Slit aðildarviðræðna mundi auka álit þorra landsmanna á Ríkisstjórninni.

Oft er því haldið fram af fylgjendum ESB umsóknar að Ríkisstjórninni beri að efna til þjóðaratkvæðagreiðslu um áframhald aðildarviðræðna við ESB.  Undir það tekur Styrmir Gunnarsson fyrrverandi ritstjóri Morgunblaðsins á vef sínum Evrópivaktin.  Þar lætur hann þau ummæli falla um Ríkisstjórnina að hann spái henni fylgishruni í Þingkosningunum 2017 ef ekki verður stefnt til þjóðaratkvæðagreiðslu um afstöðu landsmanna til ESB.  Líkti hann málinu við tap Brasilíska knattspyrnuliðsins á HM við hugsanlegt fylgishrun ríkisstjórnarinnar, þar sem Brasilíska liðið gjörtapaði fyrir þjóðverjum 1:7.  Það er ekkert nýtt að þeir sem hugsa sér vel til glóðarinnar varðandi hugsanlega ESB aðild reyni að gera ríkisstjórnina tortryggilega með ýmsum aðferðum.  Er látið í veðri vaka að rRkisstjórninni beri að stofna til fyrrgreindrar atkvæðagreiðslu og að landsmenn verði að fá að segja hug sinn varðandi áframhald ESB viðræðna. 

Ég vil benda á að Ríkisstjórnarflokkarnir hafa það á stefnuskrá sinni að ESB aðild henti ekki Íslenskri þjóð.  og að í Stjórnarsáttmálanum segir eitthvað á þessa leið; að ekki ekki verði gengið lengra í aðildarviðræðum við ESB nema að undangenginni þjóðaratkvæðagreiðslu.  Það er ekkert fyrirheit þarna um þjóðaratkvæðagreiðslu.  Það má vera að einhverjir sem tjáðu sig fyrir hönd Stjórnarflokkana í aðdragandi síðustu Alþingiskosninga hafi látið einhver orð falla um hugsanlega atkvæðagreiðslu varðandi ESB aðildarviðræður á kjörtímabilinu.  En slík ummæli eru persónulegar skoðanir viðkomandi stjórnmálamanna og endurspegla að mínu mati á engan hátt yfirlýsta stefnu flokks þeirra.  Má segja að þetta hafi verið vanhugsað af viðkomandi að láta þessi ummæli falla.

Á hinn bóginn er tihæfulaust að stofna til þjóðaratkvæðis um mál sem byrjað var á í óþökk þjóðar, með raunverulega einn flokk að baki, það er.  Samfylkingin og Vinstir Græn sem eru andsnúin aðild en ákváðu að fylgja með Samfylkingunni inn í Stjórnarsamstarf 2009 og gerast eins og fylgissveinar hennar og hlýða henni í einu og öllu.  En þar á ég við umsókn um aðild Íslands að ESB og aðildarferlið sem átti sér stað í tíð fyrri ríkisstjórnar sem var ranglega kynnt sem aðildarviðræður.  Eins og alþjóð veit þá var ekki stofnað til þjóðaratkvæðagreiðslu um umsókn að aðild þá og siglt var í gegnum þessar viðræður með tilheyrandi lagabreytingum sem ESB krafðist af Íslendingum sem umsóknarríkis, stofnuð var Evrópustofa sem sá um að útbreiða áróðri fyrir ESB aðild, IPA styrkir komu til.  Allt til að liðka fyrir aðild og til að auka áhuga landsmanna á ESB.  En viðræðurnar sigldu í strand á tíma fyrri ríkisstjórnar, þær voru settar á ís eins og það var kallað.  Var margt ályktað um orsakir þess en sennilegasta skýringin var eflaust sú að áframhaldandi innleiðing á lögum ESB og hugsanlegt framsal yfirráða yfir mikilvægum auðlindum þjóðarinnar var ekki lengur möguleg án breytingar á Stjórnarskrá Lýðveldisins.  Ekki var að undra að  fyrrverandi ríkisstjórn var svo umhugað um að koma fram breytingum á Stjórnarskrá Íslands.

Aðildarviðræðum sem stofnað var til, án vilja þjóðarinnar á að binda enda á, af núverandi Ríkisstjórn og með samþykkt  Alþingis.  Þessum svonefndu aðildarviðræðum var komið á af þáverandi ríkisstjórn á algerlega ólýðræðislegan hátt, ætti að binda enda á, á lýðræðislegan hátt.  Með því að ríkisstjórnin sem hefur á bak við sig atkvæði meirihluta landsmanna sem samþykkti ályktanir hennar varðandi ýmis mál. þar á meðal; afneitun á framsali fullveldis Íslands til ESB, slíti þessum viðræðum.  Og hætti að  láta berast eftir veðri og vindum, með því að láta orð og áróður ESB sinna hræða sig og draga úr sér kjarkinn.  Og ekki má fyrir neinn mun fresta að taka ákvörðun varðandi málið fram yfir næstu kosningar.  Meginþorri landsmanna mundu að ég tel, meta ríkisstjórnina mun meira ef hún hún stígi fram þegar Alþingi kemur saman í haust og slíti þessum viðræðum.

Spáir ríkisstjórninni fylgishruni

Athugasemdir

[Hallgrímur (IP-tala skráð) 11.7.2014 kl. 01:44]

Það var reyndar í auglýsingapésa um stefnu sjálfstæðisflokks en ekki persónulegri yfirlýsingu sem lofað var þjóðaratkvæðagreiðslu. "Kjósendur ákveði í þjóðaratkvæðagreiðslu á kjörtímabilinu hvort aðildarviðræðum skuli haldið áfram“  Þeir sáu síðan ástæðu til að breyta um orðalag þegar farið var að kalla eftir efndum.

Sigmundur Davíð sagði þegar ný ríkisstjórn var kynnt: "Að sjálfsögðu kemur til þjóðaratkvæðagreiðslu en við ákvörðun tímasetningar á henni verður að meta aðstæður“

Það að  ESB aðild fæst aðeins að uppfylltum vissum skilyrðum var ekkert leyndarmál og ekki neinum blekkingum beitt. Aðild fær enginn nema vera hæfur. Það er ekki þannig að einhver fái aðild og geti síðan farið í það að verða gjaldgengur sem aðildarríki. Aðildarumsókn og viðræður kalla á aðlögun og ekkert óeðlilegt eða rangt við það og nokkuð sem allir vissu eða máttu vita. Aðildarferlið sem átti sér stað í tíð fyrri ríkisstjórnar var ekki ranglega kynnt sem aðildarviðræður. Aðildarferli, aðildarviðræður og aðlögun eru eðlilegir undanfarar aðildar.

Viðræðurnar voru "settar á ís eins og það var kallað", köflum lokað og ekki opnaðir nýir mánuði fyrir kosningar. Með kosningar á næsta leiti þótti það ekki nema eðlilegt. Síðan hafa ýmsir reynt að gera það kosningahlé tortryggilegt með sínum persónulegu "líklegustu skýringum".

Eingöngu Alþingi getur sótt um aðild. Alþingi sótti um aðild og Alþingi þarf þá að draga þá aðild til baka. Lýðræðislegra getur það ekki orðið samkvæmt stjórnarskrá okkar. Allt tal um þjóðarskoðanakönnun breytir engu hvað varðar hlutverk Alþingis. Ekki er hægt að gera bindandi þjóðaratkvæðagreiðslu, ábyrðin og valdið verður ekki af Alþingi tekið.

Ríkisstjórnin getur ekki, nema með samþykki Alþingis, dregið aðildarumsóknina til baka. Ríkisstjórnin hefur ekki lagt málið fyrir Alþingi vegna þess að nær öruggt er að meirihluta vantar fyrir afturköllun. Tapi ríkisstjórnin atkvæðagreiðslunni er vilji Alþingis kominn fram og Alþingi hefur vald til að segja ríkisstjórn fyrir verkum. Ríkisstjórninni væru því nauðugir þeir kostir að hefja viðræður að nýju eða slíta þing og boða til kosninga. Og eftir eftirminnileg svik beggja flokka er ekki von á neinum kosningasigri í bráð.

Verði kosið á Alþingi eða í þjóðaratkvæðagreiðslu þá verður það ekki fyrr en á síðustu mínútum kjörtímabilsins. Völdin eru þeim kærari en hugsjónirnar.

[Jóhann Elíasson, 11.7.2014 kl. 09:28]

Eigum við ekki bara að senda þingið heim og ákveða allt í þjóðaratkvæðagreiðslum????  Hallgrímur ætti að lesa stjórnarsáttmálann en þar stendur skýrt: " Viðræðum við ESB verði SLITIÐ og þeim ekki framhaldið nema að undangenginni þjóðaratkvæðagreiðslu".  Að sjálfsögðu er þetta ekki nógu og skýrt fyrir INNLIMUNARSINNA, þess í stað kjósa þeir að hengja sig á einhver ummæli, sem féllu í kosningabaráttunni í hita leiksins......

[Steindór Sigursteinsson, 11.7.2014 kl. 11:16]

Komdu sæll Hallgrímur.  Aðildarsinnar tala oft um kosningasvik núverandi Ríkisstjórnar, en stærstu kosningasvikin voru framin í tíð fyrri ríkisstjórnar þar sem Samfylkingin og Vinstri Græn sem eru andvíg aðild sóttu um inngöngu í ESB, án þess að vilji þjóðarinnar væri þar að baki, það sýndu skoðanakannanir á þeim tíma.  Vinstri Græn hlutu kosningu með þeim áherslum sem flokkurinn hafði en það var ma. að Ísland stæði utan ESB, en Steingrímur og fleiri innan VG létu til leiðast og fylgdu Samfylkingunni inn í aðildarviðræðurnar því látið var í veðri vaka að hér væru aðeins viðræður í gangi að ég tel og hugmyndin væri að "kíkja í pakkann."  Það að fjöldi þingmanna á Alþingi hafi gerst hlyntir því að þjóðaratkvæðagreiðsla eigi sér stað um áframhaldandi aðild, er held ég ávöxtur þess áróðurs sem aðildarsinnar hafa haldið uppi.  Að gera Ríkisstjórnina tortryggilega og að henni beri skylda til að stofna til atkvæðagreiðslu um áframhald þeirra viðræðna sem ranglega var stofnað til af fyrrverandi Ríkisstjórn.  Og vegna þess að ráðherrar Ríkisstjórnarinnar vita hvað landsmönnum er fyrir bestu, að ESB innlimun henti engan veginn hagsmunum landsins og geti reyndar skaðað efnahag ríkissjóðs og meginþorra fyrirtækja, þótt einhver hluti fyrirtækja kynni að hagnast eins og heildsalar.  Ef niðurstaðan í hugsanlegri þjóðaratkvæðagreiðslu yrði Ríkisstjórninni í óhag þá væri það ekki rétt gangnvart ESB, að ríkisstjórnin hefji aðildarviðræður, því vilji verður að standa að baki Þings og þjóðar til inngönu í ESB í aðildarviðræðum.

Þakka þér Jóhann fyrir góð orð.

[Steindór Sigursteinsson, 11.7.2014 kl. 11:22]

Afsakið, það er smá ritvilla sem ég þarf að leiðrétta í athugasemd númer 3.  Ég skrifaði:  "Það að fjöldi Þingmanna á Alþingi hafi gert hlyntir því að þjóðaratkvæðagreiðslu eigi sér stað um áframhaldandi aðild.  Þarna á að sjálfsögðu að standa aðildarviðræður.  Og leiðréttist það þar með.

[Hallgrímur (IP-tala skráð) 11.7.2014 kl. 11:40]

Það vill svo til að þessi "einhver ummæli sem féllu í kosningabaráttunni" voru það sem kosið var um og kom þeim til valda en ekki stjórnarsáttmálinn. Stjórnarsáttmálinn er seinni tíma smíði óheiðarlegra manna sem telja sig ekki bundna af loforðum sem þeir gáfu kjósendum sínum.

[Hallgrímur (IP-tala skráð) 11.7.2014 kl. 12:33]

Vinstri Græn, sem eru andvíg aðild, samþykktu að Alþingi skildi sækja um inngöngu í ESB með þeim fyrirvara að ekki kæmi til inngöngu nema að undangenginni þjóðaratkvæðagreiðslu eftir aðildarviðræður. Á þeim tíma var yfir 60% fylgi við umsókn um aðild samkvæmt skoðanakönnunum. Vinstri Græn, sem eru andvíg aðild, vildu ekki koma í veg fyrir að þjóðin hefði val. Aðild og aðildarviðræður eru ekki það sama, umsókn og innganga eru ekki sami hluturinn. Vinstri Græn sem eru andvíg aðild eru ekki andvíg aðildarviðræðum og 60% þjóðarinnar vildu aðildarviðræður. Vinstri Græn sem eru andvíg aðild eru ekki andvíg því að þjóðinni sé gefið val þegar valkostirnir liggja fyrir. Vinstri Græn sem eru andvíg aðild vita hvernig þau muni sjálf velja en ætla ekki að velja fyrir alla. Það eru ekki kosningasvik að gefa þjóðinni val.

Það að fjöldi þingmanna á Alþingi hafi gerst hlynntir áframhaldandi aðildarviðræðum, er til komið vegna vitneskjunnar um hvað landsmönnum er fyrir bestu, að ESB aðild henti best hagsmunum landsins og sé reyndar ein mesta kjarabót fyrir almenning og fyrirtækin sem til boða standi. Ráðherrar ríkisstjórnarinnar vita þetta og geta því ekki borið málið undir Alþingi nema tapa og þurfa þá að víkja úr sæti geti þeir ekki af heilindum haldið aðildarviðræðum áfram.

[Jóhann Elíasson, 11.7.2014 kl. 17:29]

Hallgrímur, ertu með ferkantaðan leðurhaus?????? Það hefur oft komið fram að það er ekki um NEINAR varanlegar undanþágur að ræða fyrir Ísland í INNLIMUNARVIÐRÆÐUNUM við ESB að ræða.  Hver er þá tilgangurinn með áframhaldandi viðræðum????  Er til svo mikið af peningum að við þurfum að vera að eyða þeim í tilgangslausa vitleysu???? Á meðan heilbrigðis - og menntakerfin eru fjárvana, þá eru INNLIMUNARSINNAR með þetta sem aðalforganginn...........

[Hallgrímur (IP-tala skráð) 11.7.2014 kl. 18:09]

Jóhann, ertu með ferkantaðan leðurhaus?????? Það hefur oft komið fram að við HÖFUM ÞEGAR FENGIÐ varanlega undanþágu fyrir Ísland í aðildarviðræðunum við ESB. Þannig að allar fullyrðingar um annað kemur frá hálfvitum. ERT ÞÚ HÁLFVITI ??????????

[Steindór Sigursteinsson, 11.7.2014 kl. 23:55]

Komdu sæll Hallgrímur.  Burtséð frá því hvort kosningaloforð hafi verið brotin af öðrum hvorum eða báðum aðilunum, þá er það deginum ljósara að óróa gætir á evrusvæðinu og efi er um að evrusamstarfið muni standa.  Athanasios Orphanides, fyrrverandi bankastjóri Seðlabanka Kýpur, ráðleggur Íslendingum að taka ekki upp evru. Pólitískur óstöðugleiki í Evrópu sé slíkur að það væru mistök fyrir hvaða ríki sem er að fara inn á evrusvæðið undir núverandi kringumstæðum, en evrusvæðið sé jafnframt ekki sjálfbært til langframa. Þetta segir Athanasios í samtali við Viðskiptamoggann, sem fjallaði um málið í gær.  Hann segir að evrukreppan hafi verið bein afleiðing af illa ígrunduðum ákvörðunum stjórnvalda í álfunni, en í stað þess að vinna í sameiningu að lausn hennar hafi ríkisstjórnir reynt að færa tapið sem af henni hlaust hver yfir á aðra. Hann telur að ef ekki sé mögulegt að auka pólitískan samruna á evrusvæðinu eigi frekar að vinna í þá átt að liða evrusvæðið í sundur og hverfa aftur til stöðugra umhverfis.  segir Athanasios, en ef ekki finnst lausn á kerfisgöllum evrusvæðisins, þannig að ríkisstjórnir álfunnar geti unnið í sameiningu, þá sé það ekki neinum ríkjum í hag að taka upp evruna.

[Jóhann Elíasson, 12.7.2014 kl. 22:53]

Hallgrímur, hvar eru þessar undanþágur??  Þú virðist vera sá eini sem hefur orðið var við þær.  Því miður virðist þú vera með skít á milli eyrnanna, í það minnsta getur þú ekki svarað öðruvísi en með skítkasti..

[Jóhann Elíasson, 12.7.2014 kl. 23:38]

Svona til áréttingar skal þess getið að í þeim 11 köflum sem er búið að "loka" í INNLIMUNARVIÐRÆÐUNUM ER EKKI EIN EINASTA VARANLEG UNDANÞÁGA.  Kannski eru þessar "undanþágur" einhvers staðar í sjúkum huga Hallgríms?????