Gott að fólk í Stjórnstöð Almannavarna kunni gott að meta.

Það er gott að vita að starfsfólk samhæfingarmiðstöðvar Almannavarna kunni gott að meta.  Sigmundur Davíð Gunnlaugsson tjáði sig á Facebooksíðu sinni varðandi heimsókn sína í Stjórnstöð Almannavarna;

„Ég leit við í stjórn­stöðinni í Skóg­ar­hlíð. Þar voru menn ró­leg­ir en við öllu bún­ir. Ekki skemmdi fyr­ir að sjá að fólkið var að borða Hraun og drekka gos."

Íslenska sælgætið er það besta að mínu mati. Hvað er betra en Hraun eða Prins súkkulaði með gosi, Pepsi Max eða Diet Coke. Mér fannst gott að sjá að forsætisráðherra og fjármálaráðherra komu í gær í stjórnstöð almannavarna til þess að kynna sér hvað þar færi fram. Þeir láta sér hag landsmanna sér fyrir brjósti bera. Sigmundur og Bjarni eru að mínu mati réttir menn á réttum stað í ríkisstjórn. 

Þrátt fyrir að töluvert pólitískt moldviðri hafa ríkt í starfstíma núverandi ríkisstjórnar, og sumir bent á eitthvað sem þeim fannst að betur mætti fara þá er ríkisstjórnin að standa sig vel að mínu mati.  Níðurfærsla höfuðstóls íbúðalána er það mesta sem ég hef nokkra ríkisstjórn koma í verk og ég bíð spenntur eftir að sjá hversu mikið það skilar sér í lækkun afborgana á íbúðaláni mínu.  Annað sem má nefna sem er jákvætt eftir að núverandi ríkisstjórn tók við að fjárhagur ríkisins er allur á uppleið og að ekki er lengur rekstrarhalli og atvinnuleysi er að minnka eftir því sem ég best veit.

Borða Hraun og drekka gos

Gott að útvarpsstjóri sá sig um hönd, en best væri að Orð Kvöldsins fengi að vera áfram.

Ég vil lýsa yfir þakklæti mínu að útvarpsstjóri Magnús Geir Þórðarson hafi séð sig um hönd og ekki tekið alfarið af dagskrá þætti sem innihalda bæn og stutta hugvekju hvern morgun.  Þættirnir sem til stóð að leggja niður voru Morgunbæn, Morgunandakt og Orð Kvöldsins.  Útvarðsstjóri ákvað vegna margra óánægjuradda sem komu fram hjá þjónum kirkjunnar og öðru fólki að leggja bæna og hugvekjuþættina ekki niður heldur auka vægi þessara dagskrárliða og eiga þeir að heita; Morgunbæn og Hugvekja.  Það er að sjálfsögðu aðdáunarvert að útvarpsstjóri hafi hlustað á raddir þeirra sem alls ekki vildu missa þessa dagskrárliði, eins og aldraðir, sjúklingar og einstæðingar. 

Skilst mér að áfram eigi að útvarpa messum á sunnudagsmorgnum og sem fyrr ætlar RÚV að bjóða upp á veglega dagskrá um hátíðir sem tengist trúariðkun og bænahaldi landsmanna. Útvarpsstjóri hefur ennfremur ákveðið að hleypa af stokkunum þætti þar sem prest­ar þjóðkirkj­unn­ar, guðfræðing­ar og aðrir flytja hug­leiðing­ar um trú, menn­ingu og sam­fé­lag. Þátt­ur­inn verður á besta út­send­ing­ar­tíma strax eft­ir kvöld­frétt­ir á sunnu­dög­um.

Það eina sem mér finnst vanta upp á er að Orð Kvöldsins fái að vera áfram á dagskrá. Það væri leitt ef þessi þáttur yrði lagður niður því margir hafa vanist á að hafa þessa friðar og helgistund á kvöldin með lestri úr Orði Guðs.  Það eru margur sjúklingurinn eða þeir sem aldraðir eru sem njóta þessa þáttar á kvöldin því þeim er útvarpað í útsendingarkerfum sjúkrahúsa og elliheimila.  Leyfum öldruðum og sjúklingum að ganga til náðar með Orð Guðs í huga.

Kær kveðja.

 

Biskup fagnar ákvörðun útvarpsstjóra

Halda ber áfram útsendingu þessara góðu áratuga gömlu þátta á Rás 1.

Það er leitt til þess að vita að hætta eigi útsendingu Orðs Kvöldsins og Morgunbænar.  Dagskrárstjóri Rásar 1 hefur lýst yfir þeirri ákvörðun sinni að hætta útsendingu þessara þátta sem hafa verið samofin dagskrá RÚV um margra áratuga skeið.  Það eru margir sem munu sakna þessara þátta sárt verði þeim hætt, þar á meðal aldraðir og sjúklingar sem hlusta á þessa þætti í hlustunarkerfum spítala og elliheimila.  Samkvæmt könnun á vef Útvarps Sögu eru tæpl. 88% ósammála ákvörðun dagskrárstjóra um að leggja niður þessa þætti, en um 10,4% sammála.  Dagskrárstjóri ætti að leggja það undir álit almennings hvort hætta eigi útsendingu þessara þátta, en ekki láta eigin geðþáttaákvörðun ráða för.  Kristin trú hefur verið samofin menningu þjóðarinnar um aldaraðir og hefur fært mörgum manninum styrk til að takast á við málefni líðandi dags og visku til að haga lífi sínu á þann hátt að það sé til sóma og eftirbreytni og komið sé vel fram við náungann.  

"Því að náð Guðs hefur opinberast til sáluhjálpar öllum mönnum.  Hún kennir oss að afneita óguðleik og veraldlegum girndum og lifa hóglátlega, réttvíslega og guðrækilega í heimi þessum, í eftirvæntingu vorrar sælu vonar, að hinn mikli Guð og frelsari vor Jesús Kristur opinberist í dýrð sinni.
Hann gaf sjálfan sig fyrir oss, til þess að hann leysti oss frá öllu ranglæti og hreinsaði sjálfum sér til handa eignarlýð, kostgæfinn til góðra verka."  Títusarbréf 4:11-14

Ég vil hvetja útvarpstjóra til að halda útsendingu þessara mannbætandi og trúarstyrkjandi þáttum áfram.

Kær kveðja.

 

 

Rúmlega 3.200 vilja Morgunbæn áfram

Kristin trú ætti að vera í hávegum höfð í Ríkisútvarpi allra landsmanna.

Um áratugaskeið hafa þættirnir Orð Kvöldsins, Morgunbæn og Morgunandakt haft sinn fasta sess í dagskrá Rásar 1.  En þar hefur Guðs orð fengið að hljóma ásamt bæn sem færir þeim sem á það hlusta styrk og uppörvun.  Nýverið hefur dagsrárstjóri Rásar 1 Þröstur Helgason lýst yfir þeirri ákvörðun sinni að leggja þessa 3 dagskráliði niður alfarið og útvarpa í þess stað þátt sem á að fjalla um hin ýmsu trúarbrögð.  Það er mikil hneysa að leggja eigi þessa dagskráliði niður því þessir þættir taka aðeins nokkrar mínútur i útsendingu og það er viss hópur fólks sem hlustar á þessa þætti eins og aldraðir og einstæðir og þessum þáttum er útvarpað í útsendingarkerfi sjúkrahúsa.  Kristinni trú og gildum ber að sýna tilhlýðlega virðingu í þessum ríkisrekna fjölmiðli landsins sem kallaður er útvarp allra landsmanna.   Löggjöf landsins ásamt grunnsiðferðisgildi þjóðarinnar eru byggð á Kristnum gildum og meirihluti landsmanna tilheyrir Kirstinni kirkju.  Því ætti ekki að sópa kristinni trú eins og undir teppið í Ríkisútvarpi þjóðarinnar.  Kristin trú er trú á almáttugan Guð, skapara himins og jarðar og son hans Jesúm Krist sem gaf líf sitt fyrir okkur svo við mættum í trúnni á hann öðlast eilíft líf.  Við eigum ekki að blygðast okkar fyrir Kristna trú.  Ég hvet dagsrárstjóra Rásar 1 til að eindurskoða þessa ákvörðun sína.

Vilja hafa hin kristnu gildi í heiðri

Ekki er gott að Ríkisstjórnin fríhjóli í ESB málinu.

Yfirlýsingar Jean-Clau­de Junckers, verðandi for­seta fram­kvæmda­stjórn­ar ESB, um fimm ára hlé á stækk­un ESB hefur vakið upp margar spurningar hjá landsmönnum.  Hvað mun ríkisstjórnin gera varðandi aðildarumsókn Íslands að ESB og verður tillaga að slitum aðildarviðræðna við ESB lögð fram á komandi Haustþingi.  Háttvirtur Utanríkisráðherra, Gunnar Bragi Sveinsson tjáði sig í kjölfar ummæla Junkers;  „Menn þurfa að meta hvort það sé ein­hver þörf á að flytja slíka til­lögu, hvort þetta út­spil Junckers sé það svar sem við þurft­um. Sé tal­in þörf á því að leggja til­lög­una fyr­ir þingið er ég í sjálfu sér til­bú­inn að gera það."

Varðandi ummæli Gunnars Braga vil ég segja þetta; er nokkur spurning um hvort flytja eigi fram tillöguna að viðræðuslitunum á næsta haustþingi?  Mér finnst ríkisstjórnin hafi látið draga sig til og frá í máli því er snertir fyrirhugaða ákvörðun að slíta aðildarviðræðunum, þar sem hlustað hafi verið um of á úrtöluraddir og upphrópandir úr hópi ESB- aðildarsinna.  Gunnar sagði að meta þurfi hvort þörf sé á að  flytja tillöguna að viðræðuslitum.  Mér er spurn hvað veldur því að utanríkisráðherra er  tvístígandi í þessu máli. Er hann hræddur við mótmæli aðildarsinna og sumra ESB sinnaðra fjölmiðla?  Eða sér hann ekki mikilvægi þess að best sé fyrir land og þjóð að Ísland sé ekki lengur umsóknarríki að ESB?  Þar sem fréttir hafa borist af auknum erfiðleikum í Evrusamstarfinu og viðvarandi atvinnuleysi hefur lengi verið vandamál í mörgum Evruríkjunum.  Er ríkisstjórnin ef til vill að gæla við þá hugmynd að best sé að fresta viðræðuslitum um óákveðinn tíma, jafnvel þangað til kjörtímabil hennar er á enda ?  Það er ekki gott að Ísland hafi stöðu aðildarríkis, þar sem það að mínu mati setur Ísland í óvissu varðandi samninga við önnur lönd og heimsálfur og getur snert gerð fiskveiðisamninga.

Ég vil segja að það kann ekki góðri lukku að stýra að fríhjóla í þessu máli.  Að Ríkisstjórnin láti dragast að taka afstöðu um hvort aðildarviðræðunum verði slitið.   Það er ekki gott að fríhjóla lengi í málum sem þessum sem snerta svo mjög hag þjóðarinnar, sem er sjálfstæði og afkoma undirstöðuatvinnuvega landsins.  Því þá geta veður og vindar borið menn af leið.

Háttvirt Ríkisstjórn; látið ekki áróður og ummæli ESB- sinna hræða ykkur frá því að taka rétta ákvörðun í ESB málinu.  Slítum ESB viðræðum strax á næsta haustþingi.

Afturköllun til skoðunar

Slit aðildarviðræðna mundi auka álit þorra landsmanna á Ríkisstjórninni.

Oft er því haldið fram af fylgjendum ESB umsóknar að Ríkisstjórninni beri að efna til þjóðaratkvæðagreiðslu um áframhald aðildarviðræðna við ESB.  Undir það tekur Styrmir Gunnarsson fyrrverandi ritstjóri Morgunblaðsins á vef sínum Evrópivaktin.  Þar lætur hann þau ummæli falla um Ríkisstjórnina að hann spái henni fylgishruni í Þingkosningunum 2017 ef ekki verður stefnt til þjóðaratkvæðagreiðslu um afstöðu landsmanna til ESB.  Líkti hann málinu við tap Brasilíska knattspyrnuliðsins á HM við hugsanlegt fylgishrun ríkisstjórnarinnar, þar sem Brasilíska liðið gjörtapaði fyrir þjóðverjum 1:7.  Það er ekkert nýtt að þeir sem hugsa sér vel til glóðarinnar varðandi hugsanlega ESB aðild reyni að gera ríkisstjórnina tortryggilega með ýmsum aðferðum.  Er látið í veðri vaka að rRkisstjórninni beri að stofna til fyrrgreindrar atkvæðagreiðslu og að landsmenn verði að fá að segja hug sinn varðandi áframhald ESB viðræðna. 

Ég vil benda á að Ríkisstjórnarflokkarnir hafa það á stefnuskrá sinni að ESB aðild henti ekki Íslenskri þjóð.  og að í Stjórnarsáttmálanum segir eitthvað á þessa leið; að ekki ekki verði gengið lengra í aðildarviðræðum við ESB nema að undangenginni þjóðaratkvæðagreiðslu.  Það er ekkert fyrirheit þarna um þjóðaratkvæðagreiðslu.  Það má vera að einhverjir sem tjáðu sig fyrir hönd Stjórnarflokkana í aðdragandi síðustu Alþingiskosninga hafi látið einhver orð falla um hugsanlega atkvæðagreiðslu varðandi ESB aðildarviðræður á kjörtímabilinu.  En slík ummæli eru persónulegar skoðanir viðkomandi stjórnmálamanna og endurspegla að mínu mati á engan hátt yfirlýsta stefnu flokks þeirra.  Má segja að þetta hafi verið vanhugsað af viðkomandi að láta þessi ummæli falla.

Á hinn bóginn er tihæfulaust að stofna til þjóðaratkvæðis um mál sem byrjað var á í óþökk þjóðar, með raunverulega einn flokk að baki, það er.  Samfylkingin og Vinstir Græn sem eru andsnúin aðild en ákváðu að fylgja með Samfylkingunni inn í Stjórnarsamstarf 2009 og gerast eins og fylgissveinar hennar og hlýða henni í einu og öllu.  En þar á ég við umsókn um aðild Íslands að ESB og aðildarferlið sem átti sér stað í tíð fyrri ríkisstjórnar sem var ranglega kynnt sem aðildarviðræður.  Eins og alþjóð veit þá var ekki stofnað til þjóðaratkvæðagreiðslu um umsókn að aðild þá og siglt var í gegnum þessar viðræður með tilheyrandi lagabreytingum sem ESB krafðist af Íslendingum sem umsóknarríkis, stofnuð var Evrópustofa sem sá um að útbreiða áróðri fyrir ESB aðild, IPA styrkir komu til.  Allt til að liðka fyrir aðild og til að auka áhuga landsmanna á ESB.  En viðræðurnar sigldu í strand á tíma fyrri ríkisstjórnar, þær voru settar á ís eins og það var kallað.  Var margt ályktað um orsakir þess en sennilegasta skýringin var eflaust sú að áframhaldandi innleiðing á lögum ESB og hugsanlegt framsal yfirráða yfir mikilvægum auðlindum þjóðarinnar var ekki lengur möguleg án breytingar á Stjórnarskrá Lýðveldisins.  Ekki var að undra að  fyrrverandi ríkisstjórn var svo umhugað um að koma fram breytingum á Stjórnarskrá Íslands.

Aðildarviðræðum sem stofnað var til, án vilja þjóðarinnar á að binda enda á, af núverandi Ríkisstjórn og með samþykkt  Alþingis.  Þessum svonefndu aðildarviðræðum var komið á af þáverandi ríkisstjórn á algerlega ólýðræðislegan hátt, ætti að binda enda á, á lýðræðislegan hátt.  Með því að ríkisstjórnin sem hefur á bak við sig atkvæði meirihluta landsmanna sem samþykkti ályktanir hennar varðandi ýmis mál. þar á meðal; afneitun á framsali fullveldis Íslands til ESB, slíti þessum viðræðum.  Og hætti að  láta berast eftir veðri og vindum, með því að láta orð og áróður ESB sinna hræða sig og draga úr sér kjarkinn.  Og ekki má fyrir neinn mun fresta að taka ákvörðun varðandi málið fram yfir næstu kosningar.  Meginþorri landsmanna mundu að ég tel, meta ríkisstjórnina mun meira ef hún hún stígi fram þegar Alþingi kemur saman í haust og slíti þessum viðræðum.

Spáir ríkisstjórninni fylgishruni

Einkar ánægjulegt að Bjössi Bolla hafi snúið aftur.

Ég sá utan á blaði DV fyrir nokkru síðan mynd af Magnúsi Guðmundssyni leikara til hliðar við Bjössa Bollu sem er hann sjálfur snúinn aftur í gervi þessa landsþekktu og skemmtilegu persónu.  Fylgdi fyrirsögn þessari mynd sem var eitthvað á þá leið að Bjössi Bolla sé snúin aftur.  Á ég varla orð til að lýsa því hersu fyndin þessi mynd var af þeim Magnúsi og Bjössa.  Maggi stóð til hægri og benti með fingrinum á Bjössa sem sneri að Magnúsi, var hann í matrósafötunum eftirminnilegu og stóru rauðu húfunni, var eins og hann væri að ulla, eins og það heitir á gömlu íslensku máli að Magga.  Var eins og honum væri bumbult eða óglatt og var eins og ælan myndi þá þegar standa út úr honum.  Ég fór í DV.is til að fá þær fréttir á hreint að Bjössi hafi snúið aftur, því ég tímdi ekki að kaupa blaðið umrædda, og þar fékk ég staðfestingu á þessum góðu fréttum. 

Ég vil segja að það er mikið gleðiefni að Magnús hafi snúið aftur með Bjössi Bollu og sé farinn að skemmta með honum vítt um landið.  Sýnist mér eftir myndinni á DV blaðinu sem ég myntist á hér að ofan og í DV.is að Bjössi sé nú jafnvel fyndnari í útliti en áður.  Fannst mér myndin á forsíðu DV vera ein sú fyndnasta af Bjössa sem ég hef nokkru sinni séð, en ég hef verið mikill aðdáandi Bjössa alveg frá því hann kom fyrst fram fyrir ég veit ekki hvað löngu síðan.  Var bjössi með þann mesta eymdarsvip og með tunguna út úr sér á fyndnari hátt en ég hef nokkru sinni séð í myndum af honum.  Mynnist ég þess fyrir 20-25 árum að hann kom fram í þætti þar sem hann var á leið út á land þar sem einhver kona hugsanleg frænka hans tók á móti honum, og þegar hann kom niður landgöngubrúna, því hann fór á skipi, rak hann eins og út úr sér tunguna þegar konan kom til þess að taka á móti honum því hann hafði orðið sjóveikur í ferðinni.

Ég vona að Bjössi Bolla eigi ekki aðeins eftir að koma fram í ýmiskonar skemmtunum víða um landið heldur einnig í sjónvarpi og að hann gefi út stutta þætti á DVD.

Lýðræðinu ekki framfylgt í hinum nýja Borgarstjórnarmeirihluta.

Það kom fram í fjölmiðlum í dag að Dagur B Eggertsson var kjörinn borgarstjórin í dag og að vinstri- meirihlutinn  tók Sjálfstæðisflokkinn með í meirihlutasamstarf sitt en Framsóknarflokkurinn var skilinn fyrir utan.  Gerði hinn nýskipaði meirihluti borgarstjórnar Reykjavíkur Samfylkingin, Björt framtíð Vinstri Græn og Píratar, samkomulag við Sjálfstæðisflokkinn um skipan í helstu nefndir og ráð á vegum borgarinnar, en Framsóknarflokkurinn var algerlega skilinn fyrir utan Borgarstjórnarsamstarfið.  Var ástæðan sú að sögn nýkjörins borgarstjóra að Framsóknarflokkurinn væri "óstjórntækur" vegna ummæli oddvita listans varðandi  lóðaúthlutun fyrir mosku.  Þar með hafa Framsóknarflokkurinn og flugvallarvinir enga fulltrúa í Borgarstjórn.

Ég vil lýsa þeirri skoðun minni á þessari ákvörðun Borgarstjórnar Reykjavíkur að hér sé á ferðinni ljót atlaga að lýðræðinu og lýðræðislegum stjórnarháttum.   Ummæli oddvita Framsóknar, Sveinbjargar Birnu Sveinbjarnardóttur varðandi lóðaúthlutun fyrir moskvu er ekki byggð á útlendingahatri eða fordómum.  Sveinbjörg hefur sagt að lóðaúthlutun eigi að vera afturkölluð og að stofnað verði til íbúakosningar um hvort moska eigi að rísa í Sogamýrinni eða ekki.  Þá geti íbúar Reykjavíkur sjálfir ráðið hvort moska rísi á þessum stað.  Það er bæði óréttlætanlegt og mjög gróft af vinstrimeirihlutanum í borgarstjórn að úthrópa oddvita lista Framsóknar sem rasista og útllendingahatara.

Það er augljóst í mínum augum að þarna er meirihlutinn í Borgarstjórn Reykjavíkur ekki að framfylgja réttum og lýðræðislegum stjórnarháttum.  Listi Framsóknar og flugvallarvina var myndaður með áherslum eins og að; halda vörð um flugvöllinní Vatnsmýrinni, en fyrrverandi Borgarstjórn hafði það að markmiði að taka flugvallarsvæðið undir íbúðabyggð.  Einnig hafði listinn  áform í fjölmörgum málum sem efla áttu hag borgarbúa.  Moskumálið var aðeins eitt mál sem oddviti umrædds lista hafði áætlun um að  tekið yrði  til athugunar og það var ekki að ég tel, eitt af meginkosningamálunum.  Kjósendur Framsóknar og flugvallarvina eiga heimtingu á að lýðræðið fái framgang og þeirra rödd fái að heyrast í Borgarstjórn Reykjavíkur og að þau mál sem listinn setti á oddinn í aðdraganda Borgarstjórnarkosninga fái sína talsmenn í nefndum og ráðum Reykjavíkurborgar.

Varðandi moskumálið vil ég segja að lög þau sem sett voru um ókeypis úthlutun lóða til trúfélaga átti aðeins við kirkjur og þá kirkjubyggingar til handa þjóðkirkjunni.  Og því sé ókeypis úthlutun lóðar fyrir mosku í raun ekki samkvæmt lögum. Ég vil taka fram að ég hef ekkert á móti múslímum sem slíkum og útlendingahatur er fjarri mér.  Þar sem ég er kristinn maður, vil ég veg kristinnar trúar sem mestann hjá íslenskri þjóð og að sem flestir fái að kynnast Jesú Kristi.  Ég er ekki fylgjandi byggingu mosku í Reykjavík þar sem ég tel að slík bygging muni stuðla að aukinni útbreiðslu annarar trúar en kristinnar trúar á Íslandi.

Jesús Kristur sem Kristin trú okkar byggist á gaf líf sitt í lausnargjald svo að við sem trúum á hann myndum fá syndir okkar fyrirgefnar.  Það má segja að hann hafi gerst staðgengill fyrir okkur, að hann tók á sig refsingu þá sem við áttum skilda fyrir syndir okkar og misgörðir.  Trúum á hann og fylgjum honum sem líf sitt gaf fyrir okkur og reis upp frá dauðum á þriðja degi til að sýna fram á sigur sinn yfir dauðanum og að við sem á hann trúum munum lifa þótt við deyjum og munum dag einn rísa upp til fundar við Drottinn í loftinu.  Því Jesús mun koma aftur og hrífa þá upp til hans sem á hann trúa, og munu hinir sem "sofnaðir eru" ekki seinni verða en hinir sem eftir eru á lífi við komu hans.  Jesús mun koma aftur.  Þegar Jesus var burt hrifinn til himins og lærisveinarnir horfðu á eftir honum stóðu hjá þeim allt í einu tveir menn í hvítum klæðum og sögðu:  "Galíleumenn, hví standið þér og horfið til himins?  Þessi Jesús sem varð upp numinn frá yður til himins, mun koma á sama hátt og þér sáuð hann fara til himins."  Postulasagan 1:11

Gagnrýnir útilokun Framsóknar

Aðild að ESB samrýmist ekki stefnu Sjálfstæðisflokksins.

Frá því að mótmælin stóðu sem hæst varðandi áframhald aðildarviðræðna við ESB og þjóðaratkvæðagreiðslu þar að lútandi, hefur hópur aðildarsinna innan Sjálfstæðisflokksins orðið æ meira áberandi, með yfirlýsingum sínum um stofnun nýs stjórnmálaflokks.  En hann hefði það að meginmarkmiði að Ísland gerðist aðili að ESB og að áframhald aðildarviðræðna við ESB verði lagt í þjóðaratkvæði.  Síðastliðinn miðvikudag var undirbúningsfundur um stofnun þessa nýja stjórnmálaflokks sem hlotið hefur nafnið Viðreisn.  Á fundinn mættu um 200 manns.  Að sögn Benedikts Jóhannessonar, eins af talsmönnum flokksins hefur flokkur þessi ekki enn verið stofnaður  því "ekkert liggi á" og að "vanda þurfi undirbúninginn vel" og "fara þurfi yfir helstu málefnin og móta stefnuna."

Hópur sá innan Sjálfstæðisflokksins sem er fylgjandi inngöngu Íslands í ESB er aðeins tiltölulega lítill í samanburði við stærð flokksins í heild.  Að margra mati hafa ráðagerðir ESB sinna innan flokksins skemmt töluvert fyrir flokknum hvað fylgi varðar.  En það er eitt af sjónarmiðum Sjálfstæðisflokksins að innan hans rúmist fólk með nokkuð ólíkar skoðanir, en það er kannski hægt að segja að aðild að ESB samrýmist ekki gunnstefnu flokksins sem er; að staðið verði vörður um fullveldi landsins og sjálfstæði.  En stefna ESB- sinna er eins og kunnugt er að framselja fullveldi landsins og ákvarðanavald til Brussel.

Því er haldið fram af aðildarsinnum sem eru ma stjórnmálamenn og eigendur fyrirtækja, að ESB- aðild sé hagstæð almenningi á Íslandi sem og fyrirtækjum og þjóðarbúinu.  Málið er, eftir því sem margir halda fram að ESB- aðild hentar aðeins tiltölulega þröngum hóp fyrirtækja og innflutningsaðilum.  En almenningi í landinu hentar ESB aðild ekki og allra síst megin atvinnuvegum landsins eins og sjávarútveginum og landbúnaðinum.  Ég minnist þess þegar umræður stóðu sem hæst á Alþingi í tengslum við fyrirhugað slit á aðildarviðræðum við ESB að formaður Vinstri grænna, Katrín Jakobsdóttir tjáði sig í umræðu á Alþingi, að henni huggnaðist ekki innganga Íslands í ESB vegna þeirrar misskiptingar sem þar viðgengist.  

Það er ljóst að ríki innan ESB fóru ver út úr efnahagshruninu sem varð 2008 en ríka víðast hvar annars staðar.  Er ástæðan ma. annars sú að almannafé var notað til að bjarga bankastofnunum og evran sem er álitin af mörgum vera hagstæð í samanburði við krónuna vegna stöðugra gengis, er líka álitin af sérfróðum mönnum vera letjandi fyrir efnahag evruríkjanna og hafa valdið því að kreppan varð dýpri og varði lengur en ef ríkin hefðu haft sína eigin gjaldmiðla. Neyðarlögin svonefndu sem þáverandi forsætisráðherra setti 2008 voru eflaust það sem ollu því að afleiðingar bankahrunsins fyrir Íslenska ríkið urðu ekki verri en raunin var.   En Ísland hefði getað "sogast með bönkunum inn í brimrótið og afleiðingin orðið þjóðargjaldþrot." svo vitnað sé í ræðu Geirs Haarde. 

Krafa ESB- sinna um þjóðaratkvæði um áframhald aðildarviðræðna  við ESB hefur verið mjög áberandi síðustu misseri.  Voru vissir stjórnmálamenn sem ýttu undir mótmæli almennings á Austurvelli gegn fyrirhuguð slitum ríkisstjórnarinnar á aðildarviðræðum.  Snerust fjölmiðlarnir margir hverjir á sveif með aðildarsinnum með málflutningi sínum og áróðri.  Var gefið í skyn að þetta væri mikið þjóðþrifamál sem yrði að hrinda í framkvæmd.  En málið var að minnihlutinn vildi þarna þrýsta fram breitingu á ákvörðun ríkisstjórnarinnar sem kosin var af stórum hluta landsmanna einmitt vegna afstöðu viðkomandi flokka til evrópumálanna. En það er að aðild að ESB henti ekki hagsmunum Íslands. Það er rétt hvað lýðræðið landinu varðar að þjóðkjörnir fulltrúar á Alþingi fái að koma þeim málum í framkvæmd sem þeir eru kosnir til að gera. 

Þegar þing kemur saman í haust ætti að vera fyrsta verk núverandi ríkisstjórnar að koma þingsályktunartillögu háttvirts utanríkisráðherra Gunnars Braga Sveinssonar til framkvæmdar, varðandi slit á aðildarviðræðum við ESB.  Það er að mínu mati það eina rétta í stöðunni því það að viðræður séu í biðstöðu, setur Ísland áfram í stöðu aðildarríkis.  En það hefur margvísleg áhrif sem margir gera sér ekki grein fyrir eins og hvað varðar samningsstöðu vegna fiskveiðiheimilda, og óvissu um samningsstöðu vegna uppbyggingar á Norðurheimskautssvæðinu og margt fleira.

Ég vil árétta það enn og nú að aðild að ESB hentar engan veginn okkur Íslendingum.   En innganga Íslands í ESB myndi þýða að Íslenska þjóðin myndi:

 

1)  Missa yfirráðin yfir 200 mílna lögsögu sinni og fiskiskip annarra þjóða fá að veiða fisk í stórum stíl í Íslenskri lögsögu. 

2)  Íslendingar hafa ekki rétt til að gera fiskveiðisamninga eða viðskiptasmninga við önnur ríki. 

3)  Löggjafar og dómsvald færist yfir til Brussel sem útheimtir breytingu á stjórnarskrá Íslands.

4)  Að sjálfstæðið sem Íslendingar og þáverandi stjórnmálamenn áunnu með staðfastri sjálfstæðisbaráttu, sem síðan fullnaðist 17 júní 1944, verði að engu gjört.

Íslendingar - stöndum utan ESB!

 

Viðreisn undirbýr framboð

Engan veginn ! Neyðarflugbrautin ber að vera áfram ásamt Fluggörðum.

Í dag gaf að líta frétt á mbl.is sem var eitthvað á þessa leið að  Reykjavíkurborg hafi virt  samkomu­lag við inn­an­rík­is­ráðuneytið og Icelanda­ir um inn­an­lands­flug frá 25. októ­ber 2013 í einu og öllu.  Og að  nýtt deili­skipu­lag fyr­ir Reykja­vík­ur­flug­völl sé í fullu sam­ræmi við sam­komu­lagið og feli m.a. í sér; stækk­un flug­stjórn­ar­miðstöðvar, flug­stöðvar­inn­ar, niður­lagn­ingu þriðju flug­braut­ar­inn­ar ofl.  Þá er fullyrt að upp­bygg­ingaráform Vals­manna á Hlíðar­enda sé einnig í fullu sam­ræmi við sam­komu­lagið, þótt ekki sé talað sér­stak­lega um það í sam­komu­lag­inu.

Ég verð að segja að mér finnast þetta dapurleg orð sem koma fram í fréttinni; að leggja eigi niður neyðarflugbrautina sem skipað hefur flugvellinum í hágæðaflokk vegna öryggis og nýtingarhlutfalls.  Fréttin heldur áfram á eftirfarandi nótum að Borgarráð hafi gert bókun um mótun skipulags í Skerjafirði þar sem horft verði til niðurstöðu nefndar Rögnu Árnadóttur. Og ennfremur að Isavia hafi það verkefni að finna framtíðastaðsetningu fyrir æfinga- og kennsluflug.  Í samkomulaginu felst að Unnanríkisráðuneytið og Isavia hafi forgöngu um að kennslu- og einkaflugi verði fundinn nýr staður í nágrenni borgarinnar.  

Það er sorglegt að innanríkisráðuneytið hafi lagt samþykki sitt við að mikilvægur hluti flugvallarsvæðisins sem Fluggarðar eru verði teknir undir íbúðabyggð og að finna þurfi nýjan stað fyrir flugskólana og alla þá starfsemi sem fer fram á svæðinu.  Það var að ég held ákvörðun sem var tekin án þess að málið væri fyrst kannað í þaula.  Að sjálfsögðu var það ætlun innanríkisráðuneytisins að heimila ekki framkvæmdir á flugvallarsvæðinu fyrr en staður væri fundinn fyrir æfinga flugið.  En eins og kunnugt er hefur enginn staður fundist enn, sem hentar fyrir þessa starfsemi.  En til að kóróna allt saman þá hefur Borgarstjórn sú sem ríkt hefur undanfarin ár ákveðið að byrja framkvæmdir við enda neyðarflugbrautarinnar í haust og niðurrif fluggarða strax á næsta ári.

Það er von mín að komandi borgarstjórn dragi til baka samþykkt deiliskipulag í Vatnsmýrinni þar sem gert er ráð fyrir íbúðabyggð á svæði Fluggarða og þar sem neyðarflugbrautin er staðsett.  Þetta er mikið þjóðþrifamál að sú starfsemi sem þarna hefur þrifist um áratugaskeið fái að vera áfram.  Því Reykjavíkurflugvöllur með allri þeirri fjölbreyttu starfsemi sem þar er rekin eins og flugskólarnir, flugrekstraraðilarnir, flugverkstæðin og margt fleira ásamt einkafluginu hefur verið eins  og vagga flugsins á Íslandi.

Ég bind miklar vonir við oddvita lista Framsóknarflokksins og Flugvallarvina Sveinbjörgu Birnu Sveinbjarnadóttir sem kosin var í borgarstjórn ásamt flokksystur hennar; Guðfinnu Jóhönnu Guðmundsdóttur.  Tel ég að þær geti haft áhrif á komandi borgarstjórn í þá átt að mál flugvallarins verði skoðað upp á nýtt og að sjónarmið þeirra sem hagsmuna eiga að gæta á flugvallarsvæðinu verði ekki fyrir borð bornir.

 

Borgin hefur virt samkomulagið