Ætlar þú að bolla einhvern á morgun ?

    Sá siður að börn búi sér til bolluvendi og flengi foreldra sína eða aðra með bolluvendi kom hingað til lands snemma á 19 öld með dönskum kaupmönnum.  Eru Bolluvendirnir búnir til úr priki sem litríkir borðar eru límdir á.  Og er hugsunin sú að börnin bolli foreldra sína þegar þau eru ný komin á fætur, og upphaflega taldist flengingin ekki gild nema barnið væri fullklætt en sú eða sá sem bollaður væri, ennþá í náttfötunum.  Átti barnið að kalla Bolla, Bolla ! þegar það flengdi og átti sá sem Bollaður var að færa barninu eins margar bollur og flengingarnar voru.  

    Er þá betra að vera snöggur að víkja sér undan og láta ekki bolla sig of oft til að þurfa ekki að gefa viðkomandi barni of margar bollur. Ég minnist þess í æsku að ég bjó til bolluvönd í skólanum, en ég sá ekki ástæðu til þess að nota hann því ég fékk mínar bollur heima þrátt fyrir að hafa ekki bollað neinn.
    Ég hef alltaf verið hrifinn af bollum og líkar mér best við gerbollur því þær eru mjög saðsamar og líkar mér þær með nóg af sultu og hæfilega miklum rjóma.  Rjóminn vill gjarnan leka úr bollunni þegar bitið er.  Því er nokkur kúnst að neyta bollunnar svo vel fari.
    Sá góði siður að bjóða upp á rjómabollur á Bolludag barst til Íslands seint á 19 öld, með áhrifum frá erlendum bökurum.  Virðist uppruni þess siðar eiga uppruna sinn í að fólk á Norðurlöndunum neytti ýmis góðmetis á þriðjudegi rétt fyrir föstutímabil sem byrjaði 7 vikur fyrir páska.  En Íslendingar færðu bolludaginn yfir á mánudaginn til að trufla ekki hefðbundinn matarsið sprengidagsins. 

    Á síðustu áratugum hefur bolluátið þó færst að hluta yfir á sunnudaginn, og er það vel því fátt er skemmtilegra en að setjast niður með fjölskyldu eða vinum og fá sér bollur áður en vinna og aðrar kvaðir hversdagsins taka við á mánudeginum.  Eru bollurnar ýmist vatnsdeigsbollur sem eru mjúkar og safaríkar og síðan gerbollur sem eru þéttari í sér.  Eru þær yfirleitt með róma og sultu inn í og með súkkulaði eða glassúrhjúp ofan á.  En nú til dags má oft sjá bollur í bakaríum og búðum með alls konar kremi í ýmsum litum.

    Það skemmtilegasta sem ég minnist í sambandi við Bollumenninguna á Íslandi er þáttur með Bjössa Bollu sem sýnd var í sjónvarpinu fyrir 25-30 árum síðan, á ég hann á DVD disk.  Fer Bjössi þar eitthvað út á land að heimsækja frænku sína. Fer hann með skipi, en á ferðinni verður hann sjóveikur, en hann tekur því öllu vel og fer ma. upp í brúnna til að tala við stýrimanninn. Að aflokinni sjóferðinni gengur hann niður landgöngubrúna heldur aumur á svip. Tekur þar frænka hans á móti honum, Var eins og honum væri bumbult og var hann grænn í framan.

    Fljótlega rennur þó af honum sjóveikin og innan tíðar er hann farinn að spígspora um bæinn. Á glugga bakaríisins á staðnum sér hann atvinnutilboð þar sem óskað er eftir aðstoðarmanni við bollubaksturinn. Hugsar Bjössi sér þar gott til glóðarinnar og víkur sér inn. Þar er honum færð svunta og er hann þegar látinn hefjast handa við bollubaksturinn.

    Vil ég segja að það á hvern hátt hann bjó til bollurnar er ekki samkvæmt því sem ég tel góð vinnubrögð við bollubakstur.  Er alveg einstakt að fylgjast með Bjössa þegar hann býr til Bollurnar.  Hann hefur uppskrift til að fara eftir en heldur komu skilaboðin bjöguð til skila til Bjössa, því hann hendir eggjunum í deig- skálina með skurninu, hendir mjólkinni í fernunni og það sem verst er hann setur gerið “eftir hendinni” sem átti að skiljast sem eftir því sem viðkomandi telur þurfa. En það verður síðan til þess að seinna springur deigið með miklum hvell. Og þeir sem nálægt standa fá á sig deig- sletturnar.

    Í því bili kemur frænka Bjössa og er ekki alveg alls kostar ánægð með frammistöðu Bjössa. Er með ólíkindum hve Bjössi kemur skemmtilega fram í þættinum.  Er hreint ótrúlegt skopskynið  í þættinum og svipbrigði og tal Bjössa alveg einstakt.  Þættinum lýkur síðan að sjálfsögðu á því að Bjössi fær sér Bollu. En heldur var hann óhreinn í framan á trýninu við bolluátið því rjóminn er einstaklega ljúffengur en linur og rennur því auðveldlega niður. 

Kær kveðja. :)

Einfaldar ger- og vatnsdeigsbolluuppskriftir

Skorið á böndin

    Nokkrir fiskimenn voru úti á hafi að veiða fisk.  Þegar þeir voru búnir að leggja netin, vörpuðu þeir akkerum í vík einni.  Fljótlega veittu þeir því athygli, að báturinn byrjaði að hreyfast.  Hraðar og hraðar rann hann áfram í áttina að skeri, sem var umlukt af fjölda hættulegra blindskerja.  Þeir skildu nú, að stórfiskur — hvalur — hafði komist í akkerisfestina og dró þá nú með sér út í opinn dauðann.

    Hvað áttu þeir til bragðs að taka?  Ekki var nein leið að höndla hvalinn.  Einasta björgunin var, að skera á festina.  Með nokkrum erfiðismunum heppnaðist þó þetta, og þeir sneru nú öruggir til lands.

   Þetta er mynd upp á það, sem oft kemur fyrir í lífinu.  Þegar við álítum okkur óhult, hrífumst við allt í einu af einhverju, verðum eins og tekin til fanga, og drögumst nær og nær tímanlegri og eilífri glötun.  Einhver lokkandi villa eða syndavani, slæm lund, léttúð, slæmur félagsskapur o.fl. o.fl. heldur okkur fjötruðum og dregur okkur fet fyrir fet nær grunninu.

    Ó , skerðu á böndin! Skildu þig frá öllu, sem freistar.  Og ger það nú þegar. öll bið er hættuleg. Því nær sem þú kemur að grunninu, þess vísari glötunin."

Afturelding 1. mars 1967.

Er einkvæni náttúrulegt?

JESÚS EINSTÆDASTI PERSÓNULEIKI ALLRAR SÖGU

„Hvað virðist yður um Krist". Þannig spyr Jesús í Matt. 22:42. Margir hafa svarað þessari spurningu, og fyrr eða seinna þurfum við öll að gefa svör við því, hvað okkur virðist um Hann. Svar mitt er það, að Jesús Kristur, sem er Messías, Sonur Guðs, er einstæðasti persónuleiki allrar sögu. Það er enginn sem Hann. Hann er guðdómlegur." Hvers vegna er hann einstæðasti persónuleiki sögunnar? Látum okkur segja, vegna hans guðdómlegu fæðingar, vegna hans guðdómlega lífs og kenninga, vegna verka hans og guðdómlegs dauða.

FÆÐING JESÚ VAR ÖÐRUVÍSI EN ANNARRA. Líf Jesú byrjaði ekki við jarðneska fæðingu hans. Fæðing hans á jörðu var aðeins einn þáttur í lífi hans. Hann hafði alltaf lifað. En fyrir meira en nítján hundruð árum, steig hann niður frá hásæti sínu í himnum og tók á sig mannlega mynd. Yfir þrjátíu ár lifði hann mennsku lífi. hér í heimi. Eftir það hvarf hann aftur heim til Guðs. Og þar er hann nú. Um þetta farast Biblíunni orð á þessa leið: „Hann áleit það ekki rán að vera jafn Guði, þótt hann væri í Guðs mynd, heldur afklæddist henni, er hann tók á sig þjóns mynd og varð mönnum líkur, og er hann kom fram að ytra hætti sem maður, lítillækkaði hann sjálfan sig og varð hlýðinn allt fram í dauða, já fram í dauða á krossi. Fyrir því hefur Guð hátt upp hafið hann og gefið honum nafnið, sem hverju nafni er æðra, til þess að fyrir nafninu Jesú skuli hvert kné beygja sig, þeirra sem eru í himni, og þeirra sem eru á jörðu, og þeirra sem undir jörðinni eru, og sérhver tunga viðurkenna, að Jesús Kristur sé Drottinn, Guði föður til dýrðar. (Filip. 2:6-11). Enginn annar er fæddur á þennan hátt. Ennfremur var Jesús fæddur af hreinni mey. Hann átti engan jarðneskan föður. Hann var getinn af Heilögum Anda. Hann viðurkenndi engan annan en Guð, sem föður sinn. Þess vegna hef ég fulla djörfung til að segja, að fæðing Jesú var einstæð.

LÍF JESÚ VAR ÖÐRUVISI EN ANNARRA. Hann var hafinn yfir synd, syndgaði aldrei. Það bar aldrei við, að hann féll fyrir freistingu. Hann eggjaði óvini sína til að sanna á sig synd. í einu og öllu var líf hans hreint og lýtalaust. Hve þetta er gersamlega ólíkt mínu og þínu lífi ! Jesús þekkti líf sitt fyrir fram . Hann sagði fyrir um þjáningar sínar, dauða sinn og upprisu. í smáatriðum gat hann talað um það, sem mundi mæta honum. En þótt hann vissi þetta allt fyrir fram , hvarflaði það ekki að honum að smeygja sér undan þeim miklu þjáningum, er lágu fyrir honum. Hversu ólíkt er þetta okkur! Í fyrsta lagi þekkjum við ekki framtíð okkar. Og í öðru lagi: ef við vissum, hvað okkur mundi mæta, reyndum við að komast hjá að mæta því, sérstaklega ef um erfiðleika og þrengingar væri að ræða. Jesús er allt öðruvísi. Með upplyftu enni gengur hann rakleitt til krossins. Veist þú, hvenær þú átt að deyja? Auðvitað ekki. En Jesús vissi það. Þessi þekking, sem hann átti um sjálfan sig, gerir hann að einstæðasta persónuleika allrar sögu.

KENNING HANS VAR ÖÐRUVÍSI EN ANNARRA. Jesús vitnaði til Móse, hins mikla löggjafa í Ísrael og sagði: „En ég segi yður". Þannig lyftir Jesús kenningu sinni langt yfir kenningu Móse. Þegar hann var að kenna mætti hann margsinnis andmælum, en aldrei kom það fyrir, að hann brestur rök. Síðustu vikuna, sem hann lifði á jörðinni gerðu skriftlærðir og Farisear ítrekaðar tilraunir til að bera sigurorð af honum. En í hvert skipti gaf hann þeim slík andsvör, að þau klemmdu þá við múrinn. Þeir hnitmiðuðu spurningar sínar við það, að hann hlyti að standa orðlaus gagnyart þeim, en þá voru það þeir sjálfir, sem stóðu orðvana við svörum hans. Það þekkist ekki einn einasti maður, sem hefur talað eins og Jesús. Þegar hann gekk um hér á jörðu í fábreyttum fötum júðsk trésmiðs, voru skriftlærðir Gyðingar þvingaðir til að spyrja: „Hver er þessi maður?" Allir voru slegnir undrun yfir orðum hans og kenningu. Þekking og kenning hans um Guð, mennina og eilífðina var alveg einstæð.

VERK JESÚ VORU|ÖÐRUVISI EN ANNARRA. Hann opinberaði vald sitt yfir náttúrunni. Hann ávarpaði æðandi bylgurnar „Þegi þú, haf hljótt um þig". (Mark. 4,35-41) Hann sýndi vald sitt yfir illum öndim Þegar maðurinn í Gerasena, sem haldinn var illum anda kom æðandi á móti honum, talaðiJesús til hans með máttugum orðum, svo hersing illra anda fór þegar út af manninum á samri stundu. Þannig bar hann .herravald yfir veldi hinna illu anda. (Mark. 5:1-20). Jesús opinberaði mönnunum mátt sinn yfir valdi hvers konar sjúkdóma. Líkþráir menn urðu hreinir við það að hann snerti við þeim. Hann þurfti ekki annað en segja eitt orð, þá vék hitinn úr fárveikum mönnum og þeir urðu heilir. Þegar hann talaði fengu blindir sýn og lamaðir gengu um kring. Fyrir honum var enginn sjúkdómur ólæknandi. Hann var sigurherrann yfir hvers konar sjúkdómum. (Mark 2:1-12) Hann bar sigurorð yfir dauðanum. Nýja testamentið segir frá þremur dæmum um það, er hann vakti menn upp frá dauðum. Getið er um unga stúlku og ungan mann. Hann kallaði þau bæði aftur til lífsins, enda þótt þau væru dáin. í þriðja lagi lesum við um Lazarus, sem dáinn hafði verið í fjóra daga, og komin var nálykt af honum. En fyrir guðdómlegt vald orða Jesú, gekk Lazarus út úr gröfinni. (Jóh. 11:1-44) Á öllum sviðum var vald Jesú ótakmarkað. Hann var herra yfir öllu og öllum. Aldrei, hvorki fyrr né síðar hefur jafningi hans komið fram. Þess vegna er hann einstæðasti persónuleiki allrar sögu.

JESÚS VAR ÖÐRUVÍSI EN AÐRIR.  Hann þurfti ekki að deyja. Hann gaf líf sitt sjálfviljuglega í dauðann. Hann sagði það afdráttarlaust, að hann hefði vald til þess að taka líf sitt aftur, og það gerði hann. Hann hrópaði: „Það er fullkomnað" og gaf upp andann. Jesús óttaðist ekki dauðann. Hann talaði með mikilli djörfung um það, að hann yfirgæfi þennan heim, og færi aftur til Guðs, þaðan sem hann hafði komið. Hann sagði skýrum orðum að hann væri kominn frá. Guði og færi til hans aftur. (Jóh. 13:3) Hann sagðist hafa komið ofan frá himninum og færi til himinsins aftur, eftir upprisu sína. Hann talaði um þá dýrð, er hann hefði átt áður hjá Guði. (Jóh. 17:5) Dauðinn var þannig enginn dauði fyrir hann. Hann fór aðeins aftur til síns upprunalega heimilis. Þess vegna fann hann ekki fyrir ótta, við dauðann. Jesús dó ekki sjálfs sín vegna. Hann dó fyrir aðra. Dauði hans hafði þýðingu fyrir gjörvallt mannkyn. Því að hann bar syndir alls heimsins á líkama sínum upp á tréð. Hann dó í okkar stað. „Drottinn lét misgjörðir vor allra koma niður á honum" (Jes. 53:6). Hann dó til þess að við mættum lifa. Dauði hans var friðþæging fyrir syndir okkar. Þess vegna getur Guð verið náðugur syndugum manni; vegna þess að milliveggurinn, sem skildi okkur frá Guði, er rifinn niður. Þetta gerðist fyrir fórnardauða Jesú Krists. . Enginn hefur dáið á líkan hátt og Jesús. Móse, Konfúsíus, Búdda, Múhammed og allir aðrir trúárbragðahöfundar voru venjulegir menn. Dauði þeirra hafði enga frelsandi þýðingu fyrir aðra. En Guðmennið Jesús Kristur gaf líf og frelsi gjörvöllu mannkyninu með dauða sínum. Það eina sem við þurfum að gera, er að viðurkenna þessa staðreynd. Og ennfremur: Jesús dó ekki til þess að vera dauðanum undirokaður. Nei, Guði sé lof! Hann reis upp aftur. Allir trúarbragðahöfundar þessa heims dóu og dauðínn ríkir yfir þeim líkamlega. Þess vegna geta þeir ekki frelsað nokkurn mann. En Jesús lifir frá eilífð til eilífðar. Það er þess vegna,sem hann er einstæðasti persónuleiki allrar sögu.

Afturelding 1. tölublað 1974.  Höfundur óþekktur.

Niðurdýfing í Nauthólsvík

Ekki skaðar það börnin á neinn hátt að fá að heyra Guðs Orð

Í könnun sem nú stendur yfir á Dv.is þar sem spurt er; “Á að leyfa kirkjuferðir skólabarna á skólatíma” kemur fram að 66,5% eru því fylgjandi en 33,5% á móti. Kirkjuheimsóknir eru á vegum skólanna og fara fram í fylgd og viðveru kennara. Eru vettvangsferðir mikilvægur hluti skólastarfs á öllum skólastigum sem fara fram í ýmsum kennslugreinum því kennslustofan getur ekki komið í staðinn fyrir vettvangskynningu eins og fjöruferð, á sögustað eða til kirkju..

Það þarf enginn að velkjast í vafa um að Kristnin er snar þáttur í menningu og sögu þjóðarinnar. Kynning og fræðsla um kristni innan skólakerfisins er ein af forsendum skilnings á menningararfi Íslendinga. Menningarlæsi og þekking á ýmis konar táknmáli, hugtökum og tungutaki í bókmenntum, listum og öðrum þáttum menningarinnar er meðal annars undir slíkri fræðslu komin. Í umræðuni um kirkjuferðir og trúarlega fræðslu er oft blandað saman trúarlegri fræðslu og trúboði eða áróðri.

Hér fyrir neðan er góð athugasemd frá manni sem ekki vildi láta nafn síns getið við bloggpistil sem ég birti 2013.

“Æfaforn trúarrit flokkast ekki undir "áróður". Þú þarft að læra Biblíuna hvort sem þú lærir guðfræði, bókmenntir eða mannfræði, svo bara örfá fög séu lesin. Þú telst aldrei meðal fólks með grunnþekkingu samkvæmt stöðlum yfirstéttarinnar hafir þú ekki lesið þessa bók. Meira að segja yfirstéttir Indlands og Kína lesa hana. Biblían er nauðsynleg fyrir skilning á vestrænni sögu, félagsgerð, heimspeki (sérstaklega þýsku heimspekingunum, nær öllum), , listasögu og fagurbókmenntum og telst sjálf á köflum, svo sem Jobsbók, til 100 helstu bókmenntaverka sögunnar, sem bókmenntaverk (ekki sem trúarrit), og því hafa allir vellæsir menn á fagurbókmenntir lesið hana. Biblían er sameign mannkyns. Lestur hennar er sérstaklega mikilvægur fyrir börn innflytjenda sem tilheyra annarri trú, svo þau nái betur að skilja þá menningu sem þau lifa og hrærast í, en fari ekki halloka, alveg eins og maður sem elst upp í löndum Araba en þekkir ekki Kóraninn á engan séns á að komast nokkurn tíman inn í samfélagið eða skilja nágranna sína til fulls. Það kemur trúnni ekkert við, heldur áhrif trúarinnar á menninguna. En eins og allir félagsfræðingar hafa bent á halda þau áhrif áfram löngu eftir, hundruðum ára eftir, að kirkjusókn dvín eða hættir. Trúarbrögð geta jafnvel haft meiri áhrif eftir að þau "hverfa". Við verðum leiksoppar þeirra áhrifa en höfum ekki það val að hafna þeim nema við sjálf lesum frumritin. því það sem er ómeðvitað er sterkar því sem er meðvitað. Vinnusiðferði venjulegs Íslendings og annarra Vesturlandabúa kemur til að mynda úr mótmælendatrú, og um það hefur fjöldi trúlausra félagsfræðinga, svo sem Weber, fjallað. Sá sem ekki þekkir þennan uppruna verður alltaf bara strengjabrúða, og getur ekki sjálfur valið að gangast við honum eða hafna honum. Hann verður bara á valdi hans án þess að vita um hvað málið snýst. Hvort hann sæki kirkju eða ekki kemur málinu ekkert við. Lesið bara Weber... “

Kraftur krossins

12.
Ég mun meðan ég hjari
minnast á krossinn þinn.
Heimsins ljúfi lausnari,
lífgar það huga minn.
Hvort ég geng út eða inn,
af innstum ástargrunni
ætíð með huga og munni
segjandi hvert eitt sinn:

13.
Jesú Kristí kvöl eina
á krossinum fyrir mig skeð
sé mín sáttargjörð hreina
og syndakvittunin,
af sjálfum Guði séð.
Upp á það önd mín vonar
í nafni föður og sonar
og heilags anda.

...........Amen.

Hallgrímur Pétursson Sálmur 33 

 

Staða lýðræðis rædd í hugvekju

Atlaga að tjáningarfrelsinu

Vei þeim sem ákæra saklausan mann fyrir það að standa með sannleika Guðs Orðs.

"Sá sem sekan sýknar, og sá sem saklausan sakfellir, þeir eru báðir Drottni andstyggð."

Orðskviðirnir 17.15

Jón Valur ákærður fyrir hatursorðræðu

Nafnið öllum æðra

Meðal ómetanlegra verðmæta, sem bækur Biblíunnar flytja er boðskapurinn um Jesúm Krist. Ríkjandi þáttur í Postulasögunni, er nafnið Jesús.  Við rannsókn þeirrar bókar, tekur maður eftir að líf og starf frumkristninnar var tengt nafninu Jesús og persónu hans.

Þegar menn þúsundum saman, fundu til þjáninga vegna synda og þörf á lausn, benti Pétur postuli á leið til fyrirgefningar og til nýs lífs, fyrir trúnað á nafnið Jesús:  "Snúið ykkur og látið skírast í nafni Jesú Krists til fyrirgefningar synda ykkar og þér munuð öðlast gjöf Heilags Anda."

Þetta hafði áhrif.  Þrjúþúsund einstaklingar meðtóku þann dag náð til trúar á Jesú nafn, leystust frá syndum og öðluðust nýtt líf í Jesú og söfnuðinum.

Það sama átti sér stað með einstaklinginn, sem í örvæntingu og myrkri sjálfsmorðshugsana, fékk að heyra frá sendiboðum Drottins:  "Trú þú á Drottinn Jesúm og þú munt verða hólpinn og heimili þitt."  Þetta hafði stórkostleg áhrif.  Örvæntingarfulli fangavörðurinn í Filippíborg fékk að reyna að í nafni Jesú er öryggi og friður.  Sá er kominn var í örlög andlegs myrkurs og algjöra örvæntingu, umbreyttist þarna um nóttina, til lífs í Jesú Kristi.

Sami þráðurinn heldur áfram á síðum Postulasögunnar.  Þar sem nafnið Jesú komst að, urðu algjörar breytingar.  Við lesum hvernig lamaðir fá kraftinn í Jesú nafni.  Illir og afvegleiðandi andar eru reknir út af mönnum, sem voru haldnir.  Þeir voru reknir í nafni Jesú Krists.  Umfram allt voru hópar fólks, sem eignuðust fyrirgefningu synda og lausn frá áhrifavaldi synda í nafni Jesú.

Píslavætti varð staðreynd, vegna nafns Jesú.  Þeir sem stóðu með nafni Jesú voru teknir til fanga, húðstrýktir, smánaðir og nokkrir urðu deyddir.  Það var andi undirdjúpanna, sem ekki þoldi nafnið Jesús.  Ekkert nafn hefur verið svo elskað sem nafnið Jesús.   Þess vegna voru þeir glaðir, sem álitust verðir að líða fyrir nafnið Jesú.

Andstaðan varð sigruð.  Nafnið Jesús var boðað heiðingjum, sonum í Ísrael og fram fyrir ráðamenn og konunga.  Nafnið Jesúm náði lengra og lengra.

Boðskapurinn um nafnið Jesús náði til norrænna manna.  Hjá þeim var fyrir trú, á Óðinn og Þór, Frigg og Freyju, Valhöll, miðsvetrar blót og mannfórnum, drykkjuskap, siðleysi og ofbeldi. Þegar nafnið Jesús komst inn í þessar raðir, þá fóru hlutirnir að breytast.  Kærleikur til nafnsins Jesús skapaði þýðu og umbreytingu frá hinu illa til hins góða og ekkert er betra en nafnið Jesús.

Að endingu: "Jesús Kristur er í dag og í gær hinn sami og um aldir."  Heb.13,8.  Ákallaðu Jesú nafn.  Allt fer að breytast og verður þeim hagstæðara, sem ákalla nafnið Jesús.

Afturelding 4. tbl. 1985.  Karl Erik Heinerborg.  Fyrrum forstöðumaður (prestur) Fíladelfíukirkjunnar í Stokkhólmi.

 

Trúboði gerði Hnífsdælingum lífið leitt

Blekkingarleikur um eðli ESB-umsóknar afhjúpaður af ESB!

 

 

Sumir flokkar virðast ætla að leika sama blekkingarleikinn og Samfylkingin og VG léku á tíma Jóhönnu­stjórnarinnar. En hann fólst í því að landsmenn gætu fengið að "kíkja í pakkann" að afloknum aðildarviðræðum við ESB. Til að ganga úr skugga um þetta hugnaðist Svavari A. Jónssyni, sóknarpresti á Akureyri, að senda fyrirspurn til ESB þar sem hann grennslaðist fyrir um eðli umsóknar og hvort í slíkri um­sókn fæl­ist að kanna án skuld­bind­inga hvað væri í boði eða hvort í henni fæl­ist yf­ir­lýs­ing um vilja til þess að ganga í sambandið.

 

 Sr. Svavar Alfreð Jónsson. Hin myndin er af greinarhöfundi.

 

Fékk hann það svar sem var í stuttu máli “að reglur ESB eru óumsemjanlegar. Þær verður að lögleiða og innleiða af umsóknarríkinu. Inngönguviðræður snúast í raun um það að samþykkja hvenær og með hvaða hætti umsóknarríkið tekur upp og innleiðir með árangursríkum hætti allt regluverk ESB.”

Flestum er í fersku minni ESB-aðildar-vegferð vinstri stjórnar Samfylkingar og VG en hún var vörðuð flóknu baktjaldamakki samkvæmt því sem Árni Páll Árnason fyrrverandi formaður Samfylkingarinnar greindi frá fyrr á þessu ári.

Fyrrverandi forsætisráðherra, Jóhönnu Sigurðardóttur, tókst að fá þingmenn VG á sitt band til að taka þátt í ESB-aðildarferlinu með hótunum um skjótan dauða hinnar langþráðu vinstri stjórnar. Ekki tókst það alveg því hún þurfti að láta einn þeirra, Jón Bjarnason, fara, því ekki vildi hann halda áfram með þann blekkingarvef sem hinar svonefndu ESB-aðildarviðræður voru. En þær voru ekki samningaviðræður, heldur umsókn Íslands að ESB og aðildarferli sem haldið var leyndu fyrir þjóðinni. Aðildarviðræðurnar sigldu í strand seint á tíma Jóhönnustjórnarinnar, en látið var í veðri vaka að um hlé á viðræðum væri að ræða.

Eftir að ríkisstjórn Sjálfstæðisflokks og Framsóknarflokks tók við völdum 2013 veittust fyrrverandi stjórnarflokkar að hinni nýju ríkisstjórn og kröfðust áframhalds ESB-aðildarviðræðna. En ríkisstjórnarflokkarnir höfðu gengið til kosninga með það að meginstefnu að hætta ESB-aðildarviðræðum. ESB-flokkarnir töpuðu illilega í kosningunum.

Að gera kröfu um að sigurvegarar með umboð gegn ESB-aðild spyrji þjóðina hvort hún vildi halda áfram misheppnuðum aðildarviðræðum var vægast sagt fáránlegt.

Síðan ríkisstjórn Jóhönnu og Steingríms J. kvaddi aðildarferlið í janúar 2013 hefur ástand innan Evrópu­sambandsins snarversnað. (Má þar nefna gengislækkun evrunnar, óstjórn hvað varðar móttöku flóttafólks, Brexit o.fl.) En þá hafði aðeins 11 af 33 samningsköflum verið lokað frá 2009. Ferlinu lauk með ágreiningi um kaflana um sjávarútveg og landbúnað þegar rann upp fyrir íslensku stjórnarherrunum að ESB krafðist aðlögunar í ferlinu og í bókum Brusselmanna væri ekkert til sem heitir könnunarviðræður.

Það má rekja upphaf nýja flokksins Viðreisnar til þráhyggju vegna þess að með kosningunum 2013 urðu þáttaskil í ESB-málinu. Aðildarbröltinu var hafnað.

Einn er sá flokkur sem alfarið er á móti ESB-aðild en hlaut illa útreið í aðdraganda kosninga og náði því ekki manni á þing en það er Íslenska þjóðfylkingin.  En flokkstjórn og fylgjendur flokksins hafa ákveðið að halda ótrauð áfram enda var ástæðan fyrir lélegu gengi augljóslega sú að reynt var með markvissum hætti að eyðileggja flokkinn.

„Æ, æ, Óttarr Proppé“

Fylgi stjórnarandstöðuflokkana dalar og einnig fylgi ESB innlimunarflokksins Viðreisnar

Samkvæmt frétt í Mbl.is mælist Sjálfstæðisflokkurinn nú stærsti flokkurinn, en fylgi hans mældist 34,6% í könnun Fréttablaðsins, Stöðvar 2 og vísis sem gerð var á mánudagskvöld. Er það mikið stökk í fylgi hans frá síðustu könnun. Mældist fylgi Pírata nú aðeins 19,9%, Framsókn og Vinstri græn með 13%, Viðreisn 7,3, Samfylkingin 5,9 og Björt framtíð 3,6%.

Hvað veldur þessu aukna fylgi við Sjálfstæðisflokkinn samkvæmt þessari könnun er spurning sem ekki er auðsvarað. Ástæðan fyrir því kann að einhverju leiti felast í því að óvenju margir eða 48,5% vildu ekki taka afstöðu til spurningarinnar sem spurð var en hún var;

“Hvaða lista mynd­ir þú kjósa ef gengið yrði til þing­kosn­inga í dag? Ef ekki fékkst svar var spurt: Hvaða flokk er lík­leg­ast að þú mynd­ir kjósa? Ef ekki fékkst svar var spurt: Er lík­legra að þú mynd­ir kjósa Sjálf­stæðis­flokk­inn, eða ein­hvern ann­an flokk?”

Hver sem ástæðan er fyrir mældri fylgisaukningu Sjálfstæðisflokksins í könnuninni kann að vera er ljóst að fylgi ríkisstjórnarflokkana fer hækkandi því Framsókn mælist með heldur hærra fylgi í könnuni en verið hefur. Vinstri flokkarnir Samfylking og Björt framtíð mælast með mjög lágt fylgi og fylgi Viðreisnar hefur stórminnkað.

Er ástæðan fyrir því eflaust sú að fólk vill stöðugleika sem það telur að ríkisstjórnin hafi náð fram og að fólk hefur séð í gegnum áróður stjórnarandstöðuflokkana þar sem þjóðaratkvæðagreiðslu um framhald svonefndrar aðildarviðræðna var krafist. En ekki reyndist vera um viðræður að ræða eins og ríkisstjórn Jóhönnu Sigurðardóttur hélt fram heldur aðlögunarferli sem krafðist breytinga á stjórnarskrá sem varð til þess að “viðræður” sigldu í strand.

Samt er einn nýstofnaður flokkur Viðreisn sem hefur á stefnuskrá sinni þjóðaratkvæði um aðildarviðræður og inngöngu í ESB. Ekki virðist flokkurinn leggja sig fram um að fræða fólk um eðli aðildarviðræðna heldur virðist mér ætlunin vera að leiða fólk að því þverhnípi sem innganga í ESB er og að vona að á einhvern hátt að verði hægt að ýta okkur þar niður. Ástæðan fyrir ESB áhuga Viðreisnar er að þeirra sögn áhugi fyrir velferð þjóðarinnar, en bent er á í því sambandi að tengja eigi gengi smátt og smátt við gengi annars gjaldmiðils sem mun vera evran.  Ekki tel ég að innganga í ESB verði okkur til gæfu, með afsali fiskveiðiauðlindar okkar til erlends ríkjasambands í huga.

Einn er sá flokkur sem er öndvert á móti inngöngu í ESB eins og ríkisstjórnarflokkarnir en það er Íslenska Þjóðfylkingin en hún mældist með aðeins 1,6% fylgi. En hún tekur einnig afstöðu gegn EES, Schengen og nýju Útlendinga­lögunum. Í stefnuskrá hennar stendur að hún styðji kristin gildi og viðhorf sem er að mér vitandi ekki á stefnuskrá neinna hinna flokkana. Er það von mín að Þjóðfylkingunni muni vaxa ásmegin í kosningabaráttunni sem er nú nýhafin og nái fólki á þing. Því þörf er á flokki að mínu mati sem styðja vill við kristna trú og viðhorf.

Kær kveðja

krist.blog.is/blog/krist/

Sjálfstæðisflokkurinn stærstur

Blóð friðþægingarinnar

Billy Graham 

    Er Jóhannes skírari stóð við Jórdan hrópaði hann til mannfjöldans: „Sjá, Guðs lambið, sem ber synd heimsins!"  Jesús Kristur var það Guðs lamb, sem Jóhannes benti á. Í gegnum allt Gamla testamentið er bent á Guðs lamb, sem byrðin er lögð á.  Í Jesaja spádómsbók, 53. kafla, sem skrifað er 750 árum fyrir Krist, segir frá því, að Jesús muni deyja fyrir synduga menn.  Jesús var hafinn frá jörðu og deyddur á krossi.  Hendur hans og fætur voru negldar fastar við krossinn.  Menn fléttuðu kórónu af þyrnum og settu á höfuð honum.  Þeir stungu og spjóti í síðu hans og blóðið tæmdist úr líkama hans. Allt gerðist þetta okkar vegna.  

    Ekki sjaldnar en 460 sinnum er talað um blóð í Biblíunni.  Jesús talaði um sitt eigið blóð 14 sinnum.  Hvers vegna?  Jú, þess vegna að Jesús gaf blóð sitt, til þess að við gætum frelsast.  Hann greiddi skuld okkar, tók burt sekt okkar í augum Guðs.  Hann sagði: „Ég gef líf mitt".  Af frjálsum vilja gaf hann blóð sitt og tók á sjálfan sig þá sekt sem við vorum í gagnvart Guði.  Það er einmitt þetta, sem liggur til grundvallar því að Jesús gaf lif sitt á krossi.  

    En blóð Jesú friðþægir okkur ekki aðeins við Jesús, það réttlætir okkur um leið við Guð. — Að vera réttlættur við Guð þýðir, að hafa fengið fulla fyrirgefningu á syndum sínum, en það þýðir um leið eitthvað meira.  Ég get fyrirgefið þér, en ég get ekki réttlætt þig. Guð fyrirgefur okkur ekki aðeins þær syndir sem við höfum drýgt. Hann klæðir okkur einnig í fulla réttlætingu.  Það þýðir, að það er eins og við höfðum aldrei syndgað. Við verðum hrein eins og nýfædd börn. Ó, hve friðfulllt og yndislegt, að leggja sig á koddann á kvöldin og vita, að maður er laus við syndina, frjáls.  En þetta kostaði blóð Guðs sonar á krossinum.

Líkir Kristi.

    Í Kristi, sem einn líkami í honum, erum við allir sameinaðir gegnum blóð hans. Hér skiptir engu máli hvaða hörundslit við höfum, svartir eða hvítir, eða hver þjóðfélags bakgrunnur okkar er eða hvaðan við komum, því að blóð Jesú hefur sameinað okkur.  Sá milliveggur, sem skildi okkur áður að, hann er nú brotinn niður.

    Blóð Krists gerir okkur jafna alla saman. Hversu dásamlegt að hugsa um þetta, að við eigum ættmenni yfir gjörvalla jörð! Ég hef gengið um frumskóga Afríku, á dimmum vegum Indlands í samfylgd við blóðbræður mína. Við gátum ekki talað saman á jarðnesku tungumáli, en ég sá ljós bróðurkærleikans í andlitum þeirra. Víð umföðmuðum hver annan eins og bræður. Blóð Jesú gefur okkur frið. Við þráum allir fögnuð og frið. Síðan síðari heimsstyrjöldinni lauk, höfum við heyrt um 50 nýjar styrjaldir. Mannkynið þarfnast framar öllu friðar. En svo lengi sem við erum í uppreisn og ósátt við Guð, getum við ekki eignast frið. Stríð og úlfúð í heimi sýnir að mennirnir eru í andstöðu við áætlun Guðs og vilja hans með okkur. Við viljum einfaldlega ekki beygja okkur fyrir siðferði Guðs og ekki viðurkenna Jesúm, sem Drottin. Sem einstakingar þurfum við að friðþægjast við Guð og koma til baka til hans. Og þetta er vissulega mögulegt — aðeins að við viljum það.

Undraverður Kraftur.

    Blóð Jesú hreinsar okkur. Það er undraverður kraftur í blóði Guðs sonar. Við síðustu máltíðina, er Jesús átti með lærisveinum sinum, sagði hann: ;"Þetta er sáttmálablóð mitt, sem úthellt er fyrir marga til syndafyrirgefningar." Hvernig er það með þig ? Ert þú hreinn í Jesú blóði ? Hefurðu fengið réttlætingu? Ertu orðinn fullviss?

Afturelding 1. mars 1972.

Mikilvæg rödd kristninnar