Lýðræðinu ekki framfylgt í hinum nýja Borgarstjórnarmeirihluta.

Það kom fram í fjölmiðlum í dag að Dagur B Eggertsson var kjörinn borgarstjórin í dag og að vinstri- meirihlutinn  tók Sjálfstæðisflokkinn með í meirihlutasamstarf sitt en Framsóknarflokkurinn var skilinn fyrir utan.  Gerði hinn nýskipaði meirihluti borgarstjórnar Reykjavíkur Samfylkingin, Björt framtíð Vinstri Græn og Píratar, samkomulag við Sjálfstæðisflokkinn um skipan í helstu nefndir og ráð á vegum borgarinnar, en Framsóknarflokkurinn var algerlega skilinn fyrir utan Borgarstjórnarsamstarfið.  Var ástæðan sú að sögn nýkjörins borgarstjóra að Framsóknarflokkurinn væri "óstjórntækur" vegna ummæli oddvita listans varðandi  lóðaúthlutun fyrir mosku.  Þar með hafa Framsóknarflokkurinn og flugvallarvinir enga fulltrúa í Borgarstjórn.

Ég vil lýsa þeirri skoðun minni á þessari ákvörðun Borgarstjórnar Reykjavíkur að hér sé á ferðinni ljót atlaga að lýðræðinu og lýðræðislegum stjórnarháttum.   Ummæli oddvita Framsóknar, Sveinbjargar Birnu Sveinbjarnardóttur varðandi lóðaúthlutun fyrir moskvu er ekki byggð á útlendingahatri eða fordómum.  Sveinbjörg hefur sagt að lóðaúthlutun eigi að vera afturkölluð og að stofnað verði til íbúakosningar um hvort moska eigi að rísa í Sogamýrinni eða ekki.  Þá geti íbúar Reykjavíkur sjálfir ráðið hvort moska rísi á þessum stað.  Það er bæði óréttlætanlegt og mjög gróft af vinstrimeirihlutanum í borgarstjórn að úthrópa oddvita lista Framsóknar sem rasista og útllendingahatara.

Það er augljóst í mínum augum að þarna er meirihlutinn í Borgarstjórn Reykjavíkur ekki að framfylgja réttum og lýðræðislegum stjórnarháttum.  Listi Framsóknar og flugvallarvina var myndaður með áherslum eins og að; halda vörð um flugvöllinní Vatnsmýrinni, en fyrrverandi Borgarstjórn hafði það að markmiði að taka flugvallarsvæðið undir íbúðabyggð.  Einnig hafði listinn  áform í fjölmörgum málum sem efla áttu hag borgarbúa.  Moskumálið var aðeins eitt mál sem oddviti umrædds lista hafði áætlun um að  tekið yrði  til athugunar og það var ekki að ég tel, eitt af meginkosningamálunum.  Kjósendur Framsóknar og flugvallarvina eiga heimtingu á að lýðræðið fái framgang og þeirra rödd fái að heyrast í Borgarstjórn Reykjavíkur og að þau mál sem listinn setti á oddinn í aðdraganda Borgarstjórnarkosninga fái sína talsmenn í nefndum og ráðum Reykjavíkurborgar.

Varðandi moskumálið vil ég segja að lög þau sem sett voru um ókeypis úthlutun lóða til trúfélaga átti aðeins við kirkjur og þá kirkjubyggingar til handa þjóðkirkjunni.  Og því sé ókeypis úthlutun lóðar fyrir mosku í raun ekki samkvæmt lögum. Ég vil taka fram að ég hef ekkert á móti múslímum sem slíkum og útlendingahatur er fjarri mér.  Þar sem ég er kristinn maður, vil ég veg kristinnar trúar sem mestann hjá íslenskri þjóð og að sem flestir fái að kynnast Jesú Kristi.  Ég er ekki fylgjandi byggingu mosku í Reykjavík þar sem ég tel að slík bygging muni stuðla að aukinni útbreiðslu annarar trúar en kristinnar trúar á Íslandi.

Jesús Kristur sem Kristin trú okkar byggist á gaf líf sitt í lausnargjald svo að við sem trúum á hann myndum fá syndir okkar fyrirgefnar.  Það má segja að hann hafi gerst staðgengill fyrir okkur, að hann tók á sig refsingu þá sem við áttum skilda fyrir syndir okkar og misgörðir.  Trúum á hann og fylgjum honum sem líf sitt gaf fyrir okkur og reis upp frá dauðum á þriðja degi til að sýna fram á sigur sinn yfir dauðanum og að við sem á hann trúum munum lifa þótt við deyjum og munum dag einn rísa upp til fundar við Drottinn í loftinu.  Því Jesús mun koma aftur og hrífa þá upp til hans sem á hann trúa, og munu hinir sem "sofnaðir eru" ekki seinni verða en hinir sem eftir eru á lífi við komu hans.  Jesús mun koma aftur.  Þegar Jesus var burt hrifinn til himins og lærisveinarnir horfðu á eftir honum stóðu hjá þeim allt í einu tveir menn í hvítum klæðum og sögðu:  "Galíleumenn, hví standið þér og horfið til himins?  Þessi Jesús sem varð upp numinn frá yður til himins, mun koma á sama hátt og þér sáuð hann fara til himins."  Postulasagan 1:11

Gagnrýnir útilokun Framsóknar

Athugasemdir

[Gústi (IP-tala skráð) 17.6.2014 kl. 01:25]

Ummæli oddvita Framsóknar varðandi múslima og mosku eru byggð á fordómum. Það sem hún sagði er vel skjalfest, öllum aðgengilegt og flestum auðskilið. Boðuð mannréttindabrot sem hún setti, viljandi eða óviljandi, á oddinn í aðdraganda Borgarstjórnarkosninga fær enga talsmenn í nefndum og ráðum Reykjavíkurborgar meðan afstaða hennar virðist óbreytt. Framsóknarmenn sjálfir skammast sín flestir fyrir hvert hún sótti fylgið og fordæma ummæli hennar.

Og það er ekkert lýðræðislegt við það að kjósa um hvort brjóta skuli á minnihlutahópum. Eigum við að kjósa um hvort blökkumenn fái að búa í blokkinni eða fólk af asískum uppruna í hverfinu? Mannréttindi fara ekki í íbúakosningu og aðeins fordómafullt fólk stingur upp á þvílíku.

Aldrei hefur verið íbúakosning um kirkjubyggingu. Og íbúakosningar um aðrar byggingar heyra til undantekninga. Íbúakosningar eru skoðanakannanir og ekki bindandi fyrir bæjarstjórnir. Bæjarstjórnir geta ekki firrt sig ábyrgð og skyldum með íbúakosningu.

[Steindór Sigursteinsson, 17.6.2014 kl. 10:03]

Komdu sæll Gústi.  Ég hafði ef til vill rangt fyrir mér þar sem ég sagði að venjan væri að stofna til íbúðakosningar þegar meiriháttar byggingar eins og td. kirkjur væru byggðar, og biðst ég velvirðingar á því.  Heyrir það til undantekninga, eins og þú sagðir að stofnað sé til íbúðakosninga í slíkum tilvikum.  Ég tel ekki að Sveinbjörg Birna sé fordómafull heldur aðeins varkár.  Aðgæslu ber að gæta þegar stórar ákvarðanir eins og að leifð sé bygging mosku í Reykjavík.  Skoða þarf hvort fyrirhuguð framkvæmd með hugsanlegri aukningu múhameðstrúar á Íslandi geti ekki haft einhver áhrif, til góðs eða ills.  Skoða þarf hvort einhver hætta eða hvort þjóðaröryggi sé ógnað á einhvern hátt, þegar ný trúarbrögð hasla sér völl á Íslandi.  Er reynslan í öðrum löndum góð eða slæm þar sem viðkomandi trú er ríkjandi?  Ég tel að við eigum ekki að vera fordómafull heldur að skoða málin inn í kjölinn.

[Gísli Sigurðsson, 17.6.2014 kl. 10:40]

Hvernig er staðan í Hlíðunum/Öskjuhlíð? Múslimar eru búnir að vera með tilbeiðslusal í Ými eins og húsið var kallað þegar Karlakór Reykjavíkur átti það. Veit ekki hvort þeir kalla það mosku, en þar á er stigsmunur en ekki eðlis. Múslimar eru á Íslandi hvort sem okkur líkar betur eða verr, og hvort sem Moska verður byggð á fyrirhuguðum stað eða ekki.

[Steindór Sigursteinsson, 17.6.2014 kl. 11:22]

Komdu sæll Gísli.  Það er náttúrulega ekkert upp á þá músíma að sakast sem búa á Íslandi, held ég.  En með tíð og tíma gætu slæðst hingað til lands menn sem ekki hafa gott í hyggju.  Það er þvi gott að athuga það mál vel, hvort leyfa eigi byggingu mosku í Reykjavík.  því moska mundi, að ég tel, hafa mikið aðdráttarafl fyrir múhameðstrúarfólk til að setjast hér að.

[Gústi (IP-tala skráð) 17.6.2014 kl. 13:01]

Stjórnarskrá og lög okkar hafa þegar tekið á því hvernig bregðast skuli við. Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti. Ef við ætlum okkur að vera með einhver önnur viðbrögð þá erum við brotleg við þessar grundvallarreglur þjóðfélags okkar. Fordómar og hræðsla eru einfaldlega ekki gjaldgeng í umræðuna. Enda hefur það sýnt sig að þegar fordómar okkar fá að ráða þá sendum við þá sem hjá okkur leita skjóls til baka í opinn dauðann.

Að rugla saman trú og siðum, venjum og pólitík virðist algengt þegar rætt er um múslima. En hver hefur viljað dæma kristna eftir hegðun Írskra nunna gagnvart einstæðum mæðrum og börnum þeirra? Gasklefunum sem lúterskir þjóðverjar reistu? Hryðjuverkum trúflokka á Írlandi sem börðust alla síðustu öld? Kynferðisbrotum presta? Fjöldamorðum kristinna í stríðinu í Júgóslavíu? Morðum kristinna bandarískra hermanna og öryggisvarða á konum og börnum í Írak og Afganistan? Og svo mætti lengi telja. 

[Steindór Sigursteinsson, 17.6.2014 kl. 17:24]

Komdu sæll Gústi.  Það er alls ekki ætlun mín að ala á fordómum gagnvart Múslimum með skrifum mínum.  Múslímar eru stórum hluta  að að ég held ágætis fólk sem engum vinnur mein.  En ég hef mikið hjarta fyrir kristinni trú og get þess vegna ekki að því gert að ég er ekkert hrifinn að því að önnur trúarbrögð nái of mikilli fótfestu á Íslandi.