Veljum stöðugleika og góð lífskjör fyrir alla í landinu.

 Í dag kjósum við til Alþingis 2013, þann flokk sem við treystum best.

Ég bið ykkur, kæru kjósendur að velja þann flokk sem býður upp á stöðugleika í fjármálum ríkisins, sem skilar sér í betri afkomu fyrir fólkið í landinu og atvinnulífið.

Sem býður raunhæfar lausnir í lánamálum heimilanna.  Lækkun á höfuðstól með skattaafslætti og enn meiri höfuðstólslækkun með séreignarsparnaði.  Vextir sambærilegir og í nágrannalöndunum. Verð og óverðtryggð lán og seinna ef  aðstæður leyfa afnám verðtryggingar.  Við þetta má bæta afnámi stimpilgjalda og að leifilegt sé að skila lyklum af húsnæði sé greiðslugeta óyfirstíganleg ásamt aðgerðum sem auðvelda eiga leið inn á fasteignamarkaðinn.

Sem býður raunhæfar lausnir fyrir atvinnulífið.  Afnám gjaldeyrishafta, lækkun skatta og gjalda, eflingu einkafaramtaks og nýsköpunar, minni ríkisafskipti og miðstýringu.  Og síðast en ekki síst stöðugt umhverfi fyirir atvinnulífið.

Sem býður raunhæfar lausnir fyrir alla landsmenn.  Lækkun tekjuskatts og virðisaukaskatts og lækkaðar álögur á bensíni.

Kjósum Sjálfstæðisflokkin (X-D) í dag! 

Landsmenn ganga að kjörborðinu

Jesús Kristur Guðs sonur öllum æðri.

Þegar Jesús var að koma að lokum 3 ára þjónustu sinnar hér á jörðu, sendu æðstu prestarnir og farísearnir þjóna til að handtaka Jesú.  Þeir komu til baka tómhentir, þeir höfðu ekki handtekið Jesú.  Vitnisburður þeirra sýndi að þeir höfðu orðið tilfinningalega, siðferðislega og andlega snertir af nærveru Jesú og því sem hann hafði að segja.  Þegar þeir voru spurðir "Hvers vegna komuð þér ekki með hann?" þá svöruðu þeir: "Aldrei hefur nokkur maður talað þannig."  Með því að heyra í Kristi og finna máttinn í orðum hans, fylltust þeir slíkri lotningu á honum og ótta, að þeir gátu ekki álitið hann vera illgjörðamann eða falskrist. 

Hann hafði eiginleika eins og: siðferðileg heilindi og guðlegt réttlæti sem gerðu hann ólíkan öllum öðrum mönnum, ólíkur Rabbínunum kennimönnum Gyðinga og spámönnunum sem voru sendir af Guði.  Það sem hann hélt fram og kenndi fór langt fram úr því sem Rabbínarnir höfðu  fram að færa.  Kennsla hans var þrungin sannleika og einlægrar ástar á Guði.  Hann var heill, heilagur í öllum sviðum lífs síns, hann hafði samúð með þeim sem höfðu fallið á einhvern hátt, eins og til dæmis tollheimtumönnum og bersyndugum.  Hann bauð þeim fyrirgefningu sína.

Þekking hans á lögmálinu , jafnvel þegar hann var aðeins 12 ára gerðu Rabbínana forviða.  Jesús átti ríkt bænasamfélag við Guð, hann beið hljóðlega og hægversklega en með krafti, hann fór oft upp á fjall til að biðjast fyrir.  Kraftaverkin sem  hann gerði tóku fram úr þeim kraftaverkum sem Elía og Elísa spámenn gerðu, slík Kraftaverk höfðu ekki sést í Ísrael í 15 aldir síðan brottför Ísraelsmanna úr Egyptalandi átti sér stað.  Þrátt fyrir það kallaði hann sjálfan sig hógværan og hann hrokaðist ekki upp.

Þótt hann væri maður, var hann einstækur og aðgreindur frá öllum öðrum.  Persónu eiginleikarnir sem hann bjó yfir og verkin sem hann gerði sýndu svo ekki var um villst að hann var Messías sem lofað hafði verið og sem koma átti í heiminn.  Þessir eiginleikar voru hans fullkomlega siðferðislega heill persónuleiki.  Hann var Messías, og hann var í heiminum;  Orðin hans, gerðir hans og hvernig hann lifði lífinu staðfestu guðlegt hlutverk hans og stöðu.  Í Guðs orði Jóhannesarguðspjalli 1:10-12 stendur:  "Hann var í heiminum, og heimurinn var orðinn til fyrir hann, en heimurinn þekkti hann ekki.  Hann kom til eignar sinnar, en hans eigin menn tóku ekki við honum.  En öllum þeim, sem tóku við honum, gaf hann rétt til að verð Guðs Börn, þeim er trúa á nafn hans."

Við skulum líta á: að hvaða leiti Jesú var einstakur:

1)  Hann er einstakur hvað persónuleika varðar.  Hebreabréfið 1:1-13. "Hann (Kristur) sem er ljómi dýrðar hans og ímynd veru hans (Guðs) og ber allt með orði máttar síns, hreinsaði oss af syndum vorum og settist til hægri handar hátigninni á hæðum." v3.

2)  Fæðing hans var einstök.  Lúkasarguðspjall 1:26-35  a) Hann var fæddur af mey sem Jesaja spámaður hafði spáð fyrir um 700 árum áður. b) Hann fæddist í Betlehem samkvæmt spádómi Míka 700 árum áður. c) Fæðing hans var kunngjörð af englum. d) Hann fæddist nokkrum vikum eftir fæðingu Jóhannesar, sem engllinn Gabríel sagði um að væri sá sem myndi ryðja brautina fyrir hann. e) Vitringar komu að veita honum lotningu þegar hann lá í jötu. f) Fæðing hans var kunngjörð með stjörnu sem birtist á himni. g) Herskarar engla lofuðu Guð við fæðingu hans. h) Heródes reyndi að myrða hann. i) Fæðing hans var fagnað af Símeon og Önnu sem sögðu hann vera Messías. í) Fyrir fæðingu hans gaf engill honum nafnið  Jesús, sem þýðir Guð frelsar.

3)  Þjónusta hans var einstök.  Markúsarguðspjall 1:21-28.   a) Hann var mesti kennari sem nokkru sinni hafði verið uppi.  b) Hann gerði meiri kraftaverk en nokkur annar hafði áður gert.  Hann gaf að eta 5000 manns og síðan öðrum 4000.  Hann lægði storm meira en einu sinni.  Lét mikinn fisk veiðast í net,  gekk á vatni, rak út illa anda, reisti Lazarus upp frá dauðum.  c) Hann læknaði fjölda fólks.  Hann lét blinda sjá, heyrnarlausa heyra, lamaða ganga.

4)  Hann var einstakur vegna þess hvernig hann dó og hvað gerðist við dauða hans.  Jóhannersarguðspjall 19:16-30 a) Sem Messías dó hann fyrir syndir fólksins, þar uppfyllti hann spádóm Davíðs skrifaðan 1000 árum áður, og spádóm Jesaja 700 árum áður, Sakaría 450 árum áður. b) Jesús spáði fyrir um dauða sinn. d) Lambið sem Ísraelsmenn slátruðu og átu og rjóðuðu blóðinu á dyrastafi húsa sinna áður en þeir gengu burt frá Egyptalandi var eins og táknmynd fyrir dauða Krists og að hann skildi úthella blóði sínu fyrir syndir mannkyns. c) Hann gaf líf sitt sjálfviljuglega. d) Guð huldi auglit sitt fyrir honum um stund, því að þótt hann hefði enga synd, tók hann synd alls heimsins á sig. e) Þótt hann þjáður væri bað hann bað Guð að fyrigefa óvinum sínum. f) Heilög og lýtalaus hegðun hans á krossinum, fékk annan ræningjann sem krossfestur með honum til að meðtaka hann sem frelsara og fá fyrirgefningu.

5)  Hann var einstakur þar sem hann reis upp frá dauðum.  Jóhannesarguðspjall 20:1-31 a) Hann reis upp samkvæmt spádómum Gamla Testamentisins. b) Hann spáði fyrir um upprisu sína. c) Hann reis upp þrátt fyrir að óvinirnir innsigluðu steininn sem lokaði gröf hans. d) Hann birtist fyrst konum. e) Hann birtist lærisveinum aftur og aftur í 40 daga.

6)  Hann var einstakur að því leiti að hann steig upp til himna.  Postulasagan 1:1-19. a)     Hann reis upp til himna, til að vera með föður sínum. b) Hann gaf lærisveinum sínum fyrirheit að þeir myndu fá kraft er Heilagur andi kæmi yfir þá. d) Hann gaf lærisveinum sínum skipun um að prédikka fagnaðarerindið í Jerúsalem og út um allan heim. e)  Hann settist við hægri hönd föðurins.

7)  Hann er einstakur því hann mun koma aftur.   Matteusarguðspjall 16:27. "Mannssonurinn mun koma í dýrð föður síns með englum sínum, og þá mun hann gjalda sérhverjum eftir breytni hans."   a) Hann mun ekki koma í þetta sinn sem lamb leitt til slátrunar, heldur í krafti og hátign sem "ljónið af Júda ættkvísl" opinberunarbókin 5:5. b) Hann mun reisa upp þá sem dánir eru í trú á Krist, og síðan munu þeir sem á lífi eru og trúa á hann vera "hrifnir burt í skýjum til fundar við Drottinn í loftinu" og munu vera með Drottni alla tíma. c) Koma Drottins Jesú verður "Eins og þjófur um nótt" Matteus 24:36;42-44 ,"daginn eða stundina veit enginn" Matteus 24:36-44 d) Hann mun stofna 1000 ára friðarríkið á jörðu sem lofað hafði verið  e) Hann mun binda enda á hið illa.

Jesús mun koma aftur til að hrífa burtu þá sem trúa á hann, bæði þá sem "sofnaðir eru" og hina sem eru á lífi við komu hans.  "Ekki viljum vér, bræður, láta yður vera ókunnugt um þá, sem sofnaðir eru til þess að þér séuð ekki hryggir eins og hinir, sem ekki hafa von.  Því að ef vér trúum því að Jesús sé dáinn og upptrisinn, þá mun Guð fyrir Jesú leiða ásamt honum fram þá, sem sofnaðir eru.  Því það segjum vér yður, og það er orð Drottins, að vér, sem verðum eftir á lífi við komu Drottins, munum alls ekki fyrri verða en hinir sofnuðu.  Því að sjálfur Drottinn mun stíga niður af himni með kalli, með höfuðengils raust og með básúnu Guðs, og þeir , sem dánir eru í trú á Krist, munu fyrst upp rísa.  Síðan munum vér, sem eftir lifum, verða ásamt þeim hrifnir burt í skýjum til fundar við Drottinn í loftinu.  Síðan munum vér vera með Drottni alla tíma."     1 Þessalonikubréf 4:13-17. 

Kæru landsmenn!  Guðs orð segir að það muni koma mikil "þrenging" yfir Jörðina.  Guðs orð segir að á þessum tíma sem burthrifning hinna trúuðu á sér stað muni "þrengingin mikla" sem Biblían talar um vera skollin yfir heimsbyggðina.  "Það mun vera sú mesta þrenging sem engin hefur þvílík verið frá upphafi heims allt til þessa og mun aldrei verða" sagði Jesús um þessa viðburði. Og hann bætti við:  "Ef þessir dagar hefðu ekki verið styttir, kæmist enginn maður af.  En vegna hinna útvöldu munu þeir dagar styttir verða"  Matterusarguðspjall 24:21 og 22. 

Guðs orð segir að "Dagur Drottins komi sem þjófur á nóttu " þegar enginn á hans von.  Enginn veit daginn eða stundina heldur aðeins Guð Faðirinn á himnum.  Kæru landsmenn snúið yður til Jesú Krists sonar Guðs á meðan tími er til.  Svo þér mættuð frelsast og fá syndir yðar fyrirgefnar og eignast frið við Guð fyrir fórnarverk Jesú Krists sem hann vann á Krossinum!

Varðandi þrenginguna miklu og undanfara hennar og burthrifninguna þá er það mál það yfirgripsmikið að ég útlista það ekki frekar hér heldur er það efni í aðra bloggfærslu.

 

 

 

 

Öflugt atvinnulíf er undirstaðan fyrir bættum lífskjörum á Íslandi.

Ég tel að Sjálfstæðisflokkurinn eigi skilið að landsmenn ljái flokknum atkvæði sitt á laugardaginn.  Því flokkurinn leggur mikla áherslu á uppbyggingu Íslensks atvinnulífs, sem undirstöðu undir uppbyggingu lífskjara hérna í landinu og bætts efnahags ríkissjóðs.   Án innspítingar í atvinnulífið og fjárfestingar og nýsköpunar, nær atvinnulífið ekki að ná sér á strik með fjölgun starfa hækkandi launum og bættrar afkomu fólksins í landinu.  En ég tel að Sjálfstæðisflokkurinn undir forystu Bjarna Benediktssonar hafi þarna innsæi og skíra mynd af því til hvaða aðgerða beri að taka atvinnuvegunum til viðreisnar.

Aðgerðir þær sem Sjálfstæðisflokksmenn boða til að létta til með fólki með húsnæðislán eru ekki óraunhæfar eða of dýrar með tilliti til gengis ríkissjóðs.  Heldur eru þær framkvæmanlegar nú þegar og eru þegar allt er meðtalið sem flokkurinn býður eins og lækkun skatta, virðisaukaskatts og bensíns,  mjög góður kostur fyrir fólk.

Framsókn stærst í könnun Stöðvar 2

Hvers vegna að ljúka aðildarviðræðum, þar sem þjóðin er andvíg aðild að ESB ?

Núna í aðdraganda kosninga er mikið rætt um stjórnmál og stefnur hinna mismunandi flokka og framboða.  Umræðuþættir eru sýndir í sjónvarpi við frambjóðendur og skoðanakannanir eru birtar til að sýna nýjustu tölur af fylgi.  Niðurstöður þessara skoðanakannana hafa sýnt fram á mikil stökk upp og niður í fylgi margra framboðanna.

Í dag greindi Fréttablaðið frá því að fylgi stóru flokkanna, Framsóknarflokks og Sjálfstæðisflokks hafi minnkað frá síðustu skoðanakönnun sem gerð var í síðustu viku.  Fylgi Sjálfstæðisflokks mældist 23,8% og Framsóknarflokks 25,8%, fylgi Vinstri Grænna hefur hins vegar aukist og mælist nú 10,4%.

Ég tel að ástæðan fyrir þessu minnkandi fylgi vera tvímælalaust vegna þess að í umræðuþætti stöðvar 2 vegna Alþingiskosninga 2013, áttu talsmenn Framsóknar og Sjálfstæðisflokks í mestu vandræðum með að svara þeirri spurningu sem beint var til þeirra, hvort flokkar þeirra ætli að standa við eigin stefnu varðandi að hætta beri aðildarviðræðum við ESB.  En samkvæmt skoðanakönnunum Félagsvísindastofnunar og Háskóla Íslands, vill meirihluti þjóðarinnar  52,7%  ljúka aðildarviðræðum, á móti 30,7 sem vilja hætta þeim.

Ég tel að Framsókn og Sjálfstæðismenn ættu ekki að skammast sín fyrir, eða vera hræddir við að játa yfirlýsta stefnu sína í þessum efnum.  Ég tel það vera af vanhugsuðu máli sem landsmenn vilja ljúka aðildarviðræðunum við ESB.  Ég álít að það sé engin ástæða til að "ljúka þessu máli" eins og sumt fólk lýsir yfir.  Meirihluti Landsmanna kærir sig ekki um aðild að ESB, og hvers vegna þá að klára aðildarviðræðurnar þar sem þær eru mjög kostnaðarsamar, og taka mikið af tíma ráðamanna sem með þetta mál fara, tíma sem nýst gæti til uppbyggilegri hluta?

Ég vil segja að fólk ætti ekki að vera hrætt við að ljá þessum tveimur flokkum atkvæði sitt, vegna þessa tiltekna máls, sem rætt var um í viðræðuþætti stöðvar 2.  Ég tel að þetta mál skipti í raun mjög litlu máli, ég treysti Sjálfstæðismönnum vel til að  taka að sér það vandasama verkefni að fara með stjórn Landsins okkar,  Íslands.

Ég tel að við eigum ekkert erindi í ESB.  Með inngöngu í sambandið færist valdið yfir veigamiklum  þáttum fullveldis okkar yfir til Brussel, en það er meðal annars:

1.  Yfirráðin yfir 200 mílna fiskveiðilögsögu.

2.  Rétturinn til að gera fiskveiðisamninga við önnur riki.

3   Rétturinn til að gera viðskiptasamninga við önnur ríki.

4.  Réttur til að leggja á tolla eða afnema tolla.

5  Æðsta dómsvald framselt til ESB-dómstólsins, sem útheimtir breytingu á stjórnarskrá Íslands.

Og þannig mætti lengi telja.  Við skulum minnast þess að einmitt í krafti sjálfstæðis síns bætti þjóðin lífskjör sín frá því að vera ein fátækasta þjóð Evrópu til að vera ein sú ríkasta.  Við Íslendingar ættum ekki að taka ákvörðun um ESB aðild út frá skammtímasjónarmiðum eins og aðsteðjandi kreppu eða bágs gengis Krónunnar.  Leyfum komandi kynslóðum að njóta þeirra forréttinda að búa í landi sem laust er við erlend yfirráð.

Ég hvet ykkur til að velja þann stjórnmálaflokk sem hefur þá yfirlýstu stefnu að Ísland verði utan ESB, sem býður raunhæfar lausnir til handa skuldara íbúðalána, býður lækkaða skatta og gjöld Heimilunum og Atvinnulífinu til hagsbóta.

Veljið Sjálfstæðisflokkinn (X-D) í næstu kosningum!

Fylgi stóru flokkanna minnkar

Bætt fylgi Sjálfstæðisflokksins er gleðiefni.

Eftir rúma viku göngum við til kosninga.  Munum við þá velja þann flokk sem við teljum best treystandi til að taka að sér stjórn landsins okkar.  Þá kemur upp í hugann það sem okkur finnst brýnast að komandi ríkisstjórn geri fyrir okkur.  Lánamál heimilanna hafa þarna verið efst á baugi hjá allflestum landsmanna.  Lausnir framboðanna eru margs konar í þessum viðkvæma málaflokki.  Hefur oft verið talað um að lausnir sumra framboðanna séu óraunhæfar miðað við hvernig staða ríkissjóðs er núna.  Samkvæmt skoðanakönnunum undanfarnar vikur eru þeir flokkar sem njóta mest fylgis Framsóknarflokkur og Sjálfstæðisflokkur.

Samkvæmt skoðanakönnun Gallup í dag er fylgi Sjálfstæðisflokksins 24% á móti 27% hjá Framsókn, og að skoðanakönnun MMR sýndi fram á meira fylgi hjá Sjálfstæðisflokki en hjá Framsókn.  Kemur fram á MBL.IS að aukið fylgi hjá Sjálfstæðisflokknum sé vegna þess að fyrrum fylgjendur flokksins séu að "snúa heim".

Það vill oft verða svo að menn láta glepjast þegar glæsi tilboð berast þeim.  Og raunin varð sú að:  Í þoku og illviðri, innistæðulítilla kosningaloforða hinna framboðanna, villtust sumir fylgjendur Sjálfstæðisflokksins í burtu frá flokknum.  Eins og oft vill brenna við hjá okkur mannfólkinu þá var grasið í þeirra huga, grænna hinum meginn.  En góðu heilli, virðast þeir nú hafa áttað sig, og eru nú að snúa heim,  heim til heimastöðvanna,  Sjálfstæðisflokksins.

Sjálfstæðisflokkurinn býður raunhæfar lausnir í húsnæðislánum, þær eru að sögn Sjálfstæðismanna hvorki of íþyngjandi fyrir þjóðarbúið né skapa þær óstöðugleika né mikla verðbólgu.  Þær virðast í fyrstu sýn vera umfangsminni en þær lausnir sem td. Framsóknarflokkurinn eða Samfylkingin hafa upp á að bjóða.  En þegar grannt er skoðað sjáum við að þeim til viðbótar eru aðgerðir sem flokkurinn hyggst  framkvæmda til að létta til með heimilunum (Lækkun tekju- og virðisaukaskatts og lækkun bensínverðs), sem gerir það að verkum að á heildina er litið eru lausnir flokksins heimilunum til handa verulega álitlegur kostur.  (Lausnir varðandi lánamál heimilanna eru ma: Stimpilgjöld afnumin, skattaafsláttur af greiðslum inná lán, hluti séreignarsparnaðar renni til innborgunar á láni, boðið upp á verðtryggð og óverðtryggð lán, að vaxtaprósenta verði sambærileg og í nágrannalöndunum, minnkandi vægi verðtryggingar, og ef aðstæður leyfa verði verðtrygging afnumin)

Aðgerðir fyrir fyrirtækin og atvinnulífið í landinu eru að ég tel vel úthugsaðar lausnir, vel til þess fallnar að koma atvinnulífinu á skrið aftur og skapa hér velmegun í landinu.  Því undirstaðan fyrir góðu gengi ríkisjóðs og fyrir bættum lífskjörum fólksins í landinu er öflugur atvinnuvegur ásamt fjárfestingu og nýsköpun.  (Meðal þessara aðgerða eru:  Afnám gjaldeyrishafta, lægri skattar og gjöld til fyrirtækja, minni ríkisafskipti og miðstýring, stöðugt umhverfi fyrir atvinnulífið með fjölgun starfa og hækkandi launum).

Ég vil hvetja þig til þess að ljá atkvæði þitt þeim flokki sem býður upp á raunhæfar lausnir fyrir fólkið í landinu til bættra lífskjara.

 

 

 

Framsókn stærst í könnun Gallup

Hugleiðing um Kristna trú og stjórnmál.

Núna þegar styttist í kosningar er gott að leiða hugann að því hvað það er sem helst fær eflt hag Íslensku þjóðarinnar og fólksins í landinu.  Stjórnmálaflokkar og framboð hafa margar góðar lausnir sem fært geta okkur margskonar umbætur á ýmsum sviðum lífs okkar og afkomu.   Það er eitt sem ekki má gleymast í öllu sem við tökum okkur fyrir hendur í dagsins önnum, í vinnu og leik og núna í aðdraganda kosninga, en það er: Guð almáttugur skapari himins og jarðar sem vill og er fær um að hjálpa okkur.  Hann sendi okkur son sinn Jesú Krist, til að koma sem lítið barn, lifa á meðal manna, kenna okkur veginn til hjálpræðis og hvernig við eigum að haga lífum okkar og síðan að vera deyddur, krossfestur fyrir syndir okkar og að síðustu að rísa upp á þriðja degi.  Í trúnni á hann höfum við öruggan aðgang að Guði og getum komið til hans með það sem okkur liggur á hjarta, getum beðið til hans og ef við biðjum samkvæmt hans vilja bænheyrir hann okkur.

Ég tel að Kristin  trú og Kristin gildi séu eins og meira óljós í hugum margra landsmanna en fyrir nokkrum árum og áratugum.  Kristinni trú í þjóðfélaginu hefur verið, eins og ýtt til hliðar í sumum þáttum mannlífsins.  Kristilegri kennslu og Kristilegum áhrifum hefur veið eins og meira og meira ýtt út úr skólakerfinu.  Kristnifræðikennsla í Grunnskólum er ekki eins góð og ýtarleg og þegar sá er þetta ritar var í skóla, og það má segja að Kristin trú sé núna aðeins kynnt lítillega ásamt öðrum trúarbrögðum í skólum landsins.  Heimsóknir Presta og Gídeonmanna og annara sem boða fagnaðarerindið eru ekki leyfðar í mörgum grunnskólum landsins. 

Mér finnst að þar sem Kristin trú hafi að einhverju leiti verið á undanhaldi á Íslandi þá hafi almennu siðferði hnignað í samfélagi okkar á síðustu árum og áratugum.  Ég sé það í mörgum þáttum mannlífsins, eins og framkomu fólks manna á milli, maður heyrir það í fréttum að fólk eigi í útistöðum hvert við annað meira en áður var.  Hegðun fólks á netinu er líka oft á tíðum mjög slæm, tíðni glæpa þar á meðal nauðgana og ofbeldis, hefur aldrei verið eins mikil og undanfarin ár, fólk ber minni virðingu fyrir valdhöfum og hegðun fólks á Alþingi Íslendinga er ekki eins og við áttum að venjast fyrir nokkrum árum.

Mér finnst að Kristin trú sé eins og meðalið við þessu öllu.  Að hún sé eins og saltið sem Jesús Kristur talaði um, sem kemur í veg fyrir siðspillinguna og hnignunina í þjóðfélaginu.  Í Biblíunni, Guðs orði stendur:

"Þér eruð salt jarðar.  Ef saltið dofnar, með hverju á að selta það?  það er þá til einskis nýtt, menn fleygja því og troða undir fótum."  Matteus 5:13  Guðs orðið kennir okkur að greina gott frá illu og feta hinn rétta veg, og að lifa hvern dag öðrum til blessunar.

Ég vil hvetja alla sem starfa að stjórnmálum og alla þá sem þetta lesa, að koma með málefni og vandamál líðandi stundar til Guðs, og treysta á hann sem skapað hefur alla hluti og allt vald hefur á himni og jörðu.  Það mundi verða þeim og þjóðinni til mikillar gæfu og blessunar.  Mættu Kristin trú og Kristin gildi ráða í gjörðum þeirra sem að stjórn Íslensku þóðarinnar koma eftir næstu kosningar og mættu Kristin gildi ráða við gerð laga í stjórnkerfinu.  Mig langar til að segja að Jesús Kristur og trúin á hann er besta lausnin fyrir Íslendinga og allan heiminn.

Jesús Kristur, Guðs sonur dó á krossi fyrir þig til að borga gjaldið fyrir syndir þínar. 

Þegar hann var í Getsemanegarðinum, áður en hann var krossfestur, vissi hann hvað yfir hann mundi koma, og hugsunin um að mega sleppa frá þessu öllu, þar meina ég krossfestingunni, kom upp í huga hans.  Hann bað til föður síns:  "Ef verða má, þá fari þessi kaleikur frá mér, þó ekki sem ég vil, heldur sem þú vilt".  Matteus 26:39b

En hann harkaði af sér og lét þessa hugsun hverfa sér úr huga.  Hann var handtekinn og dæmdur til dauða, húðstrýktur og þyrnikóróna sett á höfuð hans, og hann bar kross sinn upp á Golgatahæð, þar sem  hann var krossfestur.  Hann gerði þetta allt vegna þín til þess að þú mættir eignast eilíft líf í gegnum trú á hann.

Skuldabréfið varð að greiða.  Guð varð að láta son sinn koma og deyja fyrir þig, til að greiða skuldabréfið vegna synda þinna.  Þannig varð að fullnægja öllu réttlæti.  En þú þarft að taka á móti þessari gjöf.  Í Biblíunni, Guðs orði stendur:  "því að svo elskaði Guð heiminn, að hann gaf son sinn eingetinn, til þess að hver sem á hann trúir, glatist ekki heldur hafi eilíft líf."  Jóhannesarguðspjall 3:16

Tak á móti Jesú Kristi.

Bjarni Benediktsson ætti ekki að segja af sér.

Varðandi það að Bjarni Benediktsson hafi lýst því yfir að hann ætli að íhuga hvort hann eigi að víkja til hliðar sem formaður Sjálfstæðisflokksins, vil ég segja þetta: 

Bjarni ætti ekki að segja af sér formennsku Sjálfstæðisflokksins, hann ætti að muna að það er fólk sem stendur á bak við hann og treystir honum til að leiða flokkinn farsællega.  Það eru þeir sem ljáðu honum atkvæði sitt á Landsfundi Sjálfstæðisflokksins og við hin, þar á meðal sá sem þetta skrifar, sem finnst honum fyllilega treystandi til þess að leiða Sjálfstæðisflokkinn, í gegnum næstu kosningar og vonandi taka þátt í æðstu embættum næstu ríkisstjórnar.

Bjarni ætti ekki að taka of alvarlega könnun MMR.  Ég held að raunveruleg ástæða fyrir fylgistapi Sjálfstæðisflokksins sé ekki vegna persónu formannsins heldur vegna tilboðs Framsóknarflokksins varðandi flata niðurfærslu húsnæðislána heimilanna.

Bjarni var löglega endurkjörinn á Landsfundi flokksins í nóvember 2011, þegar Hanna Birna Kristjánsdóttir bauð sig fram gegn honum.   Bjarni  hlaut  55% atkvæða en Hanna Birna rúm 44%.    Í ljósi þess fylgis ætti hann að halda ótrauður áfram.  Það mundi, held ég valda óánægju og ólgu í flokknum meðal stuðningsmanna hans og ekki bæta ímynd flokksins ef skipt væri út formanni svona rétt fyrir kosningar.

Mér finnst Bjarni vera ákveðinn og kjarkmikill stjórnmálamaður sem mundi verða þjóð sinni til mikils gagns og landi sínu til sóma, ef hann yrði valinn í æðsta embætti komandi ríkisstjórnar.

 

Við  Bjarna Benediktsson vil ég segja þetta:  Harkaðu af þér, og láttu þessa hugmynd um að segja af þér formennsku hverfa úr kollinum á þér.  Við Sjálfstæðismenn og fólkið í landinu þurfum á þér að halda!

 

Við þá sem horfið hafa yfir frá Sjálfstæðisflokki yfir til Framsóknarflokks með fylgi sitt, vil ég segja þetta: Er grasið nokkuð grænna hinum megin?  Er ekki Sjálfstæðisstefnan sú besta, heimilunum og atvinnulífinu til hjálpar, í þeim mikla öldudal sem þjóðin er í núna?

 

Og við landsmenn vil ég segja þetta:  Setjið X-ið við D-ið í næstu kosningum!

 

Að lokum vil ég segja að Jesú Kristur er besta svarið Íslandi og heiminum til handa.  Hann gaf líf sitt svo að við mættum lifa.  "Því svo elskaði Guð heiminn, að hann gaf son sinn eingetinn til þess að hver sem á hann trúir glatist ekki, heldur hafi eilíft líf".  Og að "Guð sendi ekki soninn (Jesú Krist) í heiminn ekki til að dæma heiminn, heldur til að heimurinn skyldi frelsast fyrir hann".  Jóhannes 3:16,17.

Óvissa um framtíð Bjarna

Leyfið Bjarna Benediktssyni að sanna sig.

Hvað eru fylgjendur Sjálfstæðisflokksins að hugsa, að falla frá stuðningi við flokkinn og lýsa því yfir að þeir myndu kjósa Framsóknarflokkinn í staðinn?  Ástæðan er sögð sú að margir vildu Hönnu Birnu sem formann.

Hvílík fásinna!  Vilja þeir yfirgefa Sjálfstæðisstefnuna sem þeir eru sannfærðir um að sé besta stjórnmálastefnan, Íslandi til bjrgar úr þeim öldudal sem þjóðin hefur verið í.

Mig langar til að segja þeim að Hanna Birna er þarna enn og flokkurinn mun njóta starfskrafta hennar og hæfileika, en Bjarni verður formaður allavega um sinn, eða eins og ég vil segja, vonandi  sem lengst.  Yfirgefið ekki Flokkinn sem hefur réttu lausnirnar efnahagslífinu og fólkinu í landinu til hjálpar.  Hverfið aftur til fylgis við Sjálfstæðisflokkinn.

Bjarni Benediktsson er að ég tel sköruglegur og ákveðinn stjórnmálamaður sem hefur mikið upp á að bjóða.   Mér finnst að andlitsvipur hans beri vott um einbeitingu, atorku og einlægan framkvæmdavilja, vilja til að koma lausnum Sjálfstæðisstefnunar til framkvæmdar.  Að hann vilji í einlægni standa sig sem best og verða þjóð sinni til sem mestrar hjálpar.

Ég tel að hann búi yfir eiginleikum sem til þarf til að geta orðið þjóð sinni til sem mestrar hjálpar og blessunar, og ég vona að hann geti sýnt það og sannað með því að fá að skipa einn af ráðherrastólum næstu ríkisstjórnar eða eins og ég vona helst: að hann skipi æðsta embætti komandi ríkisstjórnar.

Ég vil hvetja alla þá sem að stjórnmálum koma að hafa Kristin gildi og Kristið hugarfar ráðandi í ákvarðanatöku og við gerð alls konar frumvarpa og laga, því það mun verða þjóð okkar til mikillar blessunar .  Ég vil hvetja alla sem þetta lesa að aðhyllast Krist og snúa sér til hans líf sitt gaf fyrir okkur.

Ég hvet ykkur til að kjósa Sjálfstæðisflokkinn í næstu kosningum!

Fylgið myndi aukast ef Hanna Birna væri formaður

Sjálfstæðismenn hafa upp á margt gott að bjóða.

Hið minnkandi fylgi  Sjálfstæðisflokksins í skoðanakönnunum undanfarnar vikur er að ég hygg tilkomið vegna þess að fylgið hefur færst frá Sjálfstæðisflokki yfir til Framsóknarflokks.  Margir sem aðhylltust stefnu Sjálfstæðisflokksins urðu fyrir vonbrigðum með að flokkurinn skyldi vera afhuga banni á verðtryggingu húsnæðislána.  Þar sem Framsóknarflokkurinn boðar að hann muni standa fyrir almennri flatri niðurfærslu húsnæðislána hafa margir hrifist af stefnu Framsóknarflokksins, og síðustu skoðanakannanir hafa endurspeglað það.  Sjálfstæðismenn bjóða hins vegar uppá miklu hógværari leiðir til að létta til með húsnæðiskaupendum en það er: Skattaafsláttur af greiðslum lántakanda inná lán, hluti séreignarsparnaðar renni til innborgunar á láni, að boðið verði uppá bæði verðtryggð og óverðtryggð lán, og að vaxtaprósenta verði með tímanum sambærileg og vextir í nágrannalöndunum, að vægi verðtryggingar minnki með tímanum og ef aðstæður leyfa verði verðtryggingin afnumin, stimpilgjöld afnumin, og að hægt sé að skila lyklum af húsnæði ef skuldastaðan er óyfirstiganleg.

Ég er enginn sérfræðingur í þessum málum en ég tel að ríkissjóður hafi ekki efni á stórfelldri niðurfærslu verðtryggðra lána, og þessi leið  nýtist þeim best sem fjárfest hafa í dýrari eignum.   Stefna Sjálfstæðisflokksins er raunsæ og skynsamleg og er ekki of kostnaðarsöm fyrir ríkissjóð, og Sjálfstæðismenn eru ekki hræddir við að játa hana né aðhyllast því þeir vilja gefa fólki raunhæfar lausnir á skuldavanda heimilanna en ekki einhver gylliboð sem gætu bætt fylgi flokksins.

Sjálfstæðisstefnan er ekki aðeins stefna hinna ríku og mikils megandi.  Lækkun tekjuskatts, lækkun virðisaukaskatts og lækkun bensínverðs eru á meðal stefnumála flokksins.

En öllu þessu verður ekki komið í gegn nema undirstaðan í efnahag þjóðarinnar, atvinnulífið ásamt fjárfestingu og nýsköpun, komist á góðan skrið aftur.  En ég tel að Sjálfstæðisflokkurinn hafi það innsæi og atorku og góðar lausnir sem til þarf.  Afnám gjaldeyrishafta, lægri skattar og gjöld á fyrirtæk, minni ríkisafskipti og miðstýring, stöðugt umhverfi fyrir atvinnulífið með fjölgun starfa og hækkandi launum eru meðal þeirra lausna sem Sjálfstæðisflokkurinn telur að koma megi atvinnulífinu til lífs á ný.

Ég tel að við eigum að halda okkur við Krónuna, Íslendingar hafa þrátt fyrir verðbólgu og stöðugt gengisfall krónunnar í gegn um árin verið talin með efnaðari þjóðum heims.  Upptaka evru er engin töfralausn fyrir efnahag þjóðarinnar,  því við verðum að koma á stöðugleika í ríkisfjármálum og vinna bug á verðbólgunni áður en við tökum upp Evruna og verðum að viðhalda stöðugleika ef ekki á illa að fara alveg eins og gildir með Krónuna.  Tengdafaðir minn sem er búsettur í Belgíu hefur sagt að honum sé meinilla við Evruna.  Að hans sögn hækkuðu flestar vörur í verslunum nokkuð þegar Evran var tekin upp 1998.

Ég vona að Íslendingar ljái atkvæði sitt í næstu Alþingiskosningum þeim flokki sem bætt getur hag fólksins í landinu.

Framsókn ánægð - sjálfstæðismenn brýna vopnin

Sjálfstæðisflokkurinn býður ekki upp á óraunhæfar lausnir varðandi skuldavanda heimilanna.

Mig langar til að segja að ég tel að Sjálfstæðisflokkurinn eigi skilið meira fylgi en kom fram í síðustu skoðanakönnun Fréttablaðsins og Stöðvar 2.  Örsökin fyrir þessu minnkandi fylgi við flokkinn í undanförnum skoðanakönnunum er, að ég tel, vegna óraunhæfra gylliboða sem hinir flokkarnir og framboðin segjast ætla að koma í framkvæmd.  Mig langar til að segja að mér finnst að Sjálfstæðisflokkurinn sé ekki með slíkar lausnir varðandi skuldavanda heimilanna sem vafasamt er, í ljósi bágs efnahags ríkissjóðs, að gangi upp.

Mér finnst Bjarni Benediktsson formaður Sjálfstæðisflokkssins hafa rétt fyrir sér þegar hann lýsir því yfir að bann á verðtryggðum lánum sé ekki fýsilegur kostur, alla vega ekki í bili.  Vextir óverðtryggðra lána yrðu ekki hagstæðir nema aðstæður á fjárhagstöðu ríkisins batni og gengi Atvinnuveganna komist í viðunandi horf.  Segjum sem svo að bann yrði lagt á verðtryggð lán, þá yrði það bankanna og Seðlabankans að ákveða vextina.  Við vitum að bankarnir reyna að tryggja sinn hag og því myndu vextir þessara lána varla verða neitt til að hrópa húrra yfir alla vega ekki eins og staðan er núna.  Aðeins með því að koma smátt og smátt ró og velgengni yfir stöðu Ríkisjóðs og atvinnuveganna gætu vextir orðið ásættanlegir

Ég tel að Sjálfstæðisflokkurinn hafa góðar og haldgóðar lausnir til að koma gengi atvinnulifsins aftur á góðan skrið eins og:  Afnám gjaldeyrishafta ,lægri skattar og gjöld á fyrirtæki og minni ríkisafskipti og miðstýring.  Þessar aðgerðir munu með tímanum, að sögn Sjálfstæðismanna síðar meir skapa svigrúm til að minnka vægi verðtryggingar eða jafnvel  að afnema hana alfarið.

Mér finnst að lausnir Sjálfstæðismanna til handa húsnæðiskaupanda og leigjanda vera  skynsamlegar og raunhæfar.  Þær eru: sérstakur skattaafsláttur vegna afborgana af íbúðalánum sem rennur beint inn á höfuðstól lánanna, og að hluti séreignarsparnaðar renni til niðurborgunar á láni, að boðið verði uppá bæði verðtryggð og óverðtryggð lán og að vaxtaprósentan verði með tímanum svipuð og boðið er uppá í nágrannalöndunum.  Einnig er boðið upp á aðgerðir til að tryggja leiguhúsnæði.

Mér finnst að ekki sé hægt að segja að Sjálfstæðismenn hafi verið valdir að hruni því sem varð á Íslandi 2008, enda var Samfylkingin með Sjálfstæðisflokknum í stjórn þegar hrunið varð.

Ég tel að Sjálfstæðisflokknum sé vel treystandi til að taka sér stjórn þjóðarskútunnar og að Sjálfstæðisflokkurinn í forystu Bjarna Benediktssonar hafi það innsæi og dug til að koma atvinnulífinu í samt lag aftur og með tímanum byggja upp það velferðarkerfi, þar á meðal heilbreigðiskerfið, þannig að það sé eins og best þekkist hjá nágrannaþjóðunum.  Sjálfstæðisflokkurinn á það svo sannarlega skilið, að ég hygg, að við ljáum honum atkvæði okkar í komandi Alþingiskosningum.

 

Bjarni: Trúi á stefnuna fram í rauðan dauðann