ýmissa mála.  Vert er að hyggja að fjárhagslegum stöðugleika og skuldastöðu ríkissjóðs þegar fjárveitingar eru ákveðnar til ýmissa málaflokka og ekki síst einstakra hópa launþega.  Nýverið voru gerðir launasamningar á almennum vinnumarkaði.  Einkenndist samningavinnan af vilja bæði launþega og atvinnurekanda að skapa stöðugleika í landinu.  án efa hefði hækkun launa mátt vera meiri, ekki veitir af því fyrir skuldug heimili en þessar launahækkanir voru skref í rétta átt. 

Ég vil hvetja hlutaðeigandi aðila sem krefjast vilja mun hærri launahækkunar en sem fólk á almennum vinnumarkaði hlaut, að gæta hófs í launakröfum sínum.  Sú 10% launahækkun sem ríkið hefur boðið framhaldskóla kennurum ætti að samþykkja af samtökum framhaldskólakennara.  Miklar hækkanir einnar stéttar geta eins og kunnugt er sett af stað skriðu launadeilna hjá öðrum stéttum með aðgerðum eins og verkföllum.  Það er ekki rétt að núverandi ríkisstjórn þurfi allt í einu snemma á ríkisstjórnartíma sínum að hífa laun viðkomandi launafólks upp í það sem tíðkast hjá einka reknum fyrirtækjum. 

Fólk á almennum vinnumarkaði samþykkti með nýjustu samningum 2,8-5% launahækkun.  Grunnlaun verkafólks eru í mörgum tilvikum 230-240 þúsund á mánuði.  Verkafólk á ekki rétt á að vinnuafl þess sé álitið eitthvað minna mikilvægt en verkmennta- og háskólamenntaðs fólks.  Vinna þeirra er oft á tíðum erfið og lýjandi og vinnudagur langur.  Það er fáránlegt þegar talað er um að menntun sé eins og grunnskilyrði fyrir góðum lífskjörum í landinu.  Lág laun verkafólks er ekki vegna lélegrar menntunar þess fólks sem vinnur verkamannavinnu heldur lítilsvirðing og vanvirðing atvinnurekanda við verkafólk þar sem það er álitið á lægri stalli en aðrar stéttir. 

Kær kveðja.

Sett verði 45% skuldaþak

Samstöðu er þörf á Alþingi til að ljúka megi málum á tilsettum tíma

Það er ljóst að nokkuð miklar annir verða á Alþingi á næstunni, þar sem mörg mál bíða enn afgreiðslu.  En engir þingfundir eru dymbilviku, eða um páskana og framundan eru sveitarstjórnarkosningar í vor.  Í útvarpsþættinum Sprengisandi á Bylgjunni kom fram að frestur til að leggja ný mál fram, rennur út á morgun.  Einar K. Guðfinnsson, forseti Alþingis sagði í þættinum að hann telji að mál sem boðuð hafa verið muni ekki verða lögð fram fyrir tilskilinn frest.  muni það koma í ljós hvort samstaða verði til að taka þessi mál fyrir og afgreiða þau.  hann telji engu að síður að hægt sé að ljúka þinginu með skikkanlegum hætti og þá án þess að halda þurfi sumarþing.

Það hafa sjaldan verið eins mörg stór mál sem eru á stefnuskrá núverandi ríkisstjórnar í samanburði  við fyrri stjórnir Íslenska lýðveldisins.  Stórfelld skuldaniðurfærsla er í þann mund að eiga sér stað á næstu misserum.  Aðgerðir sem eru með þeim stærri sem farið hefur verið í, í Íslenskri stjórnmálasögu.  Sumir meta lítils þessar aðgerð ríkisstjórnarinnar, segja að þær nái ekki til þeirra sem eru með íbúð í félagslega kerfinu.  Tel ég að ekki sé loku fyrir það skotið að ríkisstjórnin komi til móts við þennan hóp fólks því að í fréttatíma einnar sjónvarpsstöðvarinnar eitt kvöldið var viðtal við Bjarna Benediktsson fjármálaráðherra þar sem hann tjáði sig á þá leið að sértækar aðgerðir eins og þessi væri í verkahring félagsmálaráðuneytisins að leysa úr.  Var þá Eygló Harðardóttir Félags og Húsnæðismálaráðherra innt svara varðandi þetta málefni.  Svaraði hún því til að þetta mál myndi verða skoðað. Þær aðgerðir ríkisstjórnarinnar um almenna niðurfærslu höfuðstóls húsnæðislána er eitthvað sem koma mun sér vel fyrir skulduga húsnæðiseigendur og gott væri ef hægt yrði að koma einnig til móts við fólk í félagslega kerfinu.

Það hefur verið mikil umræða um ýmis stór mál á Alþingi eins og afturköllun ESB umræðnanna og mikill tími fór í umræður um þingstörf.  Slíkt tók mikinn tíma frá umræðu um önnur mikilvæg mál.  Mörg mál bíða enn og vona ég að almenn samstaða skapist um það á Alþingi að koma þeim málum í gegn og ljúka þeim á tilsettum tíma.  Vil ég hvetja fólk til að sýna hinni nýju ríkisstjórn þolinmæði varðandi mál sem hún hyggst koma í gegn fólkinu í landinu til hagsbóta. Ríkisstjórnin er að vinna að hagsbótum fyrir almenning í landinu.  Kaupmáttur launa fer hægt vaxandi og efnahagur ríkisins er á uppleið.

Kær kveðja.

Viðbúið að annir verði miklar

Gleðiefni að loforð ríkisstjórnarinnar um skuldaniðurfærslu sé brátt í höfn.

Það hefur verið ofarlega á baugi í fréttum í dag að ríkisstjórnin muni brátt hrinda í framkvæmd loforðum sínum varðandi niðurfærslu höfuðstóls og heimild til að verja séreignarsparnaði til enn frekari niðurgreiðslu lána.  Sigmundur Davíð Gunnlaugson, forsætisráðherra sagði á samtali við mbl.is eftir blaðamannafund í dag um aðgerðir ríkisstjórnarinnar í málum skuldugra heimila:  "Kosningaloforð sem var kallað stærsta kosningaloforð Íslandssögunnar.  Ætli við köllum þetta ekki stærstu efndir Íslandssögunnar," 

Mig langar til að segja að ég er ákaflega ánægður með þá Sigmund Davíð og Bjarna Benediktsson.  Þeir hafa náð að sætta ólík sjónarmið flokka sinna varðandi nálgun á þessu vandamáli, sem er skuldavandi heimilanna.  Þeir, formenn ríkisstjórnarflokkana hafa náð góðri samstöðu í þessu máli og samvinnu, og hafa þeir tvinnað listavel saman ólíkar áherslur flokka sinna í þessu máli.

Ég verð að segja að ég aðhylltist stefnu Sjálfstæðisflokksins í þessum málum lengi vel í kosningabaráttunni og í upphafi ríkisstjórnarsamstarfs hinnar nýju ríkisstjórnar.  Fannst mér stefna Sjálfstæðisflokksins vera varkárari og ábyrgari en sú stefna sem Framsóknarflokkurinn boðaði í kosningaherferð sinni.  En fljótt sá ég þó að efndir myndu fylgja orðum hjá háttvirtum forsætisráðherra og formanni Framsóknarflokksins, þegar ég sá stefnufestu hans og áræði hans í þessu máli.  Það má segja að ég leiki við hvern minn fingur, núna þegar frumvarp ríkisstjórnarinnar um aðgerðir til skuldugra húsnæðiseigenda er að líta dagsins ljós.  Enda er ég sjálfur íbúðaeigandi með áhvílandi lán á raðhús íbúð minni, eins og svo margir aðrir.  Þessar aðgerðir munu skila íbúðareigendum sem hafa lán á íbúðum sínum, verulegri kaupmáttaraukningu. 

Það er ekki satt sem haldið er fram af sumum sem mótfallnir eru ríkisstjórninni, að Framsóknarflokkurinn hafi lofað í kosningabaráttu sinni að aðgerðir til handa skuldugum húsnæðiskaupendum mundi nema 300 milljarðum króna.  Sigmundur Davíð lofaði aldrei að aðgerðir þessar yrðu ígildi 300 milljarða króna.  Slíkt er alger misskilningur og rangminni hlutaðeigandi aðila.

Kær kveðja.

 

„Stærstu efndir Íslandssögunnar“

Nokkur atriði sem styðja við Biblíulega sköpun

 Mig langar til að birta hérna hluta úr grein sem vinur minn setti saman um Biblílega sköpun og sendi mér.  Mér fannst þetta svo merkileg grein að mér fannst ég eiga að leiða þetta fyrir sjónir sem flestra, því þetta er mikill sannleikur sem vert er að komi fyrir augu fólks.  Kennsla um sköpun jarðar öðru nafni "þróun" er of einhliða kennd í skólum og fræðibókum á Íslandi.  Er því haldið fram að um sé að ræða nánast fullsannaða kenningu og ekkert er mynnst á atriði sem styðja Biblíulega sköpun.  Hérna er greinin lítillega endursögð.  Greinin var miklu lengri en hún hafði líka að geyma ýmsar staðreyndir um sannleiksgildi Biblíunnar.  Þótti mér það of langt mál að birta það allt hér.  En það væri gott efni til að birta síðar.                                                                                 

 1. Milliliðir eða Týndir hlekkir. Ekki hefur fundist einn einasti, milli liður milli manna og dýra eða á milli dýra, sem áttu að sanna þróunarkenningu Charles Darwins um uppruna tegundanna í þau 150 ár sem grafnir hafa verið upp steingervingar.  Svo að þetta eru þá sannkallaðir tíndir hlekkir. Hvers vegna eru þessir týndu hlekkir, milliliðir, þá í kennslubókum þar sem þróunarkenningin er kennd sem staðreynd ?" Charles Darwin skrifaði í bók sinni: Uppruni tegundanna að ef að það fyndist ekki neinir milliliðir milli manna og dýra eða á milli dýra þá væri kenning hans fallinn.  

það er vídeó þáttur hérna fyrir neðan um þetta efni: 

There are no Missing Links! - Kent Hovind.

 

2. Apamenn. Þessir svo kölluðu apamenn sem fundist hafa  voru annað hvort veikt fólk, sumir með hryggskekkju eða þá að falsaðar voru beinagrindur, settar saman jafnvel úr tveimur beinagrindum, Gott dæmi um þetta er Lucy sem átti að hafa verið með blendingseinkenni apa og manna, af tegund apa er kölluðust "Sunnapar", þeir áttu að hafa veri uppi fyrir 2,7 til 4 milljónum ára. En beinagrindinn úr henni var sett saman úr tveimur pörtum sem fundust með 1 1/2 kílómetra millibili.

Síðar var hún rannsökuð betur þá kom í ljós að þetta var bara beinagrind úr apa.

 það eru vídeó þættir hérna fyrir neðan um þetta efni:  

Dr. David Menton: Lucy--She's No Lady -- Clip, 

Dr. David Menton - Lucy she's no lady.

 

 

 

  

3. Steingervingar. Steingervingar af sjávar- lífverum hafa fundist um alla Jörðinna í öllum Löndum uppi á hæstu fjöllum. En Biblían segir frá því að Guð hafa látið koma flóð, sem náði yfir alla Jörðinna, upp á hæstu fjöll á dögum Nóa. En það má nefna að flestir steingervingar sem hafa fundist á liðnum 150 árum hafa fundist á lífi í dag, sjávar- lífverur og landdýr fyrir utan útdauð dýr. 

það eru vídeó þættir hérna fyrir neðan um þetta efni: 

living fossils - dr. Carl werner, part 1 of 2 origins, 

Fossil Man - Dr. Don Patton.  

 

 

 

 

4. Jörðin. Jörðin hægir á sér.  Það er ekki mikið en það er nógu mikið til að ef við förum nokkur milljón ár aftur í tímann þá hefði Jörðin snúist hraðar, það hratt að hún hefði þeytt öllu frá sér út í geiminn - þá hefði ekkert líf þrifist á Jörðinni. En þróunarkenningin á að hafa náð 3500 - 4000 milljón ár aftur í tímann.

Tunglið. Tunglið færist smátt og smátt frá Jörðinni, það er aðeins um 3 1/2 sm á ári, en það er nógu mikið að ef við förum 1 1/2 milljón ára aftur í tímann, þá hefði tunglið snert jörðinna. En þróunarkenningin á að hafa náð 3500 - 4000 milljón ár aftur í tímann.

Sólin. Sólin minnkar um 5 fet á klukkutíma það er ekki mikið fyrir svo stóra stjörnu sem er um1.392.000 km (um 109 sinnum þvermál Jarðarinnar). En ef við förum 20 milljón ára aftur í tímann þá hefði Sólin verið svo mikill massi að hún hefði snert Jörðinna.

En hvað haldið þið, þróunarkenningin á að hafa náð 3500 - 4000 milljón ár aftur í tímann.

 það eru vídeó þættir hérna fyrir neðan um þetta efni: 

Our Created Solar System, 

Our Created Universe.

 

Spurning ?" kannski gleymist að hafa þessi 3 ofangreindu atriði með í útreikningum í sambandi við Þróunarkenninguna, en fyrstu bakteríurnar áttu að hafa myndast fyrir um 4000 milljónum ára,sem áttu síðan að hafa þróast í frumstæðar sjávar- lífverur.  Síðan í lindýr og fiska sem áttu síðan að hafa gengið á land og breyst í skriðdýr, og eftir það í önnur dýr, apamenn og síðan í menn.

 5. Ernst Haeckel (1834-1919) var áhrifamikill Þýskur vísindamaður. Árið 1866 birti hann kenningu um fósturvísa þar sem hann hélt því fram að fósturvísar dýra og manna væru nánast eins á frumstigum þeirra. Hugsunin á bak við þessa kenningu var sú að fyrstu bakteríurnar og einfrumungar hefðu verið nánast eins fyrir 3500 - 4000 miljónum ára og fósturvísar dýra og manna hefðu haldist eins fram á dagin í dag. Þetta hljómaði vel í eyru þeirra manna sem héldu því fram að allt líf hefði þróast frá bakteríum sem áttu síðan að hafa þróast í frumstæðar sjávar lífverur, síðan í fiska sem áttu síðan að hafa gengið á land og breyst í skriðdýr síðan í önnur dýr, apamenn og síðan í menn. Gallin við þessa kenningu Ernst Haeckel var að hann laug, hann falsaði þessar teikningar sem hann birti árið 1874.  Það er óskiljanlegt að þessi kenning hans er ennþá í skólabókum í dag.

það er vídeó þáttur hérna fyrir neðan um þetta efni:

Ernst Haeckel: 'An Embryonic Liar' 

Ég sýni hérna að neðan skýringarmyndir frá honum af fósturvísum sem hann teiknaði.

Efri myndin er upprunaleg skýringarmynd Haeckel og neðri myndin, efri hluti myndarinnar er skýringarmynd Haeckels

Neðri myndin, neðri hluti myndarinnar, eru myndir af fóstrum nokkura dýrategunda og mannsfóstri eins og þau raunverulega líta út.

Margir hafa spurt sig þeirar spurningar ef að Guð er til sem stjórnar öllu, af hverju er þá svona mikil illska á Jörðinni, þar sem stríð eru, þar sem þeir venjulega verða undir sem minna mega sín börn og konur, þar sem milljónir deyja í stríðsátökum sjúkdómum drepsóttum og hungri.

Biblían segir frá því þegar Guð skapaði Jörðina í upphafi, þá hafi allt verið fullkomið á Jörðinni engin illska hafi verið, engin stríð sjúkdómar drepsóttir eða hungur. Biblían segir frá því að höggormurinn sem var Satan hafi fellt Jörðina þegar hann freistaði Evu og ginnti hana til þess að borða af skilningstré góðs og ills, og hún gaf manni sínum að borða með sér, og að Guð hafi bannað henni að taka af því og borða ella mundi hún deyja. Eftir að eftir að þau borðuðu af skilningstré góðs og ills þá höfðu þau skin góðs og ills.

Biblían segir frá því að Guð bölvaði Jörðinni út af því sem þau gerðu, og Satan fékk yfirráð yfir Jörðinni, og illska hans komst að þar sem stríð sjúkdómar drepsóttir og hungur komst að,

Biblían segir frá því að satan komi til þess að stela slátra og eyða lífi hvers manns.

Biblían segir frá því að Jesús kom í heiminn til þess að frelsa fólk undan yfiráðum Satans í lífi hvers manns.

Þess vegna dó Jesú á krossi fyrir þig svo að þú megir öðlast frið í hjartað, svo að hann geti verið með þér á góðum stundum og slæmum, svo að hann geti leit þig í gegnum erfiðleika og gefið þér eilíft líf með honum á himnum.

Spurning?" Villtu trúa því að lífið á Jörðinni hafi þróast og að maður lifi þessu lífi og deyi svo og verði grafinn, og líf hvers og eins manns endi þá.

Eða villtu trúa því að Guð sá er Biblían talar um hafi skapað allt, Jörðinna himingeiminn og mannfólkið og að maður deyi og verði grafinn, og fari þá til himinsins þar sem Guð ríkir og maður verði með honum um eilífð ef að maður hefur tekið við Jesú sem frelsara sínum.           

6. Hvað með fegurð, er það eitthvað sem að Guð skapaði ? Eða hefur hugtakið fegurð þróast með manninum í milljónir ára ? Hér fyrir neðan er mynd af landslagi með fjöllum, trjám, fyrði, og í forgrunninum eru allskonar tegundir af blómum. Er þetta skapað af elskandi umhyggjusömum Guði Biblíunnar ? Eða hafa þessi fjöll fjörður tré og blóm á þessari mynd orðið til á milljónum ára ? Ég bið þá sem lesa þennan texta, að hugsa málið.

Það er síða á internetinnu um fegurð hérna fyrir neðan: 

Friday sunset.

fridaysunset.net/creation/beauty.html

Kannski léstu ferma þig og fórst með Trúarjátninguna og ef til vill hefurðu gleymt því sem þú lofaðir að fylgja Jesú Kristi og gera hann að leiðtoga lífs þíns.

Ef svo er farðu þá með Trúarjátninguna Upphátt eða í hljóði.

                                                                                                      TRÚARJÁTNINGIN

Ég trúi á Guð föður, almáttugan skapara himins og jarðar. Ég trúi á Jesú Krist, hans einkason, Drottin vorn, sem getinn er af heilögum anda, fæddur af Maríu mey, píndur á dögum Pontíusar Pílatusar, krossfestur, dáinn og grafinn, steig niður til heljar, reis á þriðja degi aftur upp frá dauðum, steig upp til himna, situr við hægri hönd Guðs föður almáttugs, og mun þaðan koma, að dæma lifendur og dauða. Ég trúi á heilagan anda, heilaga almenna kirkju, samfélag heilagra, fyrirgefningu syndanna, upprisu mannsins og eilíft líf, amen.

Biddu síðan Jesús að fyrirgefa þér það sem þú hefur ranglega gert (syndirnar), því að Biblían segir að allir menn hafi syndgað og skorti Guð dýrð

Kveðja Steindór.

 

Hefði ekki verið betra að spyrja þjóðina þegar sótt var um ESB - aðild?

Það hefur verið mjög áberandi í þjóðmálaumræðunni upp á síðkastið, hvort efna eigi til þjóðaratkvæðagreiðslu um áframhaldandi aðildarviðræður við ESB.  Mótmæli hafa verið með stuttu millibili á Austurvelli þar sem ESB aðildarsinnar hafa boðað fólk til þáttöku til að krefjast atkvæðagreiðslu um áframhald viðræðna.  Það sem mér finnst skjóta skökku við er að þessi "pakki" sem fylgjendur aðildar hafa haldið fram að þurfi að opna og líta í er í raun og veru ekki til.  Það eru margir stjórnmálamenn sem eru vel inni í þessu máli, því þeir þekkja málið af eigin raun.  Einn þeirra er Brynjar Níelsson þingmaður Sjálfstæðisflokks, hann skrifar um þetta mál í pistli á bloggsvæði Pressunar.

"Það virðast margir trúa því enn að aðildarviðræður snúist um að "kíkja í pakkann".  Þessi "pakki" er regluverk ESB.  Hann er þekktur og undan honum semur sig enginn.  Aðildarviðræður, snúast í öllum meginatriðum um það hvernig regluverk ESB kemur til framkvæmda og á hvað löngum tíma.  Stjórnmálamenn eiga því að hætta að blekkja almenning í þessu efni.  Það eru engar vöruhillur í stórmarkaði ESB, sem Íslendingar velja úr af handahófi, eftir smekk og þörf.  Við vitum hverjir eru kostir og gallar við aðild að ESB.  Umræðan á að vera um hvert vegur þyngra, kostirnir eða gallarnir.  Og hvort það prinsipp um að vera fullvalda þjóð í eigin landi skipti einhverju máli í því hagsmunamati."

 Ég vil taka undir þessi orð Brynjars og ég vil benda á að skýrsla Hagfræðistofnunar Háskóla Ísland, sýnir ekki sé um að villast að Íslendingar verða að taka upp regluverk ESB óbreitt .  Á bls 25 í viðauka I - umsókn Íslands og stækkunarstefnu ESB stendur:

"Þær breytingar á aðildarferlinu sem urðu með umsókn Mið- og Astur-Evrópuríkjanna hafa sætt gagnrýni.  Með þeim hafi Evrópu-sambandið fengið yfirhöndina í aðildarviðræðum sem sé þróun sem hófst með fyrstu stækkuninni.  Ríkjunum sé ekki eingöngu gert að samþykkja löggjöf sambandsins á fyrstu stigum heldur einnig að laga sig að stefnu sambandsins og hrinda löggjöf þess í framkvæmd fyrir gerð aðildarsamnings og gildistöku hans."

Af þessu ætti ljóst að vera að Evrópusambandið veitir ekki undanþágu frá aðlögunarkröfu sinni sem felur í sér að umsóknarríki tekur upp laga- og regluverk ESB á meðan á aðildarferlinu stendur.  Það hefur margoft verið bent á að undanþágur eru almennt ekki í boði og þær undanþágur sem aðildarríki hafa fengið eru smávægilegar og hafa nánast alltaf átt sér stað áður en Esb breytti umsóknarferli sínu eftir að Mið- og Austur-Evrópuríkin hófu inngöngu í Sambandið.

Ég vil beina þeirri spurningu til þingflokks Samfylkingar og Vinstri Grænna:  Af hverju var þjóðin ekki spurð álits þegar sótt var um aðild að ESB 2009?  Skoðanakannanir á þeim tíma bentu til þess að um 75% þjóðarinnar var á móti aðild þá.  Ég held að svarið við þeirri spurningu sé að ráðherrar Samfylkingar vissu að Íslendingar myndu ekki samþykkja aðildarumsókn ef gengið yrði til kosninga þá.   Ég tel að ástæðan fyrir að ríkisstjórn Jóhönnu Sigurðardóttur, komst ekki lengra í aðildarferlinu er að meirihlutinn á Alþingi var ekki tilbúinn í þá aðlögun sem ESB krafðist.

Eftir síðustu Alþingiskosningar styrktist ESB-andstaðan á alþingi.  Ríkisstjórnarflokkarnir tveir  hafa það skýrt í flokksamþykktum sínum að Íslandi sé best borgið utan ESB.  Þeir sem aðhyllast inngöngu Íslands í ESB halda því fram að hægt sé að  gera hlé á viðræðum og bíða færis að ræsa aðlögunarferlið ef það skyldi eiga sér stað að ESB sinnar næðu meirihluta á alþingi.  Evrópusambandið vill ekki hálfvelgju í þessu máli; annað hvort er ríki umsóknarríki og á leiðinni inn í sambandið, eða ekki.  Ísland getur ekki verið umsóknarríki að ESB, þegar vilji ráðamanna í ríkisstjórn er ekki til staðar né heldur vilji landsmanna til inngöngu í ESB.

Ég vil ljúka þessu spjalli mínu á að vitna í orð Jóns Bjarnasonar, fyrverandi ráðherra Vinstri Grænna sem hann lét falla í baráttufundum sem haldnir voru víða á landinu af Heimssýn, Ísafold - félagi ungs fólks gegn aðild að ESB og Herjan.

"Á fundunum var áberandi einhugur um að staðið yrði við afturköllun umsóknar að ESB." "Það er mjög afdráttarlaus og einlægur vilji hjá fólki að fara ekki í ESB og leika sér að þeim eldi.  Fólk vill ekki framselja fullveldið, þrátt fyrir þúsundir blaðsíðna af skýrslum." "Það er í raun engin önnur heiðarleg leið heldur en að afturkalla umsóknina, hvorki gagnvart þjóðinni né öðrum þjóðum,"

Kær kveðja.

Mótmælt á Austurvelli

Sigmundur Davíð er að koma mörgu góðu til leiðar.

Háttvirtur Þingmaður vinstri Hreifingarinnar Græns Framboðs Bjarkey Gunnarsdóttir, lét þau orð falla um háttvirtan forsætisráðherra, Sigmund Davíð Gunnlaugsson að hann væri "eftirbátur forvera sinna".  Átti hún þá við að hann hafi tekið þátt í færri umræðum utan dagskrár en 2 fyrrverandi forsætisráðherrar gerðu á sama tímabili.  En þær voru 1 samanborið við 4 hjá Fyrrverandi forsætisráðherra Jóhönnu Sigurðardóttur og 9 hjá Geir Harde .  Reyndar kemur fram á frétt á mbl.is sem greinir frá þessu að Sigmundur hafi svarað 46 óundirbúnum fyrirspurnum samanborið við 54 hjá Jóhönnu og 28 hjá Geir Harde fyrrverandi forsætisráðherra.

Ég vil lýsa yfr þeirri skoðun minni að háttvirtur forsætisráðherra Sigmundur Davíð er að koma mörgu góðu í framkvæmd fyrir þjóð sína.  Eins og að undirbúa niðurfærslu höfuðstóls húsnæðislána sem á sér enga hliðsltæðu í íslenskri stjórnmálasögu, slíkt er umfang þessarar aðgerðar með jákvæðum áhrifum á lífskjör fólks.  Sigmundur og ríkisstjórn hans hafa líka í bígerð afnám verðtryggingar og það sem komið hefur fram í fjölmiðlum í dag að stokka eigi upp í húsnæðislánakerfinu og að sögn Háttvirts  félagsmálaráðherra Eygló Harðardóttur fólki verði gert auðveldara að kaupa sér húsnæði. Hagvöxtur hefur eflst á tíma núverandi ríkisstjórnar og vert er að horfa bjartsýn fram á veginn með núverandi ríkisstjórn við stjórnvölinn.  Allt annað á ekki við rök að styðjast, eins og fjaðrafokið vegna slita á aðildarviðræðum við ESB sem er ekki annað en ryk sem aðildarsinnar hafa þyrlað upp til að villa fólki sýn.  ESB aðild hentar ekki hagsmunum Íslands og er það ekki aðeins varðandi meginatvinnuvegina: Sjávarútveg og Landbúnað heldur einnig það sem skapat getur í framtíðinni, samstarf varðandi auknar skipaferðir um norður heimskautssvæðið.  Núverandi ríkisstjórn og háttvirtur forsætisráðherra eru að gera góð hluti fyrir þjóðina að mér finnst.

Enda eru formenn stjórnarflokkanna að fylgja samþykktum þingflokka sinna sem samþykktar voru lögformlega af hundruðum félagsmanna sem ályktuðu um þessi mál og kusu um niðurstöðuna.  Og í síðustu þingkosningum dæmdi þjóðin þingflokkumunum  í vil sem nú eru í stjórn landsins og samþykktu þar stefnumál þeirra.  Eitt þeirra var að aðildarviðræðum skyldi hætt og þeim skyldi ekki haldið áfram aftur nema að undangenginni þjóðaratkvæðagreiðslu.  Í þessari stefnu Stjórnarflokkana fólst alls ekki lokorð um þjóðaratkvæðagreiðslu.  Það er mín skoðun að ráðherrum ríkisstjórnarinnar beri að framfylgja þessari stefnu þingflokka þeirra og eins og öðrum megin- stefnumálum þeirra.

Kær kveðja.

Sigmundur eftirbátur forvera sinna